SABURI 132
132
Ifura na Ilooka
1Woi Nndumi Iruva kummbwa Davidi
Na ngatara takwe toose,
2Kimmba alevikya Nndumi Iruva kyaasa eekumbwaa kilya.
Alevikya Mwaafinya wa Yakobo kyaasa, eshaambaa,
3“Nshishaangaa yeemeny lyakwa;
Nta nshisaamaa kitareny shilale
4Na nta shirengeyaa shilale-fo
5Kutani shaonisya Nndumi Iruva,
Ave ando a Mwafinya wa Yakobo ekaa.”
6Mukummbuye mmbo luleeta mbony takwe kulya Efrata;
Kulya nndeny wa Yearim.
7Syeny ndifony lwaange mmba kwakwe;
Lundeinndya yoo kitiminy kya yeekerya marende akwe.
8Woi Nndumi Iruva kwiipoo kwaange usuriny lwafo,
Na isanduku lyafo lya kyaasa kya wiidimi lwafo.
9Vakohani vafo vaoniseu usumanu;
Vesha vafo vafuryeu.
10Kimaruma kya nsero wafo Davidi,
Kulasheeviira nsero wafo mwaambe mafura numa.
11Nndumi Iruva mmbo alevia Davidi irero lya dede, kyeyaamba:
“Nta nnyashelyiteereefo,
Vafyari vafo mmbo nshevaniingaa kitima kya ushilyi.
12Kwakooya vana vafo varinga fyaasa fyakwa
Na irero elyo nshevaloshaa,
Na vana vafo nawo mmbo vashekayaa kiri kyafo kya itumbe llunng'anu.”
13Mashika Nndumi Iruva mmbo alesauwa Sayuni;
Kalanga nakee-fo llunng'anu.
14“Yaa nng'u ando akwa a ifura llunng'anu,”
Yaa nng'u nshekaa mashika elyi shankunda-u.
15Na shoonga tafo mmbo nshetivikyaa mbora dede
Na vandu vafo shivawuutise.
16Na vakohani vafo shivalyimye ukiro;
Na veele vakwe vashekabaa ukoru.
17Nangu nng'u nsheningyaa Davidi wombe lwa ishillya;
Nawe Mwikira Nndundi mwaambe mafura wakwa nawone taa.
18Nawo vakiduva vakwe mmbo vashewonaa isuka,
Kyeendi we ni ureto lwa usuri.
Currently Selected:
SABURI 132: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
