VAROME 16
16
Fiidikiro kwa Vandu vave na vave
1Mmbo shikeerambikya Fibi mwanamaye weeru kwany. We ni mwifurukannya siri ya Kenkrea. 2Shamutereva mbwaryeny kyimaruma kya Nndumi; shaasa kyikooye veele, mushemweekya kindo kyoose yekyo kishenting'aa, mashika naako niwe mmbo aleva mwiekkya vandu veengyi, kavesheekkya naako ni yeny. 3Shiidikiryeny Priska na Akila. Yeva ni varundi va Kristo Yesu kimwi sha yeny. 4Nawo mmbo vekudeesye naako ni irumbuwa nrwe kyimaruma kyakwa; nawo mmbo nkevaana, nta nshi yeny shimuni-da-fo, kyaindi ando amwi na Siri ta vandu va masanga moose. Shiidikiryeny na siri yeyo ya mmba kwawo. 5Shiidikiryeny Epaineto, nkunde wakwa yeto alepooka tishi iirikya Kristo kulya Asia. 6Shiidikiryeny na Miryamu yeto alekuvinisa nnu-dwa kyimaruma kyany. 7Shiidikiryeny na Androniko na Yunia, wo ni vandu vakwa, valefingwa ando amwi neeny, vakavetira nnduma efo nnang'ani ya varumi; nawo mmbo valeshisongoya imanya Nndumi. 8Shiidikiryeny na Ampliato, nkunde wakwa kyimaruma kya Nndumi. 9Shiidikiryeny na Urbano, nndundi wa Kristo ando amwi neeny, na Stakisi, nkunde wakwa. 10Shiidikiryeny na Apele, nawe akee mwirikye ni Kristo. Shiidikiryeny na vandu va mmba ya Aristabulo. 11Shiidikiryeny Herodiani, nndu wakwa. Shiidikiryeny na vandu va mmba ya Narkiso, nawo vakee na Nndumi. 12Shiidikiryeny na Trifaina na Trifosa, vasasari nnu efo kwa Nndumi. Shiidikiryeny na Persisi, nkunde alekutakura nnu kyimaruma kya Nndumi. 13Shiidikiryeny na Rufo, nsauwe wa Nndumi, na maaye, kaveva na ma-da. 14Shiidikiryeny na Asinkrito, Flegoni, Herme, Patroba, Herma, na vanavama yewo vakee nawo. 15Shiidikiryeny Filologo na Yulia, Nerea na mfwamaye, na Olimpa, na veele woose yewo vakee ando amwi nawo. 16Idikiraniny mwikumimindaa na ngata sheele. Siri toose ta Kristo nato tamwiidikira.
Marero eelakana nawo
17Vanavama vakwa, shamwiikima, kwiiseny nnu na valya vatiri uriingyi na filya fyeende misindara nafyo fivikyani kiduva na ufundo lwany. 18Mashika yewo vakee indo mmbakeerunndya Nndumi weeru Yesu Kristo-fo, nndeu tawo veni. Nawo mmbo vareraa marero mafoo vekukundisaa, ate mmbo vakeelemba mirima ya vandu vatele. 19Mashika wiindi lwany mmbo lulemanyika ni vandu woose, nkyo kyimaruma shafura neeni. Lyo mmbo shikundye muve vaarya nnu mwitanaa findo fisha, muveva vatondo findony fikasha. 20Nawe Iruva mmbo ashekakashaa mmbishwa efo si ya marende any uviny.
21Timoteo, ulya akee nndundi ando amwi neeny amwiidikira, na Lukio na Yason, na Sosipatro, vanavama. 22Neeny Tertio, shareiya barrwa yei shamwiidikira shikee na Nndumi. 23Gayo yeto aleshiwarya na Siri shoose-da amwiidikira na irina lya Nndumi. Erasto, mwisalallya muri, nawe amwiidikira, na Kwarto, we mwanamaye weeru. [ 24Isarya lya Nndumi weeru Yesu Kristo lyikae neeni moose Amen.]
Kiterewo kya yaarafuma
25Ulaaluny narumishwa yeto ashidimaa imutumarisa kiinani na ndera yakwa na kya elyi Yesu Kristo akee yongoywa kiinani na masukuyony a kyama kilya kyekee kyisikye uka kasha. 26Kyikashesukuwa kyeeri ekyi efo mareiyony a vakisuku, kyikashemanyika ni vandu va masanga moose, shaasa Iruva wa llung'anu alevavasya. Naambo vainndye Kyikusiryo ekyo. 27Ni we Iruva muni araiye urango. Nnduma mmbwakwe kyeendwa ni Yesu Kristo, llung'anu na llung'anu. Amen.
