FYAASO 7
7
1Mwana-kwa, tira marero akwa,
itirimu mavavaso akwa kwafo.
2Latya mavavaso akwa kukaa na muu,
Ringa mafundo akwa sha nyinyiri ya iriso lyafo.
3Afingye mininy tafo,
Areiye ngoony yafo.
4Kuvie urango usha, “Yewe ni mfwama,”
Na utele, “Yewe ni mbuya yakwa.”
5Fishekuringyaa kwaasha na nka nravi,
Fikuturunyaa na marero arolaa a nka muny.
Nka ntuusi
6Nkonu umwi itirisheny lya mmba yakwa
Mmbo sheimaiya efo poo
7Shalolya vakoo veengyi varung'ani
Na umwi waawo ekee isembo deny.
8Yeto ekeruarua kulya shia ilya.
Naasa kawara shia yeendaa na kwa nka ulya.
9Kwekee kyeeri kya nkwaany,
Ireema lya kio lyempooka isha.
10Paripari nnkoo ulya kakwanannya na nka ulya,
Mmbo eree sha isonga, arie shia takwe.
11Mmbo ekee nka arorongyaa na nriiti,
Marende akwe n nnyaimuyaa kyeny fo.
12Llya akee shia, llya singireny,
Mmikony ya wo shia alaayaa
13Kashingilya nkoo ulya kammiminda
Kammbia marero arolaa, kaamba,
14“Nkuti shirwaa kiraso kyakwa;
Inu llyo shishiinutyaa kyaasa kyakwa.
15Llyo kimaruma shasha ikwaambya,
Mmbo shankuruuya na sina deny shakukooya.
16Mmbo shammaa yaala kitara kyakwa nisha nnu,
Na soori tisha tiukye Misri.
17Shamfwalya-fo findo fifwaama, nisha nnu, manimani, udi na mdalasini.
18Nnde lundelala ando amwi kutani ngama,
Lukushukure na ikunda,
19Mmi wakwa nnyeefo kyeny-fo,
Aleenda kyaaro kya kwaasha.
20Aleenda na kilula kya fesa,
Nnawuyaa uviny-fo.”
21Kamwoomwa na marero meengyi enlelembaa.
Nkoo ulya kaviriswa m marero akwe alya arolaa.
22Naasa kasora nka ulya na kamwi,
Sheelyi ng'umbe ishendaa ishishwa,
Sheelyi kinamburi kikillyaa nreyyony.
23Nnalemanya sheelyi aretaa muu wakwe-fo,
Kutani akooya ammba sheelyi adoshwa mfe ngoony yakwe
Kava sha ndeye yawarwa ni nsoori.
24Naasa vanakwa, shaaranyiny;
Looteny maarwi mwaaranyi marero akwa.
25Mulairikye isongoywa ni nka sha yeto-fo.
Nta mulaireire mikony yakwe-fo.
26Mashika ni womi veengyi ammbatuula,
Ni veengyi nnu ammbashisha.
27Mmba yakwe ni shia ya yeenda kwa varumu.
Ni ando a iolokya ufuny.
Currently Selected:
FYAASO 7: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
FYAASO 7
7
1Mwana-kwa, tira marero akwa,
itirimu mavavaso akwa kwafo.
2Latya mavavaso akwa kukaa na muu,
Ringa mafundo akwa sha nyinyiri ya iriso lyafo.
3Afingye mininy tafo,
Areiye ngoony yafo.
4Kuvie urango usha, “Yewe ni mfwama,”
Na utele, “Yewe ni mbuya yakwa.”
5Fishekuringyaa kwaasha na nka nravi,
Fikuturunyaa na marero arolaa a nka muny.
Nka ntuusi
6Nkonu umwi itirisheny lya mmba yakwa
Mmbo sheimaiya efo poo
7Shalolya vakoo veengyi varung'ani
Na umwi waawo ekee isembo deny.
8Yeto ekeruarua kulya shia ilya.
Naasa kawara shia yeendaa na kwa nka ulya.
9Kwekee kyeeri kya nkwaany,
Ireema lya kio lyempooka isha.
10Paripari nnkoo ulya kakwanannya na nka ulya,
Mmbo eree sha isonga, arie shia takwe.
11Mmbo ekee nka arorongyaa na nriiti,
Marende akwe n nnyaimuyaa kyeny fo.
12Llya akee shia, llya singireny,
Mmikony ya wo shia alaayaa
13Kashingilya nkoo ulya kammiminda
Kammbia marero arolaa, kaamba,
14“Nkuti shirwaa kiraso kyakwa;
Inu llyo shishiinutyaa kyaasa kyakwa.
15Llyo kimaruma shasha ikwaambya,
Mmbo shankuruuya na sina deny shakukooya.
16Mmbo shammaa yaala kitara kyakwa nisha nnu,
Na soori tisha tiukye Misri.
17Shamfwalya-fo findo fifwaama, nisha nnu, manimani, udi na mdalasini.
18Nnde lundelala ando amwi kutani ngama,
Lukushukure na ikunda,
19Mmi wakwa nnyeefo kyeny-fo,
Aleenda kyaaro kya kwaasha.
20Aleenda na kilula kya fesa,
Nnawuyaa uviny-fo.”
21Kamwoomwa na marero meengyi enlelembaa.
Nkoo ulya kaviriswa m marero akwe alya arolaa.
22Naasa kasora nka ulya na kamwi,
Sheelyi ng'umbe ishendaa ishishwa,
Sheelyi kinamburi kikillyaa nreyyony.
23Nnalemanya sheelyi aretaa muu wakwe-fo,
Kutani akooya ammba sheelyi adoshwa mfe ngoony yakwe
Kava sha ndeye yawarwa ni nsoori.
24Naasa vanakwa, shaaranyiny;
Looteny maarwi mwaaranyi marero akwa.
25Mulairikye isongoywa ni nka sha yeto-fo.
Nta mulaireire mikony yakwe-fo.
26Mashika ni womi veengyi ammbatuula,
Ni veengyi nnu ammbashisha.
27Mmba yakwe ni shia ya yeenda kwa varumu.
Ni ando a iolokya ufuny.
The Holy Bible in Kimashami © Bible Society of Tanzania, 2016.