Valevi 20
20
Waavi lwa Uvisho
1Naasa Nndumi Iruva karera na Mose, kammbia, 2Lyingyi via vana va Israeli, nndu moose wa Israeli, ao veny vawo, aniingya Moleki mwana wakwe, nkuti nawaawa, vandu vankape na mawe. 3Neeny mmbo shimbikyaa miso, shimuumbutye kwaasha, mashika elyi aniingya Moleki mwana wakwe naambo natefuse ando akwa eele, neetefusa irina lyakwa. 4Na kwakooya vandu vasingira miso valalole ekyo, yoo nndu aniingya Moleki mwana, valambwae, 5llyo yeny nshembikyaa miso akwa na vandu vakwe shimuumbutye kwaasha, neewo veellatya, naambo vatuuse na Moleki, vavio kwa mbai na vandu vawo.
6Na nndu asora veelafya, na vasavi atuuse nawo, mmbo shimbikyaa miso, shinraue na vandu vakwe. 7Kyasia kwiilyiseny, muve veele, mashika yeny ni Nndumi Iruva, Iruva waany. 8Tireny mavavaso akwa, Yeny ni Nndumi Iruva shikeemwiilyisa. 9Mashika nndu yeto ashaara raa maye ao ndeye nkuti nawaawo; mmbo aarara ndeye na maye, samu yakwe inkaye. 10Na nndu atuusa na nka wa ungi, yee nka wa ungi, nndu yeto na nka yeto kuti nawaawo. 11Na nndu yeto alalaa na nka wa ndeye mmbo asukkwa ndeye, woose mmbo vawaawo; samu yaawo ivakaye. 12Kwakooya nndu alala na varasinda wakwe, woose vavii nkuti vawaawo mmbo vatana kindo kiravi, samu yaawo ivakaye. 13Kwakooya nndu nndumi alala na nndumi ungi, shaasa alala na nndu nka, woose ve vavii mmbo vatana uravi, woose vawaawo. 14Kwakooya nndu aalyika nka na mfu wakwe, woose vararu mmbo vakorwaa muro kutani vafwa muu naambo uravi yelo luuke kwany. 15Kwakooya nndu alala na ifisi kuti nawaawo, na ifisi elyo lyivewaawo. 16Na kwakooya nndu nka asora ifisi nalyo, ifisi yelyo na nka yeto vawaawo, samu yaawo ivakaye. 17Lyingyi, kwakooya nndu oora mfwamaye, mwana wa ndeye, ao mwana wa maye, neesukwa, na nka yeto kalollya, nkindo kisha, mmbo vashevikwaa kwaasha na vandu vawo, mashika mmbo asukwa mfwamaye, nkuti nakurike uravi lwakwe. 18Na kwakooya nndu alala na nka akee mwiiriny, woose nkuti vavikwa kwaasha na vandu vawo. 19Kulasukwe mfwamau mwana wa mau ao wa ndoo, mashika nndu sheeto mmbo asukwa nndu wakwe, mmbo vakurikaa uravi lwawo. 20Na nndu kalala na nka wa nsero wa kyekuye, mmbo asukwa nsero wa kyekuye; mmbo vakurikaa uravi lwawo, mmbo vafwaa valaira mwana. 21Na nndu karwaa nka wa mwanamaye, ni uravi, mmbo asukwa mwanamaye; mbatiraa vanafo.
22Kyasia, ringeny mavavaso akwa moose, na usumanu lwakwa, naambo uruka elo efo nshemufitaa, lulamuleme. 23Mulasore mikaaye ya vandu yewo shilevaumbuta mbee yaany, mashika wo mmbo valetana indo neeny shavasua. 24Lyo mmbo shamuvia ni yeni, mushetira uruka lwawo, shimuniinge muishilye yeni, nalo ni uruka lwa malela na uki, yeny ni Nndumi Iruva, Iruva waany, shilemuuta efo vanduny va masanga. 25Kimmba niindo nkuti murauwe ekyo kisha neekyo kikasha, ndeye shisha neeyo shitefusu, ao findo efyo fiishwe urukeny, shamoora yeni sheelyi mfitefusu, 26neeni mmbo mushevaa veele kwakwa yeny, mashika elyi yeny Nndumi Iruva shikee mweele, shamuuta efo vanduny va masanga, naambo muve muye yakwa.
27Kwakooya nndu nndumi ao nndu nka alafya, ao akee nsavi, nkuti nawaawa, vakapwa na mawe, samu yawo ivasheye veni.
