SABURI 42
42
KYITABU KYA KAVII (Saburi ya 42-72)
Kiterewo kya nndu akeerishiswa
1Shaase sarya iruuya mura wa ina,
Na yeny ni indo shiifo shikuruuya Yewe Iruva wakwa.
2Mmbo shitirwa ni nyura ya ilollya Iruva eefo na muu.
Ee, nyura ya Iruva akee na muu.
Ni indii shifika kwakwe shillollye? s
3Misoru takwa tikava shoonga yakwa kio na nsanyiny;
Wo nkonu mmbo vakeshivesa:
“Iruva eto wafo nkwi akai?”
4Mmbo shikerovyo kyeeri shikekummbwa filya filetanyika,
Ndesa shilesanga na nsemu wa vandu:
Shavatetera vafike efo kyeny kwa Iruva,
Shafura amwi nawo
Lushiimba na irumisha Iruva!
5A nkikyi shirovyo indo?
Ni kimaruma-ki shaatarike kifie indo?
Kundo shivikaa nsia ni efo kwa Iruva, shinrumishaa na imwarafuma!
We Iruva na mwikira wakwa!
6Nrima wakwa mmbo ukee nrovye ni fyoova, ee, Iruva kyasheengya shakukummbwa yewe.
Kupookya uruka lwa Yordane na Hermoni, na kupookya ifumbuu lya Mizari.
7Fikasheengye mavavyo na mmbwa shiingyi
Ikafisha nguka na fyoose fikashiwoya.
8Iruva mmbwe finya yakwa kyeeri kya nsanyiny,
Na kyeeri kya kio shamwarafuma, we eto ashiniingye muu.
9Shavia Iruva isimamba lyakwa, nkikyi elyi kwashirekywa?
Ankyikyi sheengere ivavyo na ilamywa mmbakiduva vakwa?
10Fyaararo fyawo fikashikapa elyi vashivesaa wo nkonu:
Nkwi efo Iruva wafo akai?
11A nkikyi shirovyo indo? Ni kimaruma-ki! Shaatarike indo?
Kundo shivikaa nsia ni efo kwa Iruva!
Shinrumishaa na imwaarafuma We Iruva na mwikira wakwa!
Currently Selected:
SABURI 42: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
