FYAASO 16
16
1Lushiidimaa deny ivika uramba,
Indi mwiinutya ni Nndumi Iruva muni.
2Mitannyi ya nndu nnyivee ya songosiny kwakwe muni,
Indi Nndumi Iruva mmbwe eesaa nrima wa nndu.
3Vika Nndumi Iruva nsia wa mashora afo,
Na ngyuramba tafo tisheinukyaa nisha,
4mmbo aumbye wo kindo kimaruma kyakwe,
Naakwa ni varavi kimaruma kya nkonu wa urumato.
5Wo nndu atiri ngoo shuu ni kindo Nndumi Iruva asuuye;
Ni kya dede nndu wa ngata yeyo nnyaraa nalaorotwa-fo.
6Kya wiindi na usaari nndu mmbo autwaa ulyamari;
Kya iindya Nndumi Iruva nndu mmbo aiyamaa uravi.
7Nndumi Iruva kansennywa ni meengye ya nndu,
Mmbo aindutaa naakwa mbakiduva vakwe vakava mbuya.
8Ni kyeni masaa maangu a usumanu,
Ngota iwona masaa meengyi a ulembi.
9Nndu ashidimaa ivallya uramba lwakwe.
Indi Nndumi Iruva mmbwe asongoyaa myeengye wakwe.
10Mangyi arumbwaa eesongoywaa ni Iruva;
Kyeeri akeerummbwa mwaandu nnyateree-fo.
11Nndumi Iruva mmbo akundaa kyeeso na mesa a yeesa a usumanu;
Mawe moose a mfikony a yeesya ni ishora lyakwe.
12Ni kindo kikasha na kamwi mangyi itana uravi,
Mashika uvasha lwa ushilyi lwawo ni lwa usumanu.
13Mangyi mmbo akundyaa mwirera kya woorotu;
Mmbo akundaa yeto ashaambaa dede.
14Unyafi lwa mangyi nsha nrumi wa ufu;
Nndu nrango ashelurumyaa.
15Kisangu kya mangyi kikammiila kwiifo muu;
Usha lwakwe nsha ifishi lya kisye.
16Iwonisa urango usha ni mmwasi ya saabu;
Iwona urango ni isauwe isha ngota fesa.
17Shia ya worotu nnyiiyamaa uravi;
Mwiringa shia yakwe mmbo akiraa muu vakwe.
18Ngoo shuu n nyisongoyaa urumato;
Ukushobi llusongoyaa miwoye.
19Ni kyeni itira wiindi na iva nturi
Ngota iava na masaa na vatiri ngoo shuu.
20Mwivalya na ufundo mmbwe avesywa,
Ngoma nndu akusirye Nndumi Iruva.
21Nndu atiri urango usha ngoony yakwe avaangwa nndu atiri urango,
Irero lyisenyi lyiomwaa vandu,
22urango usha ni usoka lwa muu kwa yeto alutiri,
Indi urung;ani ni ngapo ya varung'ani.
23Ngoo ya nndu atiri urango usha nnyo imwidimisya irera na urango;
nnyaalua marero akwe akava ashoommwa vandu.
24Marero mesha nsha ukyi
Mmbo arolaa nriminy na iniinga mwiili finya.
25Nndu ashiidimaa ilollya shia yakwe nnya songosiny,
Indi mafurumyony mmbo inrwaa ufuny,
26isanga lya shoonga lliitikaa nrundi;
Mashika shaa yakwe mmbo imwiitikaa irunda.
27Nndu nravi akudesya itana uravi;
Marero akwe mmbo avakye muro wa kipala-paala.
28Nndu nreti mmbo akwaanisaa mwaandu,
Nriingyi mmbo alakanisaa mbuya.
29Nndu nriiti mmbo atevaa nndu wa nnyanu,
Mmboanteteryaa shieny ya uravi.
30Mwisinnya na iriso kya ntambo nnyadesyaa maravi;
Mwimaarya firomu mmbo akudeesye itana maravi.
31Iva na myaasa ya ukuu ni ureto lwa utore;
Mmbo ewonikaa kyeendwa ni usaari.
32Nndu nalakee mwaangu wa iroyo ngoo ni ngoma ngota atiri finya;
ashidimaa ishillya nrima vakwe ni kisha ngota atira muri.
33Kura nnyikapwa imanya findo fishaa,
Indi Nndumi Iruva mmbwe arumbua kya usumanu.
