NEHEMIA 3

Isimamba lya Yerusalemu Lyatanwa Wiiya

1Nalyo Eliashibu ulya ekee nkohani nniini kasanga na vakohani vengi vakabooka mashora eetana ngiri yeevaangwaa ya moonri. Vakavika maboo, vakasaleesa myaango fika nnara wa Hamea, vakaamaa, vakayeeremuta, fika nnara wa Hananeli. 2Vandu va Yeriko vakavasorya itana. Na numa yaawo kasha zakuri mwana wa Imri. 3Ngiri ya makunga yo mmbo yetanwa mmwana va Senaa, vakavika maboo neesaleesa myaango ya vayo, na minya ta vayo na misirya ya vayo ya minya. 4Numa yaawo ni Meramoti mwana wa Uria, mwana wa Hakosi. Numa-se ni Meshulamu wa Berekia wa Meshezabeli. Numa kalatya Sadoki mwana wa Baana. 5Numa ni Watekoi, lyo vasongoru vawo mmbalekunda irundya ishora elyo-fo 6Na ngiri ilya ya kasha ikarundyo ni Yoyada wa Pasea na Meshulamu wa Besodeya, vakavika maboo neesaleesa myaango, vakavika minya na misirya ya minya. 7Numa yaawo ni Melatia Mgibeon, na Yadoni, Mmeronoti nawo ni va kulya Gibeon, na va Mispa, nawo vekee vandu va ushilyi lwa kwakulya ya mura yeto. 8Numa kalattya Usieli mwana wa Harhaya nawe ekee mfuru wa saabu. Kasoryo ni Hanania, ekee umwi wa vesongosia mafura afwaamaa, nawo vakatana Yerusalemu vakafikya isimamba ulya mmbongye 9Numa yakwe kasorya Refaya, mwana wa Huri ekee nshilyi wa kyenga kya Yerusalemu. 10Numa yakwe kasorya Yedaya, mwana wa Harumafu. Numa yakwe ni Hatushi, mwana wa Hashabneya. 11Malkiya mwana wa Harimu na Hashubu, mwana wa Pahat-moabu, vakatanau kyawo ando amwi na nnara wa ando kwa muro. 12Kalatyo n'shalumu mwana wa Holeheshi nshilyi wa kyenga kyingi kya Yerusalemu, we kasanga na vefu vakwe. 13Ngiri ya imungony mmbo iletanwa ni Hanoni neewo vakee Sanoa, vakasalesa myaango ya vayo, na minyata vayo, na misirya ya vayo na isimamba yeto mwaasha wa ngiri ya mbulula. 14Na ngiri yeyo ya mbulula ikatano ni Maliya mwana wa Rekabu, nshilyi wa muungo wa Bet-hekeremu, kaitana kasaleesa myaango ya vayo na minya ta vayo na misirya ya vayo. 15Nawe Shalumu wa Koehose kasongosya ngiri ya ngyusoka, nawe ni nshilyi wa muungo wa Mispa, kasaleesa myaango ya vayo na minya na misirya ya vayo na isimamba yeto wa kirori kya Shiloa kufii na nnda wa mangyi, fika alya fitereny fya muri wa Davidi. 16Numa yakwe ni Nehemia mwana wa Asibuki, nshilyi wa kyenga kya muungo wa Betsuri fika alya taari iiduvani na fifu fya vafyari va Davidi, fika alya firoriny filesumwa, kundekooya mmba ya vandu vakaari vakee vasikari.

Valevi valya vetana isimamba llya

17Numa ya vayo ni Valevi, Rehuni, mwana wa Bani. Kasorya Hashabia, akee akida wa kyenga kya muungo wa Keila. 18Numa ya vaye vana va maye vawo vakatana, ni Binui mwana wa Henadadi, nshilyi wa kyenga kya muri wa Keila. 19Numa yakwe ni Ezeri, mwana wa Yesua, ekee nshilyi wa Mispa, taari ilya yiiduvani na kisike kya fisha yoo isimamba wiidndukye nang'u taari ingi. 20Kasorya Baruki mwana wa Sakai, karunda na nsasari, ukaa yoo mbai ya isimamba fika yoo mwaangony wa mmba ya Eliashibu ulya nkohani nniini. 21Kasoryo Mmeremoti, mwana wa Uria, mwana wa Hakosi, uka yoo mwaangony wa mmba ya Eliashibu fika yoo mmba yakwe imandi. 22Numa yakwe ni Vakohani valerunda, mmbo valeuka ngyurukeny tillya tifitani na Yerusalemu. 23Vakasoryo ni Benyaminy na Hashubu, taari yeyo ya mmba yaawo. Numa vakasoryo ni Asaria mwana wa Maseya, mwana wa Anania, usumaru na mmba yakwe. 24Numa yakwe kasorya Binui, mwana wa Henadadi, uka mmba ya Asaria fika yoo ilemyony lya isimamba. 25Numa ya vayo ni Palali mwana wa Uasai, fika yoo isimamba ulenyi, fika yoo nnara urooye uwe ya mmba ya mangyi, ikee kufii na kari ka varingi. Numa karunda Pedaya mwana wa Parosho, 26(na Vaneti mmbo vekee Ofeli) fika taari ilya ya mura nnyo taari ya ngama, nung'u na nnara ulollyo.

Veerunndya isimamba vengyi

27Vatekoi vakasorya irunda, taari ilya ya nnara nniini fika mmbombony wa Ofeli. 28Yoo uwe ya ngiri ya frasi mvakohani valerundyan, wo numoi taari ya mmba yakwe. 29Numa yaawo ni Shemaya alelatya, ni mwana wa Shekania, nawe ni nringi wa ngiri ya taari ya ngama. 30Numa yakwe ni Hanania, mwana wa Shelamia, na Haruni, nawe ni mwana wa karindari wa Salafu, Numa yakwe Meshulamu kalatya, ni mwana wa Berekia, taari seyo ya mmba yakwe. 31Numa yakwe ni Malkiya nawe ni umwi wa vafuru va saabu, karundyau kandekooya mmba ya Vanetini, na ya veekaba mbusha, taari ilya ya mmba ya vafungwa, fika alya kiryeny kya mbai. 32Na yoo nnang'ani ya kirya ekyo kya uwe kya mbai na ngiri yeyo ya moonri mmbafuru va saabu na veekaba mbusha valerundyau.

Currently Selected:

NEHEMIA 3: MAS2

Highlight

Copy

Compare