SABURI 53
53
Ulyamari Lwa Nndu
(Saburi 14)
1Matondo efo nriminy mmbo aamba,
“Nkwiifo Iruva-fo.”
Mmbo vatana makasha alavaa yaamba;
Woose vakatana ulyamari!
2Nndumi Iruva kalola nndu wa vandu ukya uwe iruveeu
Alole kwakooya kwiifo nndu;
Atiri urango eefo aruuya Iruva,
3Wo umwi kalla na shia yakwe
Kulaifo nta umwi atiri usumanu,
Ee nta umwi-nsi-fo.
4A ndesa yewo vakelyamara mmbo valeeshi?
Vakeelya vandu vakwa
Sheelyi veefo valyaa mangolo,
Valakunndye Nndumi Iruva.
5Vakaereya andu kulaiyo weerei;
Mashika Iruva ambanyanyata,
Kanyanyata mafua a vakiduva vawo,
Mashika Nndumi Iruva ashevasutaa.
6Kukooye ukiro lwa Israeli lweshukaa Sayuni!
Elyi Nndumi Iruva asheviiraa,
Vafingwa va vandu vakwe,
Yakobo ashekapa kilewa,
Nawe Israeli ashefuraa.
Currently Selected:
SABURI 53: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
