KYIIMBO KYA FIIMBO 3
3
1Kyio shilele kyiriny mmbo sheruuya nkunde wakwa wa nrima,
Nshennduuya kyaindi nshembonisa-fo
Shammbaanga nta nyeerika-fo.
2Shaamba ra shikwiipoo shinduuye muriny,
Efo shia naakwa mmikony shiiruyaa wakwa wa nrima shillollye.
3Varingyi va muri vakashilollya,
Kyeeri wo veekee isengetya miriny.
Naasa shavavesa,
“A ndesa mwallollya nkunde wakwa wa nrima?”
4Llya yeni shalakana nawo,
Shalollya nkunde wakwa wa nrima;
Shantira tapu nta shilakillotore-se,
Kutani shamfita kyeny kwa ma wakwa,
Shamwaata allya kirieny kya ulya mwiishiwona.
5Mmbo shemutereva yeni vana va kyeny va Yerusalemu,
Sha sunu na saria mulaaye nta mulaante ikunda-fo;
Kutani fyeeri fya-vayo fyautika fyeni.
Kyiimbo kya Karaaru
Nndu nka
6A nkyoki kilya kyaparika kyuuka na kasa koomu
Sha ngo ya nnara ishuutaa nsu,
Kifwaamaa mane-mane na ubani,
Poda iikumbwaa mbekapa-mbusha.
7Lolate! Ni kiri kya Solomoni
Kyeekee kitiminy kyakwe kya itumbe,
Mmbo aringito m-mbaringyi makumi arindaru,
Matorito a ngala wa Israeli.
8Wo umwi mmbo atiri usu wokony,
Wo umwi waawo mmbo akee wa ngala wa fira.
Wo umwi mmbo ainivye usu kisiny,
elele shoovi nakapane na nkiduva elyi kio.
9Mangyi Solomony mmbo esongosya kiri kyakwe,
Kya mbau shisha tuukye Lebanoni.
10Mifumbati ya-vayo mmbo yesongosywa na fesa
Matendeko a vayo nnya saabu sheni;
Ando kwa ikaya kukashopo na fitambaa fya fwana ya sambara-u,
Fikee fyooke kya ikunda m-mbaka va Yerusalemu,
Vakafumya yoora ikunda lya kilanya.
11Naasa oshony nyeni vaka va Sioni,
Mundelollya mangyi Solomoni.
Mmbo aree ureto aambikwa mmaaye mwimmbona,
Nkonu ulya aalyika,
Yee ni nkonu ulya nrima vakwe wekesa na ifura.
Currently Selected:
KYIIMBO KYA FIIMBO 3: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
KYIIMBO KYA FIIMBO 3
3
1Kyio shilele kyiriny mmbo sheruuya nkunde wakwa wa nrima,
Nshennduuya kyaindi nshembonisa-fo
Shammbaanga nta nyeerika-fo.
2Shaamba ra shikwiipoo shinduuye muriny,
Efo shia naakwa mmikony shiiruyaa wakwa wa nrima shillollye.
3Varingyi va muri vakashilollya,
Kyeeri wo veekee isengetya miriny.
Naasa shavavesa,
“A ndesa mwallollya nkunde wakwa wa nrima?”
4Llya yeni shalakana nawo,
Shalollya nkunde wakwa wa nrima;
Shantira tapu nta shilakillotore-se,
Kutani shamfita kyeny kwa ma wakwa,
Shamwaata allya kirieny kya ulya mwiishiwona.
5Mmbo shemutereva yeni vana va kyeny va Yerusalemu,
Sha sunu na saria mulaaye nta mulaante ikunda-fo;
Kutani fyeeri fya-vayo fyautika fyeni.
Kyiimbo kya Karaaru
Nndu nka
6A nkyoki kilya kyaparika kyuuka na kasa koomu
Sha ngo ya nnara ishuutaa nsu,
Kifwaamaa mane-mane na ubani,
Poda iikumbwaa mbekapa-mbusha.
7Lolate! Ni kiri kya Solomoni
Kyeekee kitiminy kyakwe kya itumbe,
Mmbo aringito m-mbaringyi makumi arindaru,
Matorito a ngala wa Israeli.
8Wo umwi mmbo atiri usu wokony,
Wo umwi waawo mmbo akee wa ngala wa fira.
Wo umwi mmbo ainivye usu kisiny,
elele shoovi nakapane na nkiduva elyi kio.
9Mangyi Solomony mmbo esongosya kiri kyakwe,
Kya mbau shisha tuukye Lebanoni.
10Mifumbati ya-vayo mmbo yesongosywa na fesa
Matendeko a vayo nnya saabu sheni;
Ando kwa ikaya kukashopo na fitambaa fya fwana ya sambara-u,
Fikee fyooke kya ikunda m-mbaka va Yerusalemu,
Vakafumya yoora ikunda lya kilanya.
11Naasa oshony nyeni vaka va Sioni,
Mundelollya mangyi Solomoni.
Mmbo aree ureto aambikwa mmaaye mwimmbona,
Nkonu ulya aalyika,
Yee ni nkonu ulya nrima vakwe wekesa na ifura.
The Holy Bible in Kimashami © Bible Society of Tanzania, 2016.