Vagalatia 3
3
1Inwe Vagalatia valele! Nani wamusazaja inwe, hovene Kristo wolekivagwa hambele na minso ginwe 2isyo wakomelilwe ku musigiti? Ndikova kumuvuzya muhayo gumo duhu: Mwapivagwa Roho mugati na milimo ya ngʼhama, ninga mugati na kugasanizya 3genayo mwigagwa? Kinahe, muli valele? Inwe mwavukizaja mu Roho, mulikova kumalila mu muvili? 4Mwagadukilaga gose genaya cha gele? ulu gavagi cha 5gele loleyene! Mwenuyo homwene alimupa inwe Roho na alivezya migaka mugati ninwe, kinahe, alivezya yeniyi kunguno muliyidonhoka ngʼhama? ninga 6kunguno mwagasanizaja genayo mwigagwa? Yili kitisi yavage hamwa Abrahamu,
Mwenuyu wamusanizaja Mulungu, na yeniyi wasolozivilwe kitisi vugololoku.
7Sisyo mumaniche ati venavo valisanizya, venavo vali vana vamwa Abrahamu. 8Na aho vutone wawine kufuma mbuki ati Mulungu akuvagolola vapagani mugati nʼisanizyo, wamufumbulilaga Abrahamu mhola ya chelu ati,
Mugati naʼho vanhu vose vakudosiwa luvango.
9Sisyo venavo valisanizya, validosiwa luvango hamohene na Abrahamu musanizya. 10Kwisi vose hovene valisendamalika mvoyo kwigulya na milimo ya ngʼhama vali hansilili na ifwizilo, kwisi vutone vuliyomba,
Kila umo afwizilwe homwene akavile kugalindila gose genayo gatonilwe mu kitabu cha ngʼhama na kugamazya.
11Na yiligela vuliko ati, kuduhu umo aligololwa hambele na Mulungu mugati na ngʼhama, kwisi;
Mugololoku akuzuvuka kwʼisanizyo.
12Alisi ngʼhama yikafumile kwisanizyo, sumbwa
Homwene aliyimazya, akuzuvuka kuyo.
13Kristo watukomolaga kufuma kwʼifwizilo lya ngʼhama, aho wavagi mufwizilwa ha lwande lwiswe, kwisi yatonwa,
Kila umo alifwizilwa homwene asungilwe ku muti,
14kigele luvango lwamwa Abrahamu mugati na Kristo Yesu luvafikile vapagani, kigele tupiwe mugati nʼisanizyo Roho hoyene yalaganivilwe.
15Vadugu, ndiyomba isyo vanhu vakuyombaga: kuduhu umo alikovola kulivulaga ilagano lya munhu holyene lyakindikilwe, ninga ngʼo kongezya muhayo. Alisi malagano gayombilwe kumwa Abrahamu na mugana gwakwe. 16Alisi akayombile, Migana, kitisi yili mingi, alisi wayombaga kitisi ku gumo, Na mugana 17gwako, hogwene ali Kristo. Henaha ndiyomba giki: Ngʼhama hoyene yizaga hanuma na myaka magana anne na makumi adatu, yikakovolile kulivulaga ilagano holyene lyakindikilwe na Mulungu hambele, na sisyo kulizimangucha ilagano. 18Kwisi ulu isalo lilifuma ku ngʼhama haho ngʼo hangi kwilagano; alisi Mulungu wamupaga Abrahamu mugati na ilagano.
19Lelo ngʼhama yili na nguno ki? Yeniyi yongezivagwa kunguno ya mavusumule, kusika gwiza mugana gwenugo hogwene gwapivagwa ilagano, nayo yalagililwe na malaika mu kukono kwa muswanya. 20Alisi muswanya akavile muswanya wa munhu umo, alisi Mulungu ali umo duhu. 21Kinahe, ngʼhama yiligakana malagano ga Mulungu? Byololo, yikavile sisyo. Kwisi ulu mbe yaliyapanwa ngʼhama hoyene yakovolaga kuzuvucha, mbe vugololoku wafumile ku ngʼhama. 22Alisi vutone wagatungaga gose hansilili na vukenaguzi, kigele ilagano mugati na kumusanizya Yesu Kristo lipanwe ku venavo valisanizya.
23Alisi aho isanizyo lyavagi litali kwiza twavage tutungilwe hansilili na ngʼhama, tulilindile isanizyo holyene likufumbulwa haho. 24Syenisyo ngʼhama yavage kilongozi wa kututonga kumwa Kristo, kigele tupiwe 25vugololoku mugati nʼisanizyo; alisi vukumbu isanizyo lizaga tukavile hangi hansilili na kilongozi. 26Kwisi inwe vose muli vana va Mulungu mugati na kumusanizya Yesu Kristo. 27Kwisi inwe vose hovene mogivilwe kumwa Kristo mwamuzwalaga Kristo. 28Haduhu vulekane mugati na Muyahudi na Mugriki, ninga ngʼo mugati na musese na munamiko, ninga ngʼo mugati na mugosya na mukima, kwisi inwe vose muli umo mugati na Kristo Yesu. 29Alisi ulu muli vamwa Kristo, haho muli va mugana gwamwa Abrahamu, na vasaliki vʼilagano.
Currently Selected:
Vagalatia 3: Nym51
Highlight
Copy
Compare
Share
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
