SABURI 116
116
Alekirwa ufu arumishe Iruva
1Haleluya,
Mmbo shikundye Nndumi Iruva
Kimmba aarannya,
Mashika asharannya kiiyo kya fiterewo fyakwa.
2Mashika elyi asheevetya kuri kyakwe,
Nkyo shimbaange mikonu yakwa myoose!
3Fiwoye fya ufu mmbo fileshiringitya,
Ngatara ta ufu tikashisheya;
Shalollya ukiva na irovyo nriminy.
4Shasenda irina lya Nndumi Iruva:
“Woi Nndumi Iruva shakuvaanga na nrima kushikire muu wakwa!”
5Nndumi Iruva mmbo araiye isarya na usumanu!
Yee Iruva weeru mmwiilyillya!
6Nndu mmbo ava mwiiringa yewo valalasye ntambo;
Shanyiiswa kashikira.
7Woi nrima wakwa, wuya ifureny lyafo,
Kimmba Nndumi Iruva akutannya mesha.
8Mashika mmbo kwanshaauwa muu wakwa ufuny,
Miso akwa nalakitiri misoru, na marende nalakiidima.
9Mmbo nshekaa na Nndumi Iruva
Urukeny lwa yewo vakee na muu!
10Mmbo shilekusiryau naambo shaambe,
“Mmbo shellya nnu ukiva!”
11Shaangusya irera shaamba,
“Vandu woose mmbo vakee valembi!”
12A nkyoki nsheningaa Nndumi Iruva
Kya mesha akwe moose aleshitannya?
13Mmbo nshewaryaa upata lwa ukiro lwakwa;
Shivevambisa irina lya Nndumi Iruva.
14Neeny mmbo nsheinutya fyaasa fyakwa kwa Nndumi Iruva
Yee, vandu vakwe woose vakooye ilollya.
15Ufu lwa vandu va Nndumi Iruva;
Mmbo lutiri kimaruma kwakwe.
16Woi Nndumi Iruva, ni dede yeny mbo shikee nsero wafo;
Nsero wafo, shaveva mwana wa kishinga kyafo,
Mmbo shekee mfinge kwasheshiboromwa!
17Mmbo nshekuutya firaso fyeekwaana
Neevambisa irina lya Nndumi Iruva.
18Mmbo nshinutyaa fyaasa fyakwa kwa Nndumi Iruva
Yee, vandu vakwe woose vakooye ilollya,
19Efo mmba kwa Nndumi Iruva,
Yee, kwafo yewe Yerusalemu.
Currently Selected:
SABURI 116: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
