KYIIMBO KYA FIIMBO 2
2
1Yeny ni kivaro kya Sharoni,
Mmbo shikee Liilyi ya imungony.
Nndu nsoro
2Shaasa kivaro lya liilyi kisennyaa kiivaiye nnang'ani ya miinga,
Ni indo-da nkunde wakwa alollyo kyeeri akee na vana vengyi va kyeny.
Nndu nka
3Sha nri va ipeera nnang'ani ya miri ya ngoroshony,
Ni indo-da nkunde wakwa alollyo kyeeri akee na vasero vengyi.
Mmbo shisennywa deny kyeeri shikee rembo kirisheny kyakwe,
Na ndunda yakwe mmbo irolaa kyuumu nnu kwakwa.
4Mmbo aleshiipo kutani ashifita mmba ya ilyiiya,
Kavaaya ifumu lya ikunda uwe yakwa.
5Shiwuutisaany na misabibu
Shiviirya muu na mapeera,
Mashika ikunda lyafo lyanshinanga.
6Woko lwakwe umuso nsumbai ya nrwe wakwa lukai,
Na woko lwakwe usha lukashishukura.
7Mmbo shamutereva vana va kyeny va Yerusalemu,
Shaasa tikee sunu ao saria ta efo ngoroshony,
Mulaante nta mulaaye ikunda,
Kutani fyeeri fyavayo fyawutika fyeni.
Kyiimbo kya kavii
Nndu nka
8Yelo ni unyanga lwa nkunde wakwa,
Akeesha eerishaa,
Nyakee ikyillya mafumbu,
Fidooro mmbo akeefiira swany!
9Nkunde wakwa sha sunu,
Nsha ngurana ya saria.
Mmbo asalallye kufii na isimamba lyeeru,
Eeshaamaiyaa idirisheny,
Kalola esye-do.
10Nkunde wakwa karera kashivia,
Nndu nsoro
Kwiipo ulaalu yewe nkunde wakwa wa nrima,
Osho nnde lweende kyeeru.
11Lola ulaalu fyeeri fya mbyoo fyammiira,
Na mmbwa tammanda
12Fivaro mmbo fivaiye wo ando.
Kyeeri kya iimba kyanfika
Unyanga lwa mbeta lwammiitiwa efo fyaambeny fyeeru.
13Makuu ampooka ivika ndunda;
Na misabibu yammbaa fivaro;
Mmbo fikee ifwaama nisha kyuumu.
Oshoony ulaalu yewe nkunde wakwa wa nrima,
Osho nnde lweende.
14Yewe mbeta yakwa, kukusurumye ngininy.
Shoora kisangu kyafo tupu,
A nkye shiite unyanga lwafo-dwa
Mashika unyanga lwafo mmbo lwasennya,
na kisangu kyafo kyikeende nsia.
15Lutiryeny maparwe,
Maparwe allya mannywa-mannywa,
Mmbo akee ilyamara misabibu yeeru ikee ivaa fivaro.
Nndu nka
16Nkunde wakwa m-mbwakwa na yeny m-mbwakwe.
We mmbo eesaa moonri akwe ando kui-yo fivaro fya liilyi.
17Kutani kyeende-saa kyaparikya,
Na firishe fikareka.
Wuya sha sunu woi nkunde wakwa,
Sha ngurana ya saria ikee uwe ya mafumbuu a Beteri.
Currently Selected:
KYIIMBO KYA FIIMBO 2: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
KYIIMBO KYA FIIMBO 2
2
1Yeny ni kivaro kya Sharoni,
Mmbo shikee Liilyi ya imungony.
Nndu nsoro
2Shaasa kivaro lya liilyi kisennyaa kiivaiye nnang'ani ya miinga,
Ni indo-da nkunde wakwa alollyo kyeeri akee na vana vengyi va kyeny.
Nndu nka
3Sha nri va ipeera nnang'ani ya miri ya ngoroshony,
Ni indo-da nkunde wakwa alollyo kyeeri akee na vasero vengyi.
Mmbo shisennywa deny kyeeri shikee rembo kirisheny kyakwe,
Na ndunda yakwe mmbo irolaa kyuumu nnu kwakwa.
4Mmbo aleshiipo kutani ashifita mmba ya ilyiiya,
Kavaaya ifumu lya ikunda uwe yakwa.
5Shiwuutisaany na misabibu
Shiviirya muu na mapeera,
Mashika ikunda lyafo lyanshinanga.
6Woko lwakwe umuso nsumbai ya nrwe wakwa lukai,
Na woko lwakwe usha lukashishukura.
7Mmbo shamutereva vana va kyeny va Yerusalemu,
Shaasa tikee sunu ao saria ta efo ngoroshony,
Mulaante nta mulaaye ikunda,
Kutani fyeeri fyavayo fyawutika fyeni.
Kyiimbo kya kavii
Nndu nka
8Yelo ni unyanga lwa nkunde wakwa,
Akeesha eerishaa,
Nyakee ikyillya mafumbu,
Fidooro mmbo akeefiira swany!
9Nkunde wakwa sha sunu,
Nsha ngurana ya saria.
Mmbo asalallye kufii na isimamba lyeeru,
Eeshaamaiyaa idirisheny,
Kalola esye-do.
10Nkunde wakwa karera kashivia,
Nndu nsoro
Kwiipo ulaalu yewe nkunde wakwa wa nrima,
Osho nnde lweende kyeeru.
11Lola ulaalu fyeeri fya mbyoo fyammiira,
Na mmbwa tammanda
12Fivaro mmbo fivaiye wo ando.
Kyeeri kya iimba kyanfika
Unyanga lwa mbeta lwammiitiwa efo fyaambeny fyeeru.
13Makuu ampooka ivika ndunda;
Na misabibu yammbaa fivaro;
Mmbo fikee ifwaama nisha kyuumu.
Oshoony ulaalu yewe nkunde wakwa wa nrima,
Osho nnde lweende.
14Yewe mbeta yakwa, kukusurumye ngininy.
Shoora kisangu kyafo tupu,
A nkye shiite unyanga lwafo-dwa
Mashika unyanga lwafo mmbo lwasennya,
na kisangu kyafo kyikeende nsia.
15Lutiryeny maparwe,
Maparwe allya mannywa-mannywa,
Mmbo akee ilyamara misabibu yeeru ikee ivaa fivaro.
Nndu nka
16Nkunde wakwa m-mbwakwa na yeny m-mbwakwe.
We mmbo eesaa moonri akwe ando kui-yo fivaro fya liilyi.
17Kutani kyeende-saa kyaparikya,
Na firishe fikareka.
Wuya sha sunu woi nkunde wakwa,
Sha ngurana ya saria ikee uwe ya mafumbuu a Beteri.
The Holy Bible in Kimashami © Bible Society of Tanzania, 2016.