VAROME 15
15
Reny ikukunda muveni
1Kimmba niindo mmbo kilukooye yese lutiri finya lwiipoo ufwafwa lwa valya valatiri finya, nta lulave vandu vekukunda luveni. 2Wo nndu nnang'ani yeeru nalole shaasa ashesennyaa yeto ungyi, nasennywa neetumariswa. 3Mashika naakwa ni Kristo nnyalekusennya we muni-fo; kuuta nshaasa kyikee kyireiye. Filya filererwa-u kyikasha kyafo ni yeny fileshikooya. 4Mashika efyo fikee fireiye mmbo filereiyo naambo yese kyeendwa ni usisiryo na iviiryo muu lwawonisa efo Mareiyony yoo Meele lwiidimi ivika nsia. 5Iruva mmbwe mwiluniinga usisiryo na iviiryo muu, nawe namulyimyi ukaari na ikutira efo kwa Yesu Kristo. 6Naambo neeni moose mwikee na nrwe umwi-nsi mwiidimi iitikisa Iruva Nde na Nndumi weeru Yesu Kristo.
Mbony Shisha kwa vandu woose
7Kyasia waryaniny kyeny kwany muveni na veni shaasa Kristo alemuwarya yeni naambo itumbe lya Iruva lyikooye ilollyo. 8Manyiny-te naakwa ni Kristo mmbo alerundya Vayuda naambo naore paa shaasa Iruva akee nsha, na fyaasa filya Iruva alevikya vakuu veru fikooye iinukkya. 9Naambo na vandu va masanga engyi vaute-u irumisha Iruva kyeendwa ni ilyillya lyakwe. Mareiyo yoo Meele niindo aamba:
“Kimmba niindo mmbo nshekurumishaa
efo vanduny va masanga moose.
Shiimbe nnduma wa irina lyafo.”
10Nang'u mareiyo akaamba lyingyi,
“Kyefureny yeni vandu va masanga
fureny musange na vandu vengyi woose.”
11Na lyingyi,
“Eni vandu va masanga moose ng'aniseny Nndumi
eni vandu woose nnganiseny.”
12Nawe Isaya kaamba,
“Asheshaa nndu auka efo ufyariny lwa Yese,
nawe asheshillyaa vandu va masanga
nawo vashembikaa nsia.”
13Naasany, Iruva yeto amwiidimisya ivika nsia namweengye ifura lyoose na ufoo lyuukye efo kyikusiryony kyany, naambo na ivika nsia lyany lyeengereke kyeendwa ni finya ya Mumuyo Mweele.
Urundi lwa Paulo
14Vanavama, mmbo shikee nsununndye deny kyany kyeyaamba naakwa nnyeni mutiri mesha meengyi, muraiye urango, mukaidima na iikimbana. 15Lyo mmbo shiifo shimureiyaa findo efi nookaari yaa kyengeny ekyi kya barrwa yei, kyive sheelyi shamukumbura-da, kyimaruma kya isarya llya shilelyimmyo ni Iruva. 16Naambo shive mwifurukannya Kristo Yesu efo nnang'ani ya vandu va masanga, shirundye Nrumi ya Iruva ya Nsia ishora lya ukohani, naambo vandu va masanga vave kiraso kyisenyi, kyikammaa iilyiso ni Mumuyo Mweele. 17Naasany, yeny mmbo shilollye kyimaruma kya ifura nnu na Kristo Yesu mbee ya Iruva. 18Mashika nshishidimaa isenda nta irero lyimwi ishoreny lyakwa Kristo alyisuuye-fo, naambo vandu va masanga vaindye-u, na irero ao na kindo kyeetana. 19Kwi finya ya ngyende na findo filandelollywa na wiidimi lwa Mumuyo Mweele; naasa kipookya Yerusalemu neefo minyanuny ya vayo kufike Iluriko mmbo shilevambisa Nrumi shisha ya Kristo na ifura. 20Lingyi shakutakura shilaambe Nrumi ya Nsia alya kweni irina lya Kristo lyilemmaa isendwa, naambo tupu shilatannyi mmba uvasheny lwa nndu ungyi. 21Kive shaasa kyikee kyireiye indi,
“Valya valandeongoywa mbony takwe vashelollyaa.
