FYAASO 17
17
1Ni kyeni mmba ilatiri nta kiroora na unapwe
Ngota ifura lyikee mmba ya myaandu.
2Ishinga litiri urango llishiipoo mwaanya wa mwana nrung'ani
Avonisaa ding'u amwi na va mmba yeyo.
3Usha lwa saabu ao fesa mmbo lweeswaa na muro,
Indi Nndumi Iruva mmbwe esaa mirima ya vandu.
4Mwitana maravi nnyalootya kuri marero makasha;
Yeto mwiyaamba wongo nnyalotya kuri marero a ulembi.
5Mwiinyala ngwera nnyakee yaarara muumbi wake;
Mwifurya ngatara kuti naorotwa
6Vamiku mmbo valolyaa itumbe kya vashuku vawo;
Kimwi na vana vakalollya va ndeye na va maye itumbe.
7Marero mesha nnyaukaa kaninyi kya nrung'ani-fo;
Na marero a wongo kaninyy kya nsongoru.
8Findo fya kisurukumu nsha iwe lya wauru uniini misony a-yeto akeeninngya;
Na wo ando ashendaa mmbo avesywaa.
9Mwisarya vandu nnyakooya mbuya;
Indi mwikumbura vandu siye tawo nnyaumbutaa mbuya.
10Wikiimbi kwa nndu nrango lutiri muye
Ngota ngapo iyana kwa nrung'ani.
11Kindo nndu nravi atana ni weesi,
Nrumi nnyaasi arumwaa kwakwe.
12Ni kyeni ikwanannya na nyamandu ya kika yasokwa vana va vayo
Ngota ikwanannya na nrung'ani efo urung'aniny lwakwe.
13Mwitaiya mesha na makasha,
Makasha nnakaa nauke efo kyeny kwakwe-fo.
14Issya mwaandu ni kimwi sha idosha iruwa lya mura,
Lakana na mwaandu kulaore wanng'ana.
15Isarya mwirenga na ikapa nndu nalarengye
Nndumi Iruva asuuye.
16Nkyiki nrung'ani itira fesa wokony lusha ta yuura urango usha,
Nawe muni nalatiri urango?
17Mbuya ya dede ni mbuya ya mikonu myoose,
Mwana maye wa nndu mmbo awonikye naambo naekkye kyeeri kya ukiva.
18Nshi kindo kya urango ikureeka,
Na iva mwiishi wa nndu ungyifo.
19Mwikunda myaandu nnyakundye ulyamari;
Mwikwitikisa n nyakekuruuiya umamito.
20Nndu wa nrima nkasha nnyavesywaa-fo;
Na mwirera wongo n nyawoyo nrenga.
21Mwana nrung'ani nting'wa kwa ndeye;
Na ndeeye wa nrung'ani nnyatiri ifura fo.
22Nrima usakukye ni nri,
Indi nrima ukunarye mmbufofisaa mwiili.
23Nndu nravi mmbo awarya fya mbarya kirisi,
naambo narete usumanu.
24Nndu ntele lango yakwe ni urango usha,
Indi nrung'ani mmbo alangaa wo kindo ulaniny.
25Mwana nrung'ani ntingwa kwa ndeeye
Ni kivavo kwa maaye amwiirye.
26Nshi kisha iipoo kikapa saka kya nndu nalarenngye-fo;
Ni kyikasha ikapa nndu nsaari.
27Nndu nalareraa nnu, mmbo atiri umanyo;
Nndu akee do mmbo akee ntele.
28Naakwa ni nrung'ani kamalallya mmbo alolywaa akee nrango;
Kasanndya kana kakwe mmbo alolywaa atiri urango.
Currently Selected:
FYAASO 17: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
FYAASO 17
17
1Ni kyeni mmba ilatiri nta kiroora na unapwe
Ngota ifura lyikee mmba ya myaandu.
2Ishinga litiri urango llishiipoo mwaanya wa mwana nrung'ani
Avonisaa ding'u amwi na va mmba yeyo.
3Usha lwa saabu ao fesa mmbo lweeswaa na muro,
Indi Nndumi Iruva mmbwe esaa mirima ya vandu.
4Mwitana maravi nnyalootya kuri marero makasha;
Yeto mwiyaamba wongo nnyalotya kuri marero a ulembi.
5Mwiinyala ngwera nnyakee yaarara muumbi wake;
Mwifurya ngatara kuti naorotwa
6Vamiku mmbo valolyaa itumbe kya vashuku vawo;
Kimwi na vana vakalollya va ndeye na va maye itumbe.
7Marero mesha nnyaukaa kaninyi kya nrung'ani-fo;
Na marero a wongo kaninyy kya nsongoru.
8Findo fya kisurukumu nsha iwe lya wauru uniini misony a-yeto akeeninngya;
Na wo ando ashendaa mmbo avesywaa.
9Mwisarya vandu nnyakooya mbuya;
Indi mwikumbura vandu siye tawo nnyaumbutaa mbuya.
10Wikiimbi kwa nndu nrango lutiri muye
Ngota ngapo iyana kwa nrung'ani.
11Kindo nndu nravi atana ni weesi,
Nrumi nnyaasi arumwaa kwakwe.
12Ni kyeni ikwanannya na nyamandu ya kika yasokwa vana va vayo
Ngota ikwanannya na nrung'ani efo urung'aniny lwakwe.
13Mwitaiya mesha na makasha,
Makasha nnakaa nauke efo kyeny kwakwe-fo.
14Issya mwaandu ni kimwi sha idosha iruwa lya mura,
Lakana na mwaandu kulaore wanng'ana.
15Isarya mwirenga na ikapa nndu nalarengye
Nndumi Iruva asuuye.
16Nkyiki nrung'ani itira fesa wokony lusha ta yuura urango usha,
Nawe muni nalatiri urango?
17Mbuya ya dede ni mbuya ya mikonu myoose,
Mwana maye wa nndu mmbo awonikye naambo naekkye kyeeri kya ukiva.
18Nshi kindo kya urango ikureeka,
Na iva mwiishi wa nndu ungyifo.
19Mwikunda myaandu nnyakundye ulyamari;
Mwikwitikisa n nyakekuruuiya umamito.
20Nndu wa nrima nkasha nnyavesywaa-fo;
Na mwirera wongo n nyawoyo nrenga.
21Mwana nrung'ani nting'wa kwa ndeye;
Na ndeeye wa nrung'ani nnyatiri ifura fo.
22Nrima usakukye ni nri,
Indi nrima ukunarye mmbufofisaa mwiili.
23Nndu nravi mmbo awarya fya mbarya kirisi,
naambo narete usumanu.
24Nndu ntele lango yakwe ni urango usha,
Indi nrung'ani mmbo alangaa wo kindo ulaniny.
25Mwana nrung'ani ntingwa kwa ndeeye
Ni kivavo kwa maaye amwiirye.
26Nshi kisha iipoo kikapa saka kya nndu nalarenngye-fo;
Ni kyikasha ikapa nndu nsaari.
27Nndu nalareraa nnu, mmbo atiri umanyo;
Nndu akee do mmbo akee ntele.
28Naakwa ni nrung'ani kamalallya mmbo alolywaa akee nrango;
Kasanndya kana kakwe mmbo alolywaa atiri urango.
The Holy Bible in Kimashami © Bible Society of Tanzania, 2016.