FYAASO 6
6
Mbyaa tingyi iinya
1Mwanakwa, kwa kooya kwankuuta iva nngari wa nndu wafo wa nnyanu
Kwankooya kwammbika kyaasa kimaruma kya nndu yeto;
2Mmbo kwankufinga na marero afo kumuni,
na kyaasa kulevika.
3Manyany sheelyi mmbo kukee si ya ushilyi lwa uroo!
Kya indi mwanakwa, kwankunda ikwa-uwa.
Tana indii sora nndu yeto sere kwantereva akuleke.
4Kwiishave kulalekeye miso afo arengeye,
Nta kulalale rwe-fo.
5Kuturushwe kwakuuta nsoori yeto,
Sheelyi kinamburi ao ndeye yaturunya nsoori wa mwireiya.
6Yewe nndu nroko! A nkye lola sisiri te.
Kusare ngata tikaa kukooye iranngwa.
7Sisiri ntitiraa nshilyi fo, nta mangyi fo;
8Indi mmbo tisurumaa shoonga kyeeri kya mwi,
Tikasanyirya shoonga kyeeri kya fimu.
9Yewe nroko, mmbo kulala kufike indi?
A ni indii kushookyaa rweny?
10Mmbo kushaamba, “Ra shilale kinnywa,
Ra shirengeye kinnywa
A shikushye maako shiimuye kinnywa.”
11Kyeeri yekyo llyo ungwera lukee kuwoya sha nsoki,
Uturi sha veala shia.
12Nndu nravi, nndu nalavaa kindo,
Mmbo araaraa eereraa marero a mwaalu ing'ana.
13Kasinnya na miso, esinyaa vengyi,
Efurua marende,
na iolongya vandu na mini yakwe.
14Eishwe ulembi, ekusaraa makasha.
Mmbo asyaa mwaandu wo ando.
15Kyeendwany yefyo renga mmbo imboyaa tiny,
Pari pari alamyoo nta nnyakyaa-fo.
16Kwiifo findo firindaru Nndumi Iruva afisuuye;
Yee, findo mfungare finturwaa:
17Miso a ngoo shuu,
ulumilwa ulembi,
maako awaa vandu valatiri mbese,
18ngoo ishooka mitambo
Marennde arishya itana fyeesi,
19nkurekyi wa wongo afingyaa ungyi urere
Na nndu ariingyaa vana va nka.
Wiikimbi lwa utuusi
20Mwanakwa, tira mavavaso a nde wafo,
Nta kularekyo ufundo llwa maye wafo.
21Avike llung'anu ngoony yafo,
Kuafingye singony yafo.
22Mmbo akusongoyaa shia yafo,
Akuringe kyeeri kulalaa,
muumburane kyeeri kya nsanyiny.
23Mashika ivavaso elyi ni taa,
na kirengo ekyi ni sa.
Wiikimbi elu na ngaa shisha yeluvika shieny ya muu.
24Akuringaa kwiire kwaasha na nndu nka nravi,
Akukiraa na marero arolaa a nka muny
25Kulalange nka yeto kya usha lwakwe.
Kulairikye akuware elyi akukafya miso akwe.
26Nndu mmbo aretaa kyeelya kyakwe kyeendwa ni nka isonga,
indi kwa nka wa nndu ungyi mmbo kuretaa muu wafo moose.
27Ndesa kushiidimaa ivika muro mbafuny yafo,
Na soori tafo tilaya?
28A ndesa kumanyaa ivaria makaa a muro,
Na ngyayo tafo tire tilaya?
29Ni indo akee nndu alalaa na nka wa nndu ungyi.
Yeto moose apanaa nka yeto nnaraa nalaorotwa-fo.
30Vandu mmbainyalaa nnu nndu aiva mashika a shaa-fo;
31Indi kaworwa nyataa matorito mfungare;
Mmbo aningya masaa atiri moose.
32Nndu nndummi atuusaa nka wa nndu mmbo akee isembo deny,
Yeto mmbo akurumata we muni
33Mmbo awonisaa ngapo na fyaasha na iilwa;
Usutu llumuukaa-fo.
34Mashika ngoo ya mmi wakwe nshinyaasi nnu deny;
Kyeeri ataiyaa kiduva nnyatiri kya illilya-fo.
35Nyashirikyaa nta kindo kya itawa-fo,
Nta iisirwa ngoo ni findo fyafo fya pya-fo.
