SABURI 135
135
Kyiimbo kya Irumisha
1Haleluya,
Nga'niseny irina lya Nndumi Iruva!
Yeni varundi vakwe, nndumisheny!
2Yeni veesalala mmba ya Nndumi Iruva, na Iruva weeru,
3Nganiseny Nndumi Iruva kimmba Nndumi Iruva akee nsha;
Irina lyakwe mmbo lyisenyi, naasa mwiimbyeny.
4Mashika Nndumi Iruva mmbo alesauwa Yakobo nawe wakwe,
Na Israeli vave vandu vakwe muni.
5Mashika Nndumi Iruva ni nniini, niindo shirikye
Nawe Iruva weeru mmbo ailanyi maruva moose.
6Nndumi Iruva mmbo aletana fyoose fikasenya, ulaniny na iruveeu
Efo yeevny na efo si ya yeeve.
7Niwe yeto arosa nsiny wakwe wuuka si,
Kaveende mmbwa ya fimwii, keende na ngyuraato.
8Mmbwe yeto alemamita findo fivee fya Misri,
Fya vandu na fya findo fingi fyoose.
9Misri ikarikyo ngyende yeto toose tikaawuta;
Farao na vandu vakwe woose vakalollya.
10Kakaba vandu va masanga meengyi
Kawaa vamangyi vafinya
11Sihoni we mangyi ya Vaamori,
Na Ogu wa Bashani,
Na ngyumangyi toose ta Kanaani.
12Kaniingya ngyuruka tawo tive ding'u ya Israeli wo vandu vakwe
13Irina lyafo llya llung'anu, woi Nndumi Iruva,
Nalyo lyishereemyoo llung'anu na llung'anu, woi Nndumi Iruva.
14Kimba Nndumi Iruva mmbwe ashesalallyaa vandu vakwe,
Nalyillye vasero vakwe.
15Mafwanu a vandu va masanga mfesa na saabu,
Fikee mashora a maaka a vandu.
16Mmbo atiri kana lyo nalareraa,
Akatira miso lyo nalalollyaa!
17Akatira maarwi lyo nalashiitaa
Nta alatiri mumuyo-fo.
18Yewo valevaumba mmbo vasheavakaa,
Na woose yewo vaavikye nsia niindo vashevaa.
19Yeni ufyari lwa Israeli, rumisheny Nndumi Iruva!
Neeni va mmba ya Aron, rumisheny Nndumi Iruva!
20Neeni va mmba ya levi, rumisheny Nndumi Iruva!
Neeni moose veyiindya Nndumi Iruva, nndumisheny-te!
21Nawe Nndumi Iruva narumishwa uka Sioni,
Neewo vakee Yerusalemu, ambeny,
Haleluya
Currently Selected:
SABURI 135: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
