Valevi 19
19
Weele na Usumanu
1Nndumi Iruva karera na Mose, kammbia, 2Rera na vandu woose va vana va Israeli, kuvavie indi, “Veny veele, mashika yeny Nndumi Iruva, Iruva waany, mmbo shikee mweele. 3Wo nndu naindye maye, na ndeye, muringe mikonu ya sabato, yeny ni Nndumi Iruva, Iruva wafo. 4Mulaindukye mafwanu, na mulaindukye mafwanu, mapashe nta mulasongosye maruva engi, yeny n Nndumi Iruva, Iruva waany. 5Yeni kyeeri musheshishyaa Nndumi Iruva kiraso kya ufoo munserisye naambo mwiirikyo. 6Ilyiwa nkonu yeto mweni mwaishisha, neelyi lya ndesi, na kwakooya kyasaau kindo fika nkonu wa kararu mmbo kikorwaa na muro. 7Nkonu wa kararu kikalyiwau nta kindo ni uravi, nkivaafo. 8Lyo nndu yeto ashelyaau mmbo akurikaa uravi lwakwe muni, mashika mmbo atefusa ekyo kyeekee kyeele kya Nndumi Iruva; nawe navikwa kwaasha na vandu vengi.
9“Neelyi mushiilula fimu fya uruka lwany, kulailule kumaafo neefo mbai-fo, nta efyo fisaa-saafo kulavivefo fyoose-fo; 10nta misaaro ya misabibu yafo kulaisanyirye-fo, nta ndunda ta misabibu yeto tileangarya si kulatisanyirye-fo, reny-fo kimaruma kya vakiva na veny, yeny ni Nndumi Iruva, Iruva waany. 11Mulaiye, nta mulalembe-fo, nta mulaviane wongo fo. 12Mulye mboo ya wongo na irina lyakwa kureveesa irina lya Iruva wafo. Yeny ni Nndumi Iruva. 13Kulalamye uroo neensoka masaa akwefo, weesi lwa yeto akeerunda lulalale kwafo. 14Kuladenge nndu mfu maarwi-fo, nta kulavikye nndu mfu miso nreiyo-fo, lyo indya Iruva wafo, yeny ni Nndumi Iruva.
15“Mulatane filasumani mwaanduny-fo, kulakundye nndu nkiva, nta yiiryaa yeto atiri finya; rumbuya woose kikee kya usumanu. 16Kularuerue efo neefo kwiivikyaa vengi ureree, nta kulariingye nndu nandewaawa, yeny ni Nndumi Iruva. 17Kulasue nndu ungi kirika, nkuti kukyeemye mwanamau, na nta kulakurike ulyamari lwakwefo. 18Kulatire kiduva nta ilyiiya vana va vana vafiyoo, lyo mmbo kushekunda vengyi shaasa kukundye kumuni; yeny ni Nndumi Iruva. 19Ringeny mavavaso akwa. Kulare findo fyeevikya fifwarike nnu-fo; kulavaaye mbeu ta ngata ivii iremeny lyafo-fo, nta kularaa soori ya fitambaa fivii-fo. 20Na nndu moose yeto alalaa na kishinga, nakyo kitiri tindi, nta nalawouwe, nta nalalekwa, nkuti naorotwa, nnyawaawa-fo. 21Na nndu yeto mmbo ashendee kiraso kyakwe kya urekwa kwa Nndumi Iruva, yoo mwaangony wa yeema lyeekwaanannya, suva ive kiraso kya urekwa.