Currently Selected:
FYAASO 6: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
FYAASO 6
6
Mbyaa tingyi iinya
1Mwanakwa, kwa kooya kwankuuta iva nngari wa nndu wafo wa nnyanu
Kwankooya kwammbika kyaasa kimaruma kya nndu yeto;
2Mmbo kwankufinga na marero afo kumuni,
na kyaasa kulevika.
3Manyany sheelyi mmbo kukee si ya ushilyi lwa uroo!
Kya indi mwanakwa, kwankunda ikwa-uwa.
Tana indii sora nndu yeto sere kwantereva akuleke.
4Kwiishave kulalekeye miso afo arengeye,
Nta kulalale rwe-fo.
5Kuturushwe kwakuuta nsoori yeto,
Sheelyi kinamburi ao ndeye yaturunya nsoori wa mwireiya.
6Yewe nndu nroko! A nkye lola sisiri te.
Kusare ngata tikaa kukooye iranngwa.
7Sisiri ntitiraa nshilyi fo, nta mangyi fo;
8Indi mmbo tisurumaa shoonga kyeeri kya mwi,
Tikasanyirya shoonga kyeeri kya fimu.
9Yewe nroko, mmbo kulala kufike indi?
A ni indii kushookyaa rweny?
10Mmbo kushaamba, “Ra shilale kinnywa,
Ra shirengeye kinnywa
A shikushye maako shiimuye kinnywa.”
11Kyeeri yekyo llyo ungwera lukee kuwoya sha nsoki,
Uturi sha veala shia.
12Nndu nravi, nndu nalavaa kindo,
Mmbo araaraa eereraa marero a mwaalu ing'ana.
13Kasinnya na miso, esinyaa vengyi,
Efurua marende,
na iolongya vandu na mini yakwe.
14Eishwe ulembi, ekusaraa makasha.
Mmbo asyaa mwaandu wo ando.
15Kyeendwany yefyo renga mmbo imboyaa tiny,
Pari pari alamyoo nta nnyakyaa-fo.
16Kwiifo findo firindaru Nndumi Iruva afisuuye;
Yee, findo mfungare finturwaa:
17Miso a ngoo shuu,
ulumilwa ulembi,
maako awaa vandu valatiri mbese,
18ngoo ishooka mitambo
Marennde arishya itana fyeesi,
19nkurekyi wa wongo afingyaa ungyi urere
Na nndu ariingyaa vana va nka.
Wiikimbi lwa utuusi
20Mwanakwa, tira mavavaso a nde wafo,
Nta kularekyo ufundo llwa maye wafo.
21Avike llung'anu ngoony yafo,
Kuafingye singony yafo.
22Mmbo akusongoyaa shia yafo,
Akuringe kyeeri kulalaa,
muumburane kyeeri kya nsanyiny.
23Mashika ivavaso elyi ni taa,
na kirengo ekyi ni sa.
Wiikimbi elu na ngaa shisha yeluvika shieny ya muu.
24Akuringaa kwiire kwaasha na nndu nka nravi,
Akukiraa na marero arolaa a nka muny
25Kulalange nka yeto kya usha lwakwe.
Kulairikye akuware elyi akukafya miso akwe.
26Nndu mmbo aretaa kyeelya kyakwe kyeendwa ni nka isonga,
indi kwa nka wa nndu ungyi mmbo kuretaa muu wafo moose.
27Ndesa kushiidimaa ivika muro mbafuny yafo,
Na soori tafo tilaya?
28A ndesa kumanyaa ivaria makaa a muro,
Na ngyayo tafo tire tilaya?
29Ni indo akee nndu alalaa na nka wa nndu ungyi.
Yeto moose apanaa nka yeto nnaraa nalaorotwa-fo.
30Vandu mmbainyalaa nnu nndu aiva mashika a shaa-fo;
31Indi kaworwa nyataa matorito mfungare;
Mmbo aningya masaa atiri moose.
32Nndu nndummi atuusaa nka wa nndu mmbo akee isembo deny,
Yeto mmbo akurumata we muni
33Mmbo awonisaa ngapo na fyaasha na iilwa;
Usutu llumuukaa-fo.
34Mashika ngoo ya mmi wakwe nshinyaasi nnu deny;
Kyeeri ataiyaa kiduva nnyatiri kya illilya-fo.
35Nyashirikyaa nta kindo kya itawa-fo,
Nta iisirwa ngoo ni findo fyafo fya pya-fo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.