Na valya valandeite vashemmanyaa.”
Paulo akunda yeenda Rome
22Nkyo kyimaruma wo kyeeri shilelemwa isha kwany. 23Kyaindi ulaalu, kimmba shilatiri mwaanya kunu, na lyingyi uka myaaka miingyi sheelangye isha kwany; 24nkonu moose eto nshipoo kyaaro yeenda Hispania mmbo nshaa kwany. Mashika mmbo shilanngye imulollya yeni kyaarony ekyo kyakwa. Mushivikye kilyilyika, nrima wakwa uwuutiso nnyeni. 25Lyo ulaalu nkuti sheende mbele Yerusalemu, shindefurukannya veele va Nndumi. 26Mashika mmbo kilesennya vandu va Makedonia na Akaya isanyirya firaso kyimaruma kya veele yewo va Yerusalemu vakee vakiva. 27Yee, mmbo kilevasennya indo, nawo mmbo vatiri sye kwawo. Mashika kwakooya vandu va masanga vantarannya nawo mbony ta miriminy, mmbo valesennyo nawo ivafurukannya kya efyo fya mwiili. 28Naasany kwakooya shainutya ishora elyo, na iringisya ndunda eto, mmbo nshiiraa kwany sheende Hispania. 29Neeny shiishi shamanya shansha kwany mmbo nshaa na mbora ya Kristo iishwe shapu. 30Vanavama, mmbo shamutereva kwi Yesu Kristo, na kwi ukundi lwa Mumuyo kutakureny ando amwi neeny efo fiterewony fyany mbee ya Iruva kyimaruma kyakwa. 31Shikirwa maakony a valya valairikkye kulya Uyuda, na lyingyi naambo urundi elu lwakwa kulya Yerusalemu lukooye iirikkywa mbee ya veele. 32Naambo shiidimi isha kwany shiitiri ifura, shaasa Iruva akundye, nsheimuya ando amwi neeni. 33Iruva wa ufoo nakae ando amwi neeni moose. Amen.
Currently Selected:
VAROME 15: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
VAROME 15
15
Reny ikukunda muveni
1Kimmba niindo mmbo kilukooye yese lutiri finya lwiipoo ufwafwa lwa valya valatiri finya, nta lulave vandu vekukunda luveni. 2Wo nndu nnang'ani yeeru nalole shaasa ashesennyaa yeto ungyi, nasennywa neetumariswa. 3Mashika naakwa ni Kristo nnyalekusennya we muni-fo; kuuta nshaasa kyikee kyireiye. Filya filererwa-u kyikasha kyafo ni yeny fileshikooya. 4Mashika efyo fikee fireiye mmbo filereiyo naambo yese kyeendwa ni usisiryo na iviiryo muu lwawonisa efo Mareiyony yoo Meele lwiidimi ivika nsia. 5Iruva mmbwe mwiluniinga usisiryo na iviiryo muu, nawe namulyimyi ukaari na ikutira efo kwa Yesu Kristo. 6Naambo neeni moose mwikee na nrwe umwi-nsi mwiidimi iitikisa Iruva Nde na Nndumi weeru Yesu Kristo.
Mbony Shisha kwa vandu woose
7Kyasia waryaniny kyeny kwany muveni na veni shaasa Kristo alemuwarya yeni naambo itumbe lya Iruva lyikooye ilollyo. 8Manyiny-te naakwa ni Kristo mmbo alerundya Vayuda naambo naore paa shaasa Iruva akee nsha, na fyaasa filya Iruva alevikya vakuu veru fikooye iinukkya. 9Naambo na vandu va masanga engyi vaute-u irumisha Iruva kyeendwa ni ilyillya lyakwe. Mareiyo yoo Meele niindo aamba:
“Kimmba niindo mmbo nshekurumishaa
efo vanduny va masanga moose.
Shiimbe nnduma wa irina lyafo.”
10Nang'u mareiyo akaamba lyingyi,
“Kyefureny yeni vandu va masanga
fureny musange na vandu vengyi woose.”
11Na lyingyi,
“Eni vandu va masanga moose ng'aniseny Nndumi
eni vandu woose nnganiseny.”
