FYAASO 11
11
1Mesa a yeesya a ulembi Nndumi Iruva mmbo asuuye,
Indi kyeeso kya usumanu ni ifura lwakwe.
2Ngoo shu na kiila mfiriani,
Indi kwa vandu vakunyiisye kwiifo urango usha.
3Worotu lwa vandu vasaari lluvasongoyaa;
Urekwa lwa valembi lluvarumataa.
4Usimba llushekyaa kindo nkonu wa unyafi-fo,
Indi usaari llukiraa nndu na ufu.
5Usaari lwa vandu worotu mmbo loorwaa miko yaawo;
Indi varavi mbatulwaa ni uravi lwawo.
6Usaari lwa vandu worotu lluvakiraa rengeny;
Indi variingyi mbakamarwaa n lango tawo.
7Nravi kamfwa nta kindo avikye nsia-fo,
Lango ya nndu alakusirye Iruva n nyisiaa ando a ruu.
8Nndu nsaari mmbo akirwaa ukiveny,
Nndu nravi kawa fo ando akwe.
9Nndu alaindyaa Iruva mmbo amamitaa vengyi na kana kakwe;
Indi nndu nsaari mmbo akirwaa ni utele lwakwe.
10Vandu vasaari vakambesywa mmbo vafuraa,
Indi varavi vesarumyaa mmbo vakapaa nndoro.
11Muri mmbo uvesywa kyeendwa ni vandu vasaari,
Indi mmbo urumatwaa nkana ka varavi.
12Nndu ashiinyalaa nndu wakwe wa nnyanu ni itondo;
Nndu nrango mmbo asya-do.
13Nndu areraa evikaa uriingyi nnyatiri kirisi-fo,
Indi nndu nsaari mmbo asiraa mbony.
14Ando kulaiyo ushilyi usha uruka mmbo luwee,
Indi ando atiri vangari veengyi nkutiri unapwe.
15Nndu akurekya muny avonisaa nsindara;
Indi nndu asuuye mmbony ta ukureeki ashekaa na unapwe.
16Nka nsaari mmbo eetikiswaa,
Nndu mmi arundaa mmbwe avee isimba.
17Nndu wa maako mmbo avikywaa mbora,
Indi nndu nriiti kakuvavisa muni.
18Mbusha awonisaa nravi nnya wongo,
Indi mwitana fya usumanu akooya mbusha ya dede.
19Nndu alanngye iva nsaari akaa na muu,
Indi yeto asauwa iva nravi ashefwaa.
20Vandu va makusaro maravi Nndumi Iruva avasuuye,
Indi yewo va mikaaye misha ni ifura lyakwe.
21Kya dede nndu nravi n nyaraa nalaorotwa-fo,
Indi vasaari vashekirwaa.
22Nka nsha alakee nrango,
Mmbo avakye rashi ya saabu mmbweny ya kishosho.
23Lango ya vasaari ishiinukyaa nisha,
Lango ta varavi ntisiiyaa unyafiny.
24Nndu atiri maako eningya mmbwe avee isimba,
Indi nndu nnyuuku mmbo asheengeraa iva ngwera.
25Nndu mwiambya veny avikywaa mbora;
Mwiniinga ungyi mura nawe asheritwaa.
26Vandu mmbo vadengaa nndu mwisuruma shoonga,
Indi vakakunndya mbora yeto avakumbya.
27Mwiruuya mesha mmbo awonisaa iviiri;
Indi mwiruya itana maravi ashevoywaa ni uravi!
28Nndu avikye masaa akwe nsia ashewaa!
Indi nndu nsaari ashekangalaa sha ire ivisi.
29Mwiwunndwa mmba yakwe akapwaa ni uraato.
Nndu nrung'ani ashevaa ishinga lya nndu nrango.
30Mirunndye ya nndu nsaari mmbo yendee muu,
Indi uravi mmbo lusokaa muu.
31Kwakooya vandu vasaari vavonaa mbora yaa urukeny,
Ni dede varavi na valyamari kyawo ni kyuumu!
Currently Selected:
FYAASO 11: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
