SABURI 40
40
Kyiimbo kya Irumisha
1Shilevereya Nndumi Iruva shiisisiryaa
Kashaarannya na ishirouwa kiiyo kyakwa.
2Kashuuta efo irininy lyiretaa muu,
Efo ishombony lya mapwashi.
Kashivika andu kusha uwe ya isimamba
Na ishikira muu wakwa.
3Kashilosha kiimbo kiiya,
Kyiimbo kya irumisha Iruva weeru.
Ni veengyi valollya na yeereya
Numa vashekunanavye kwa Nndumi-Iruva.
4Ngoma nndu akunanavye kwa Nndumi-Iruva
Nndu akulungaa na vandu vekushika.
Ewo vashiindya maruva a wongo.
5Ee, Nndumi-Iruva, Iruva wakwa,
Mmbo kulutannyi findo fiingyi fya wende,
Mirunndye yafo uwe yeeru ilavaa yeekyena.
Kuleefo nndu moose akuvakye yewe.
Kukooye sheshidimaa yaamba efyo fyoose,
Sheshidima imanya yekyena lyavavyo-fo.
6Nkukundye kiraso nta kyaanu-fo.
Nkukundye kyaanu kya imamita-fo, nta kyeyuuta ulyamari-fo
Indi mmbo kushiniingye maarwi shikwaarannyi.
7Llyo shaamba: “Nnyaankai ee Iruva wakwa,
Shitani ndesa kukundye
Ndesa kikee kireiye kyakwa efo kyitabuny kya uvavaso.
8Uramba lwafo shilukunndye,
Na ilutira na nrima moose.”
9Efo usanguny lwa vandu veengyi
Shilerera mbony shisha ta ukiro.
Ee Nndumi-Iruva kuveshi
Sheelyi nshilemalallya nta kidu-fo,
10Nshilesuruma mbony yei nriminy wakwa-fo.
Sheeli ni yewe mwikira wakwa.
Nkonu simu sharumisha udede lwafo na weekyi lwafo.
Udede na usaari lwafo shalwaamba paa nnang'ani ya vandu.
11Woi Nndumi Iruva, kulashiimi isarya lyafo,
Usaari na udede lwafo fyoose fishiniinge ufoo na uleke.
Itereva Weekyi
(Saburi ya 70)
12Ngapo tilavaa yekyena tikashiringitya,
Shafotwa ni makasha akwa
Nta shilaidimi ilola!
Mmengyi akailannya fii ta nrwe wakwa,
Na yeny shavefwa nrima.
13Kunda ishikira woi Nndumi-Iruva!
Osho ulaalu, kusheekye woi Nndumi-Iruva,
14Woose vakunndye ishirumata
Valemwa woose na ifulunkywa.
Ewo vakefurya ukiva lwakwa
Woose vasuke na ilemwa.
15Ewo veshiteenda,
“Vasuke kya ilemwa lyawo.”
16Indi yewo vakuruuya yewe
Verumisha na ikushwela,
Valya vakunndye ukiro luuka kwafo,
Llunganu vaambe: “Mmbi sha Nndumi Iruva!”
17Woi Iruva yeny ni nturi mfwafwa na nturi,
Indi yewe nkuleshirekyo-fo.
Yewe ni mwikira na mweekyi wakwa.
Kulakyeeyo osho woi Iruva wakwa.
Currently Selected:
SABURI 40: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
SABURI 40
40
Kyiimbo kya Irumisha
1Shilevereya Nndumi Iruva shiisisiryaa
Kashaarannya na ishirouwa kiiyo kyakwa.
2Kashuuta efo irininy lyiretaa muu,
Efo ishombony lya mapwashi.
Kashivika andu kusha uwe ya isimamba
Na ishikira muu wakwa.
3Kashilosha kiimbo kiiya,
Kyiimbo kya irumisha Iruva weeru.
Ni veengyi valollya na yeereya
Numa vashekunanavye kwa Nndumi-Iruva.
4Ngoma nndu akunanavye kwa Nndumi-Iruva
Nndu akulungaa na vandu vekushika.
Ewo vashiindya maruva a wongo.
5Ee, Nndumi-Iruva, Iruva wakwa,
Mmbo kulutannyi findo fiingyi fya wende,
Mirunndye yafo uwe yeeru ilavaa yeekyena.
Kuleefo nndu moose akuvakye yewe.
Kukooye sheshidimaa yaamba efyo fyoose,
Sheshidima imanya yekyena lyavavyo-fo.
6Nkukundye kiraso nta kyaanu-fo.
Nkukundye kyaanu kya imamita-fo, nta kyeyuuta ulyamari-fo
Indi mmbo kushiniingye maarwi shikwaarannyi.
7Llyo shaamba: “Nnyaankai ee Iruva wakwa,
Shitani ndesa kukundye
Ndesa kikee kireiye kyakwa efo kyitabuny kya uvavaso.
8Uramba lwafo shilukunndye,
Na ilutira na nrima moose.”
9Efo usanguny lwa vandu veengyi
Shilerera mbony shisha ta ukiro.
Ee Nndumi-Iruva kuveshi
Sheelyi nshilemalallya nta kidu-fo,
10Nshilesuruma mbony yei nriminy wakwa-fo.
Sheeli ni yewe mwikira wakwa.
Nkonu simu sharumisha udede lwafo na weekyi lwafo.
Udede na usaari lwafo shalwaamba paa nnang'ani ya vandu.
11Woi Nndumi Iruva, kulashiimi isarya lyafo,
Usaari na udede lwafo fyoose fishiniinge ufoo na uleke.
Itereva Weekyi
(Saburi ya 70)
12Ngapo tilavaa yekyena tikashiringitya,
Shafotwa ni makasha akwa
Nta shilaidimi ilola!
Mmengyi akailannya fii ta nrwe wakwa,
Na yeny shavefwa nrima.
13Kunda ishikira woi Nndumi-Iruva!
Osho ulaalu, kusheekye woi Nndumi-Iruva,
14Woose vakunndye ishirumata
Valemwa woose na ifulunkywa.
Ewo vakefurya ukiva lwakwa
Woose vasuke na ilemwa.
15Ewo veshiteenda,
“Vasuke kya ilemwa lyawo.”
16Indi yewo vakuruuya yewe
Verumisha na ikushwela,
Valya vakunndye ukiro luuka kwafo,
Llunganu vaambe: “Mmbi sha Nndumi Iruva!”
17Woi Iruva yeny ni nturi mfwafwa na nturi,
Indi yewe nkuleshirekyo-fo.
Yewe ni mwikira na mweekyi wakwa.
Kulakyeeyo osho woi Iruva wakwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.