12Nawe Isaya kaamba,
“Asheshaa nndu auka efo ufyariny lwa Yese,
nawe asheshillyaa vandu va masanga
nawo vashembikaa nsia.”
13Naasany, Iruva yeto amwiidimisya ivika nsia namweengye ifura lyoose na ufoo lyuukye efo kyikusiryony kyany, naambo na ivika nsia lyany lyeengereke kyeendwa ni finya ya Mumuyo Mweele.
Urundi lwa Paulo
14Vanavama, mmbo shikee nsununndye deny kyany kyeyaamba naakwa nnyeni mutiri mesha meengyi, muraiye urango, mukaidima na iikimbana. 15Lyo mmbo shiifo shimureiyaa findo efi nookaari yaa kyengeny ekyi kya barrwa yei, kyive sheelyi shamukumbura-da, kyimaruma kya isarya llya shilelyimmyo ni Iruva. 16Naambo shive mwifurukannya Kristo Yesu efo nnang'ani ya vandu va masanga, shirundye Nrumi ya Iruva ya Nsia ishora lya ukohani, naambo vandu va masanga vave kiraso kyisenyi, kyikammaa iilyiso ni Mumuyo Mweele. 17Naasany, yeny mmbo shilollye kyimaruma kya ifura nnu na Kristo Yesu mbee ya Iruva. 18Mashika nshishidimaa isenda nta irero lyimwi ishoreny lyakwa Kristo alyisuuye-fo, naambo vandu va masanga vaindye-u, na irero ao na kindo kyeetana. 19Kwi finya ya ngyende na findo filandelollywa na wiidimi lwa Mumuyo Mweele; naasa kipookya Yerusalemu neefo minyanuny ya vayo kufike Iluriko mmbo shilevambisa Nrumi shisha ya Kristo na ifura. 20Lingyi shakutakura shilaambe Nrumi ya Nsia alya kweni irina lya Kristo lyilemmaa isendwa, naambo tupu shilatannyi mmba uvasheny lwa nndu ungyi. 21Kive shaasa kyikee kyireiye indi,
“Valya valandeongoywa mbony takwe vashelollyaa.
Na valya valandeite vashemmanyaa.”
Paulo akunda yeenda Rome
22Nkyo kyimaruma wo kyeeri shilelemwa isha kwany. 23Kyaindi ulaalu, kimmba shilatiri mwaanya kunu, na lyingyi uka myaaka miingyi sheelangye isha kwany; 24nkonu moose eto nshipoo kyaaro yeenda Hispania mmbo nshaa kwany. Mashika mmbo shilanngye imulollya yeni kyaarony ekyo kyakwa. Mushivikye kilyilyika, nrima wakwa uwuutiso nnyeni. 25Lyo ulaalu nkuti sheende mbele Yerusalemu, shindefurukannya veele va Nndumi. 26Mashika mmbo kilesennya vandu va Makedonia na Akaya isanyirya firaso kyimaruma kya veele yewo va Yerusalemu vakee vakiva. 27Yee, mmbo kilevasennya indo, nawo mmbo vatiri sye kwawo. Mashika kwakooya vandu va masanga vantarannya nawo mbony ta miriminy, mmbo valesennyo nawo ivafurukannya kya efyo fya mwiili. 28Naasany kwakooya shainutya ishora elyo, na iringisya ndunda eto, mmbo nshiiraa kwany sheende Hispania. 29Neeny shiishi shamanya shansha kwany mmbo nshaa na mbora ya Kristo iishwe shapu. 30Vanavama, mmbo shamutereva kwi Yesu Kristo, na kwi ukundi lwa Mumuyo kutakureny ando amwi neeny efo fiterewony fyany mbee ya Iruva kyimaruma kyakwa. 31Shikirwa maakony a valya valairikkye kulya Uyuda, na lyingyi naambo urundi elu lwakwa kulya Yerusalemu lukooye iirikkywa mbee ya veele. 32Naambo shiidimi isha kwany shiitiri ifura, shaasa Iruva akundye, nsheimuya ando amwi neeni. 33Iruva wa ufoo nakae ando amwi neeni moose. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.