Currently Selected:
Valevi 20: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Valevi 20
20
Waavi lwa Uvisho
1Naasa Nndumi Iruva karera na Mose, kammbia, 2Lyingyi via vana va Israeli, nndu moose wa Israeli, ao veny vawo, aniingya Moleki mwana wakwe, nkuti nawaawa, vandu vankape na mawe. 3Neeny mmbo shimbikyaa miso, shimuumbutye kwaasha, mashika elyi aniingya Moleki mwana wakwe naambo natefuse ando akwa eele, neetefusa irina lyakwa. 4Na kwakooya vandu vasingira miso valalole ekyo, yoo nndu aniingya Moleki mwana, valambwae, 5llyo yeny nshembikyaa miso akwa na vandu vakwe shimuumbutye kwaasha, neewo veellatya, naambo vatuuse na Moleki, vavio kwa mbai na vandu vawo.
6Na nndu asora veelafya, na vasavi atuuse nawo, mmbo shimbikyaa miso, shinraue na vandu vakwe. 7Kyasia kwiilyiseny, muve veele, mashika yeny ni Nndumi Iruva, Iruva waany. 8Tireny mavavaso akwa, Yeny ni Nndumi Iruva shikeemwiilyisa. 9Mashika nndu yeto ashaara raa maye ao ndeye nkuti nawaawo; mmbo aarara ndeye na maye, samu yakwe inkaye. 10Na nndu atuusa na nka wa ungi, yee nka wa ungi, nndu yeto na nka yeto kuti nawaawo. 11Na nndu yeto alalaa na nka wa ndeye mmbo asukkwa ndeye, woose mmbo vawaawo; samu yaawo ivakaye. 12Kwakooya nndu alala na varasinda wakwe, woose vavii nkuti vawaawo mmbo vatana kindo kiravi, samu yaawo ivakaye. 13Kwakooya nndu nndumi alala na nndumi ungi, shaasa alala na nndu nka, woose ve vavii mmbo vatana uravi, woose vawaawo. 14Kwakooya nndu aalyika nka na mfu wakwe, woose vararu mmbo vakorwaa muro kutani vafwa muu naambo uravi yelo luuke kwany. 15Kwakooya nndu alala na ifisi kuti nawaawo, na ifisi elyo lyivewaawo. 16Na kwakooya nndu nka asora ifisi nalyo, ifisi yelyo na nka yeto vawaawo, samu yaawo ivakaye. 17Lyingyi, kwakooya nndu oora mfwamaye, mwana wa ndeye, ao mwana wa maye, neesukwa, na nka yeto kalollya, nkindo kisha, mmbo vashevikwaa kwaasha na vandu vawo, mashika mmbo asukwa mfwamaye, nkuti nakurike uravi lwakwe. 18Na kwakooya nndu alala na nka akee mwiiriny, woose nkuti vavikwa kwaasha na vandu vawo. 19Kulasukwe mfwamau mwana wa mau ao wa ndoo, mashika nndu sheeto mmbo asukwa nndu wakwe, mmbo vakurikaa uravi lwawo. 20Na nndu kalala na nka wa nsero wa kyekuye, mmbo asukwa nsero wa kyekuye; mmbo vakurikaa uravi lwawo, mmbo vafwaa valaira mwana. 21Na nndu karwaa nka wa mwanamaye, ni uravi, mmbo asukwa mwanamaye; mbatiraa vanafo.
22Kyasia, ringeny mavavaso akwa moose, na usumanu lwakwa, naambo uruka elo efo nshemufitaa, lulamuleme. 23Mulasore mikaaye ya vandu yewo shilevaumbuta mbee yaany, mashika wo mmbo valetana indo neeny shavasua. 24Lyo mmbo shamuvia ni yeni, mushetira uruka lwawo, shimuniinge muishilye yeni, nalo ni uruka lwa malela na uki, yeny ni Nndumi Iruva, Iruva waany, shilemuuta efo vanduny va masanga. 25Kimmba niindo nkuti murauwe ekyo kisha neekyo kikasha, ndeye shisha neeyo shitefusu, ao findo efyo fiishwe urukeny, shamoora yeni sheelyi mfitefusu, 26neeni mmbo mushevaa veele kwakwa yeny, mashika elyi yeny Nndumi Iruva shikee mweele, shamuuta efo vanduny va masanga, naambo muve muye yakwa.
27Kwakooya nndu nndumi ao nndu nka alafya, ao akee nsavi, nkuti nawaawa, vakapwa na mawe, samu yawo ivasheye veni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.