SABURI 148
148
Uvaango lwa vandu voose warumishe
1Haleluya!
Nganiseny Nndumi Iruva efo iruveeu!
Nnganiseny efo kukee uwe ya findo fyoose!
2Nnganiseny yeni vasu vakwe woose!
Nnganiseny maronda akwe moose!
3Mwi na mwiiri, nnganiseny!
Nnganiseny, nyinyiri toose timikaa!
4Nnganiseny yeni ngina ta ngina!
Na mura ukee-fo!
5Fyoose finganise irina lya Nndumi Iruva,
Mashika mmbo fileumbwa niivavaso lyakwe.
6Kafivangisa fikeeu llung'anu.
Mmbo areraa kilashaalashikaa.
7Nganiseny Nndumi Iruva kunu urukeny,
Yeni mafisi a mureny,
8Muro na mmbwa ya masaawe,
masaawe na nrike wa mura,
Uraato na fititasi ya finya,
9Mafumbu na fidooro fyoose,
Miri ya ndunda na ya ngorosho toose,
10Mafisi moose na findo fya mmba fyeevikya,
Findo fikuruffwaa-si, na ndeye.
11Vamangyi va ulana na vandu va vayo woose,
Vaniini woose va ulana.
12Vana vakoo, vasero na vana vakyika,
vamiku na vana.
13Woose vanganise irina lya Nndumi Iruva.
Mashika irina lyakwe lyo yeni llyo lyitiri nnduma,
itumbe lyake lyikakwaana iruveeu na ulaniny,
14Nawe kalyimya vandu vakwe finya,
Nto nnduma wa vandu vakwe woose
Vana va Israeli, wo vandu vakee kufii nawe.
Haleluya!
Currently Selected:
SABURI 148: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