Currently Selected:
VAROME 16: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
VAROME 16
16
Fiidikiro kwa Vandu vave na vave
1Mmbo shikeerambikya Fibi mwanamaye weeru kwany. We ni mwifurukannya siri ya Kenkrea. 2Shamutereva mbwaryeny kyimaruma kya Nndumi; shaasa kyikooye veele, mushemweekya kindo kyoose yekyo kishenting'aa, mashika naako niwe mmbo aleva mwiekkya vandu veengyi, kavesheekkya naako ni yeny. 3Shiidikiryeny Priska na Akila. Yeva ni varundi va Kristo Yesu kimwi sha yeny. 4Nawo mmbo vekudeesye naako ni irumbuwa nrwe kyimaruma kyakwa; nawo mmbo nkevaana, nta nshi yeny shimuni-da-fo, kyaindi ando amwi na Siri ta vandu va masanga moose. Shiidikiryeny na siri yeyo ya mmba kwawo. 5Shiidikiryeny Epaineto, nkunde wakwa yeto alepooka tishi iirikya Kristo kulya Asia. 6Shiidikiryeny na Miryamu yeto alekuvinisa nnu-dwa kyimaruma kyany. 7Shiidikiryeny na Androniko na Yunia, wo ni vandu vakwa, valefingwa ando amwi neeny, vakavetira nnduma efo nnang'ani ya varumi; nawo mmbo valeshisongoya imanya Nndumi. 8Shiidikiryeny na Ampliato, nkunde wakwa kyimaruma kya Nndumi. 9Shiidikiryeny na Urbano, nndundi wa Kristo ando amwi neeny, na Stakisi, nkunde wakwa. 10Shiidikiryeny na Apele, nawe akee mwirikye ni Kristo. Shiidikiryeny na vandu va mmba ya Aristabulo. 11Shiidikiryeny Herodiani, nndu wakwa. Shiidikiryeny na vandu va mmba ya Narkiso, nawo vakee na Nndumi. 12Shiidikiryeny na Trifaina na Trifosa, vasasari nnu efo kwa Nndumi. Shiidikiryeny na Persisi, nkunde alekutakura nnu kyimaruma kya Nndumi. 13Shiidikiryeny na Rufo, nsauwe wa Nndumi, na maaye, kaveva na ma-da. 14Shiidikiryeny na Asinkrito, Flegoni, Herme, Patroba, Herma, na vanavama yewo vakee nawo. 15Shiidikiryeny Filologo na Yulia, Nerea na mfwamaye, na Olimpa, na veele woose yewo vakee ando amwi nawo. 16Idikiraniny mwikumimindaa na ngata sheele. Siri toose ta Kristo nato tamwiidikira.
Marero eelakana nawo
17Vanavama vakwa, shamwiikima, kwiiseny nnu na valya vatiri uriingyi na filya fyeende misindara nafyo fivikyani kiduva na ufundo lwany. 18Mashika yewo vakee indo mmbakeerunndya Nndumi weeru Yesu Kristo-fo, nndeu tawo veni. Nawo mmbo vareraa marero mafoo vekukundisaa, ate mmbo vakeelemba mirima ya vandu vatele. 19Mashika wiindi lwany mmbo lulemanyika ni vandu woose, nkyo kyimaruma shafura neeni. Lyo mmbo shikundye muve vaarya nnu mwitanaa findo fisha, muveva vatondo findony fikasha. 20Nawe Iruva mmbo ashekakashaa mmbishwa efo si ya marende any uviny.
21Timoteo, ulya akee nndundi ando amwi neeny amwiidikira, na Lukio na Yason, na Sosipatro, vanavama. 22Neeny Tertio, shareiya barrwa yei shamwiidikira shikee na Nndumi. 23Gayo yeto aleshiwarya na Siri shoose-da amwiidikira na irina lya Nndumi. Erasto, mwisalallya muri, nawe amwiidikira, na Kwarto, we mwanamaye weeru. [ 24Isarya lya Nndumi weeru Yesu Kristo lyikae neeni moose Amen.]
Kiterewo kya yaarafuma
25Ulaaluny narumishwa yeto ashidimaa imutumarisa kiinani na ndera yakwa na kya elyi Yesu Kristo akee yongoywa kiinani na masukuyony a kyama kilya kyekee kyisikye uka kasha. 26Kyikashesukuwa kyeeri ekyi efo mareiyony a vakisuku, kyikashemanyika ni vandu va masanga moose, shaasa Iruva wa llung'anu alevavasya. Naambo vainndye Kyikusiryo ekyo. 27Ni we Iruva muni araiye urango. Nnduma mmbwakwe kyeendwa ni Yesu Kristo, llung'anu na llung'anu. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.