22“Na nkohani yeto mmbo avikaa usandi kimaruma kyakwe na suva yeyo ive kiraso kya urekwa kwa Nndumi Iruva, nawe llyo ashesarywa ulyamari yelo alelutana. 23Neeni kyeeri mushefikaa urukeny elo neeni mwammeevaya miri ya ngata shiingi ya shoonga, llyo mushaamba ndunda ta vayo nkimwi ira kularinwa ando a myaaka iraru, ndunda ta vayo tire tilalyiwa. 24Kyeendi mwaaka wa kaana ndunda ta vayo mmbo tivaa sheele, tiniingyo Nndumi Iruva ta kyaanu. 25Mwaaka wa kararu llyo mulyaa ndunda ta vayo musennywa. Yeny ni Nndumi Iruva. 26Mulalye kindo musande na samu-fo, nta mulakape kilwaa, nta yaawuyafo. 27Muloote mirwe kiringitya kyeeseta nta nguyo tany-fo. 28Mularashe sare elyi nndu afwa-fo, nta mulareiye miili yaany, yeny ni Nndumi Iruva. 29Kulasute mwana wafo wa kika numa nasheva isonga, na uruka lusora ngaa yeyo, na uruka lwiishwe uravi uniini.
30“Ringeny sabato takwa, indyeny ando akwa kweele, Yeny ni Nndumi Iruva. 31Mulasore vasavi-fo, nta mulavaruuye-fo, mmbo vamutefusaa, yeny ni Nndumi Iruva. 32Seiyeny nndu atiri myaasa, indeny nndu nkuu, kuveindya na Iruva wafo, yeny ni Nndumi Iruva. 33Kwakooya muny akaa neewe urukeny lwafo, kulasheentannya kikasha. 34Muny akaa kwany nave sha nndu awonikyeu, nkunde shaasa kukukandye, kimba neeni mwekee veny kulya Misri, yeny ni Nndumi Iruva, Iruva waany. 35Mulatane kindo kilakee kya usumanu mwiirumbwaa myaandu, nta mwiisheesaa, waasha lwa kindo nta meseny ya yeesa findo, 36Fyeeso fya usumanu, kipapa kya usumanu, fyeeso fya usumanu, mfyo mutiraa. Yeny ni Nndumi Iruva, Iruva waany, shilemuuta kulya Misri. 37Tireny mavavasyo akwa, na usumanu lwakwa, mutane indo. Yeny ni Nndumi Iruva.”
Currently Selected:
Valevi 19: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Valevi 19
19
Weele na Usumanu
1Nndumi Iruva karera na Mose, kammbia, 2Rera na vandu woose va vana va Israeli, kuvavie indi, “Veny veele, mashika yeny Nndumi Iruva, Iruva waany, mmbo shikee mweele. 3Wo nndu naindye maye, na ndeye, muringe mikonu ya sabato, yeny ni Nndumi Iruva, Iruva wafo. 4Mulaindukye mafwanu, na mulaindukye mafwanu, mapashe nta mulasongosye maruva engi, yeny n Nndumi Iruva, Iruva waany. 5Yeni kyeeri musheshishyaa Nndumi Iruva kiraso kya ufoo munserisye naambo mwiirikyo. 6Ilyiwa nkonu yeto mweni mwaishisha, neelyi lya ndesi, na kwakooya kyasaau kindo fika nkonu wa kararu mmbo kikorwaa na muro. 7Nkonu wa kararu kikalyiwau nta kindo ni uravi, nkivaafo. 8Lyo nndu yeto ashelyaau mmbo akurikaa uravi lwakwe muni, mashika mmbo atefusa ekyo kyeekee kyeele kya Nndumi Iruva; nawe navikwa kwaasha na vandu vengi.
9“Neelyi mushiilula fimu fya uruka lwany, kulailule kumaafo neefo mbai-fo, nta efyo fisaa-saafo kulavivefo fyoose-fo; 10nta misaaro ya misabibu yafo kulaisanyirye-fo, nta ndunda ta misabibu yeto tileangarya si kulatisanyirye-fo, reny-fo kimaruma kya vakiva na veny, yeny ni Nndumi Iruva, Iruva waany. 11Mulaiye, nta mulalembe-fo, nta mulaviane wongo fo. 12Mulye mboo ya wongo na irina lyakwa kureveesa irina lya Iruva wafo. Yeny ni Nndumi Iruva. 13Kulalamye uroo neensoka masaa akwefo, weesi lwa yeto akeerunda lulalale kwafo. 14Kuladenge nndu mfu maarwi-fo, nta kulavikye nndu mfu miso nreiyo-fo, lyo indya Iruva wafo, yeny ni Nndumi Iruva.
