SABURI 41
41
Kiterewo kya Nndu Alwee (Saburi ya Davidi)
1Ngoma nndu mwifurukannya vaturi.
Mashika Nndumi Iruva ashemweekya kyeeri kya ukiva.
2Nndumi Iruva ashevaringaa na ivakapannya
Ashevaniingaa ifura yandi ulaniny.
Ashevautaa efo ngyaleny ta vakiduva vawo.
3Nndumi Iruva ashemweekya kyeeri kya ndwari
Nawe ashenninga finya.
4Na yeny shaamba, “Woi Nndumi Iruva, shifwaaya na ishikira.
Kimmba shilekulyamarya yewe.”
5Vakiduva vakwa mmbo vakerera,
Makasha uwe yakwa,
Mmbo vakundye shifwe, na irekyeka deny.
6Valya vakesheshisaiya woose, ni vandu vakasha,
Mmbo vakekusara makasha uwe yakwa,
Filya vasheshinunwa vakandefyaamba wo andu.
7Woose valya veshisuuye vakarera uwe yakwa;
Vekusaraa makasha a ishivavisa,
8Veshambaa, “Ndwari yei mmbo yiimmbwaa,
Nnyakwipoo lyingyi yoo kitareny kyakwe-fo!”
9Naakwa ni mbuya, ilya yakwa shiivikye nsia,
Ilya shilellya nawe kideeveny kimwi,
Ikashifuluka na ishikapa fira.
10Woi Nndumi Iruva kushilya,
Kushiniinge finya shivataiye kiduva.
11Indo llyo mmanya kushikunndye,
Elyi vashelemwaa ishivinga.
12Mmbo kusheshekyaa kimmba
Shitanaa fya usumanu,
Kusheshivika yoo usanguny lwafo llung'anu.
13Nndumi Iruva narumishwa, Iruva wa Israeli,
Narumishwa we ulaalu fika llung'anu. Amen! Amen!
Currently Selected:
SABURI 41: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
SABURI 41
41
Kiterewo kya Nndu Alwee (Saburi ya Davidi)
1Ngoma nndu mwifurukannya vaturi.
Mashika Nndumi Iruva ashemweekya kyeeri kya ukiva.
2Nndumi Iruva ashevaringaa na ivakapannya
Ashevaniingaa ifura yandi ulaniny.
Ashevautaa efo ngyaleny ta vakiduva vawo.
3Nndumi Iruva ashemweekya kyeeri kya ndwari
Nawe ashenninga finya.
4Na yeny shaamba, “Woi Nndumi Iruva, shifwaaya na ishikira.
Kimmba shilekulyamarya yewe.”
5Vakiduva vakwa mmbo vakerera,
Makasha uwe yakwa,
Mmbo vakundye shifwe, na irekyeka deny.
6Valya vakesheshisaiya woose, ni vandu vakasha,
Mmbo vakekusara makasha uwe yakwa,
Filya vasheshinunwa vakandefyaamba wo andu.
7Woose valya veshisuuye vakarera uwe yakwa;
Vekusaraa makasha a ishivavisa,
8Veshambaa, “Ndwari yei mmbo yiimmbwaa,
Nnyakwipoo lyingyi yoo kitareny kyakwe-fo!”
9Naakwa ni mbuya, ilya yakwa shiivikye nsia,
Ilya shilellya nawe kideeveny kimwi,
Ikashifuluka na ishikapa fira.
10Woi Nndumi Iruva kushilya,
Kushiniinge finya shivataiye kiduva.
11Indo llyo mmanya kushikunndye,
Elyi vashelemwaa ishivinga.
12Mmbo kusheshekyaa kimmba
Shitanaa fya usumanu,
Kusheshivika yoo usanguny lwafo llung'anu.
13Nndumi Iruva narumishwa, Iruva wa Israeli,
Narumishwa we ulaalu fika llung'anu. Amen! Amen!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.