SABURI 14
14
Ulyamari lwa Vandu
(Saburi 53)
1Matondo mmbo aamba,
“Nkwiifo Iruva-fo.”
Vakafuluta mitannyi yaawo,
Nkwiifo nta umwi atana mesha-fo,
2Uka efo Iruveeu Nndumi Iruva kalola vandu,
Alole kwakooya kwiifo nta umwi atiri urango,
Eefo aruuuya Iruva.
3Woose mmbo varekye,
Mmbo valyamarye woose deny;
Kuleefo nta umwi atannyi fisumannyi,
Oode nta umwi-fo.
4A woose mmbo valatiri urango,
Yewo vetana fya ulyamari
Yewo vakeelya vandu wakwa, shaelyi valyaa mangolo
Nta valekesara kyakwa yeny?
5Kwikaa kusheva-fo weresi uniini,
Mashika Iruva mmbo akee na irika lya valya vausumanu.
Indi Nndumi Iruva kavakapannya.
6Kushiidima ifolongya mbony ta nndu nnana
Indi Nndumi Iruva mmbwe kirishyon kyakwe.
7Ukiro lwa Israeli luuke Sioni
Kyeeri Nndumi Iruva asheporommwa,
vandu vakwe
Yakobo mmbo asherumishaa
Israeli mmbo ashefuraa.
Currently Selected:
SABURI 14: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
