SEKARIA 11
11
Iwa lya vandu vatiri Umbafu
1Rrwa myaango yafo yewe Lebanoni,
naambo muro wiidimi imamita mieresi yafo!
2Kapeny kyiiyo yeni misonobari,
mashika mieresi yanrumatwa,
miri eyo ya itumbe yallyamarwa!
Kapeny kyiiyo, yeni mialoni ya Bashani,
mashika ngorosho shiwongye yammanywa!
3Arannyiny fiiyo fya veeshillya,
mashika itumbe lyawo lyallyamarwa,
Arannya fiiyo fya miiso,
mashika kasa ka mura wa Yordan kallyamarwa!
Veesi vavii
4Nndumi Iruva, Iruva wakwa mmbo aamba, “Kwiipo kwava mwiisi wa moonri yoo akeendeshishwa 5Yewo vakeyuura, neevashisha nkwiifo nndu akeerera nawo-fo. Na valya vekee kumba moonri yoo mmbo vakeyaamba, ‘Nndumi narumishwa. Ulaalu lwammba masimba.’ Nta na valya vakee veesi vawo mmbakeelollya-fo. 6Nndumi Iruva kaamba nshikivalollyaa-se ukiva vandu va ulana yelu-fo, mmbo shiraa wo nndu maakon a mwiisi wakwe, na wo umwi maakony a mangyi yakwe, nawo vashelyamara uruka na yeny nshisheturunyaa-fo nta umwi uka maakony awo-fo.” 7Kweekyo yeny shashevikwa mwiisi wa moonri alya eekekumbwa andeshishwa mmbalya veekaba mbusha, ya yuura na indeshisha, Naasa shandeepo mbiiri ivii wokony imwi shaivaanga, “Ilyillya” na ingyi shaivaanga “Umwi.” Sheesa moonri akwa; 8ando a mwiiri umwi shawaa veesi vararu valyang'a. Neeny shasukywa ni mashora awo. Nawo vakashiswa. 9Neeny nshikivaa lyingyi mwiisi waany-fo, “Eto ashefwaa, nafwe neeto ashemamika, namamike na valya vasaa-fo, vakulye veni na veni.” 10Naasa sheepoo mbiiri ilya yakwa sheivaanga Ilyillya shaifisha, kyeyoora sheelyi, kyaasa kilya Iruva emmbika na vandu woose mmbo kyamfishwa. 11Kyaasa kilya kyikafishwa nkonu ulya mweni. Veekaba mbusha valya veyuura na ikumba maanri veekeshilola, vakamanya sheelyi mmbo lyeekee irero lya Nndumi Iruva. 12Naasa shavavia, “Kwakooya ni usumanu kwany, shiniingeny ekyo kyikwaani na yeny; kwakooya oode seeny nakyo.” Naasa vakeesa weesi lwakwa shekeli makumi araru ta fesa. 13Nawe Nndumi Iruva kashivia, “Endavika efo mbolokony ya mmba ya iterevya. Na weesi yelo shetawa, llo lweesumannyi shitawo. Na yeny sheepo shekelyi tilya makumi araru ta fesa, shandetivika kulya mbolokony ya mmba ya Nndumi Iruva. 14Naasa shafisha mbiiri ilya yakwa ya kavii ‘Umwi’ nalyo ukulungo nnang'ani ya Isreli lukafika. 15Naasa Nndumi Iruva kashivia, ‘Kwiipo lyingyi kukwallwe mwiisi wa maanri alakee nsongovisi.’ 16Mashika mmbo shikeyeende kunu urukeny, mwiisi alasarye mbony ta maanri akeerumaka, nta isangirya valya vakeenyanyaka, nta ivavara valya vafikye marende, nta iniinga shoonga valya vatiri muu, indi mmbo ashesauwa, nalye valya vatiri finya, nalye asande na mbungashu ta-vayo
17‘Woshiny llwa veesi valyang'a,
yeto alasaraa kya maanri akwe!
Woko lwakwe usha mmbo lumanywo na usu,
na iriso lyakwe lya woko usha lyiiluwo-fo!
Woko lwakwe luve ufiri,
na iriso lyakwe lya woko usha lyiparike.’”
Currently Selected:
SEKARIA 11: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