Currently Selected:
FYAASO 16: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
FYAASO 16
16
1Lushiidimaa deny ivika uramba,
Indi mwiinutya ni Nndumi Iruva muni.
2Mitannyi ya nndu nnyivee ya songosiny kwakwe muni,
Indi Nndumi Iruva mmbwe eesaa nrima wa nndu.
3Vika Nndumi Iruva nsia wa mashora afo,
Na ngyuramba tafo tisheinukyaa nisha,
4mmbo aumbye wo kindo kimaruma kyakwe,
Naakwa ni varavi kimaruma kya nkonu wa urumato.
5Wo nndu atiri ngoo shuu ni kindo Nndumi Iruva asuuye;
Ni kya dede nndu wa ngata yeyo nnyaraa nalaorotwa-fo.
6Kya wiindi na usaari nndu mmbo autwaa ulyamari;
Kya iindya Nndumi Iruva nndu mmbo aiyamaa uravi.
7Nndumi Iruva kansennywa ni meengye ya nndu,
Mmbo aindutaa naakwa mbakiduva vakwe vakava mbuya.
8Ni kyeni masaa maangu a usumanu,
Ngota iwona masaa meengyi a ulembi.
9Nndu ashidimaa ivallya uramba lwakwe.
Indi Nndumi Iruva mmbwe asongoyaa myeengye wakwe.
10Mangyi arumbwaa eesongoywaa ni Iruva;
Kyeeri akeerummbwa mwaandu nnyateree-fo.
11Nndumi Iruva mmbo akundaa kyeeso na mesa a yeesa a usumanu;
Mawe moose a mfikony a yeesya ni ishora lyakwe.
12Ni kindo kikasha na kamwi mangyi itana uravi,
Mashika uvasha lwa ushilyi lwawo ni lwa usumanu.
13Mangyi mmbo akundyaa mwirera kya woorotu;
Mmbo akundaa yeto ashaambaa dede.
14Unyafi lwa mangyi nsha nrumi wa ufu;
Nndu nrango ashelurumyaa.
15Kisangu kya mangyi kikammiila kwiifo muu;
Usha lwakwe nsha ifishi lya kisye.
16Iwonisa urango usha ni mmwasi ya saabu;
Iwona urango ni isauwe isha ngota fesa.
17Shia ya worotu nnyiiyamaa uravi;
Mwiringa shia yakwe mmbo akiraa muu vakwe.
18Ngoo shuu n nyisongoyaa urumato;
Ukushobi llusongoyaa miwoye.
19Ni kyeni itira wiindi na iva nturi
Ngota iava na masaa na vatiri ngoo shuu.
20Mwivalya na ufundo mmbwe avesywa,
Ngoma nndu akusirye Nndumi Iruva.
21Nndu atiri urango usha ngoony yakwe avaangwa nndu atiri urango,
Irero lyisenyi lyiomwaa vandu,
22urango usha ni usoka lwa muu kwa yeto alutiri,
Indi urung;ani ni ngapo ya varung'ani.
23Ngoo ya nndu atiri urango usha nnyo imwidimisya irera na urango;
nnyaalua marero akwe akava ashoommwa vandu.
24Marero mesha nsha ukyi
Mmbo arolaa nriminy na iniinga mwiili finya.
25Nndu ashiidimaa ilollya shia yakwe nnya songosiny,
Indi mafurumyony mmbo inrwaa ufuny,
26isanga lya shoonga lliitikaa nrundi;
Mashika shaa yakwe mmbo imwiitikaa irunda.
27Nndu nravi akudesya itana uravi;
Marero akwe mmbo avakye muro wa kipala-paala.
28Nndu nreti mmbo akwaanisaa mwaandu,
Nriingyi mmbo alakanisaa mbuya.
29Nndu nriiti mmbo atevaa nndu wa nnyanu,
Mmboanteteryaa shieny ya uravi.
30Mwisinnya na iriso kya ntambo nnyadesyaa maravi;
Mwimaarya firomu mmbo akudeesye itana maravi.
31Iva na myaasa ya ukuu ni ureto lwa utore;
Mmbo ewonikaa kyeendwa ni usaari.
32Nndu nalakee mwaangu wa iroyo ngoo ni ngoma ngota atiri finya;
ashidimaa ishillya nrima vakwe ni kisha ngota atira muri.
33Kura nnyikapwa imanya findo fishaa,
Indi Nndumi Iruva mmbwe arumbua kya usumanu.
The Holy Bible in Kimashami © Bible Society of Tanzania, 2016.