SABURI 46
46
Iruva Akee Kyaalu Kyeru
(Kyiimbo kya vana va Kora)
1Iruva ni finya na kirishyony kyeru,
Iruva ni kirishyony na finya yeeru,
Mfo kundo lushewonisa ngarami kyeeri kya makiva.
2Kwa ekyo llushereyaa-fo
Naakwa uruka sheelyi lweeka,
Naakwa fidina-si fyakunda
Iwunduya mafumbu efo yeeveny.
3Naakwa mura wasaamisa matundulu,
Na mafumbu akaring'iswa nnu!
4Mmbo kwiifo ngyusoka mura wa vayo usennyi muri wa Iruva.
Ando kweele muriny wa Iruva nniini.
5Mmburinginiswa-fo,
Nngu andu Iruva akai.
Asheuringaa kupookya ngama shuru.
6Masanga ammeereya,
Ushilyi lukasavaa,
Iruva kaonisa unyanga uruka lukaleleka.
7Nndumi muni fira akee umwi na yese
Iruva wa Yakobo mmbwe finya yeeru.
8Oshony mushelola mashora a Nndumi Iruva:
Ndesa aletana wende yaandi ulaniny
9Fira ikasia ulaniny koose,
Karumata fisha fyawo;
Makari kaamamita na muro.
10Kaamba, “Malallyeny!
Manyiny sheelyi yeny mmbwe Iruva!
Shainndyo ni masanga moose,
Yeny mmbwe muni ulana.”
11Nndumi Iruva wa matorito akee kyaalu kyeru,
Iruva wa Yakobo mmbwe kirishyony kyeru.
Currently Selected:
SABURI 46: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