15“Mulatane filasumani mwaanduny-fo, kulakundye nndu nkiva, nta yiiryaa yeto atiri finya; rumbuya woose kikee kya usumanu. 16Kularuerue efo neefo kwiivikyaa vengi ureree, nta kulariingye nndu nandewaawa, yeny ni Nndumi Iruva. 17Kulasue nndu ungi kirika, nkuti kukyeemye mwanamau, na nta kulakurike ulyamari lwakwefo. 18Kulatire kiduva nta ilyiiya vana va vana vafiyoo, lyo mmbo kushekunda vengyi shaasa kukundye kumuni; yeny ni Nndumi Iruva. 19Ringeny mavavaso akwa. Kulare findo fyeevikya fifwarike nnu-fo; kulavaaye mbeu ta ngata ivii iremeny lyafo-fo, nta kularaa soori ya fitambaa fivii-fo. 20Na nndu moose yeto alalaa na kishinga, nakyo kitiri tindi, nta nalawouwe, nta nalalekwa, nkuti naorotwa, nnyawaawa-fo. 21Na nndu yeto mmbo ashendee kiraso kyakwe kya urekwa kwa Nndumi Iruva, yoo mwaangony wa yeema lyeekwaanannya, suva ive kiraso kya urekwa.
22“Na nkohani yeto mmbo avikaa usandi kimaruma kyakwe na suva yeyo ive kiraso kya urekwa kwa Nndumi Iruva, nawe llyo ashesarywa ulyamari yelo alelutana. 23Neeni kyeeri mushefikaa urukeny elo neeni mwammeevaya miri ya ngata shiingi ya shoonga, llyo mushaamba ndunda ta vayo nkimwi ira kularinwa ando a myaaka iraru, ndunda ta vayo tire tilalyiwa. 24Kyeendi mwaaka wa kaana ndunda ta vayo mmbo tivaa sheele, tiniingyo Nndumi Iruva ta kyaanu. 25Mwaaka wa kararu llyo mulyaa ndunda ta vayo musennywa. Yeny ni Nndumi Iruva. 26Mulalye kindo musande na samu-fo, nta mulakape kilwaa, nta yaawuyafo. 27Muloote mirwe kiringitya kyeeseta nta nguyo tany-fo. 28Mularashe sare elyi nndu afwa-fo, nta mulareiye miili yaany, yeny ni Nndumi Iruva. 29Kulasute mwana wafo wa kika numa nasheva isonga, na uruka lusora ngaa yeyo, na uruka lwiishwe uravi uniini.
30“Ringeny sabato takwa, indyeny ando akwa kweele, Yeny ni Nndumi Iruva. 31Mulasore vasavi-fo, nta mulavaruuye-fo, mmbo vamutefusaa, yeny ni Nndumi Iruva. 32Seiyeny nndu atiri myaasa, indeny nndu nkuu, kuveindya na Iruva wafo, yeny ni Nndumi Iruva. 33Kwakooya muny akaa neewe urukeny lwafo, kulasheentannya kikasha. 34Muny akaa kwany nave sha nndu awonikyeu, nkunde shaasa kukukandye, kimba neeni mwekee veny kulya Misri, yeny ni Nndumi Iruva, Iruva waany. 35Mulatane kindo kilakee kya usumanu mwiirumbwaa myaandu, nta mwiisheesaa, waasha lwa kindo nta meseny ya yeesa findo, 36Fyeeso fya usumanu, kipapa kya usumanu, fyeeso fya usumanu, mfyo mutiraa. Yeny ni Nndumi Iruva, Iruva waany, shilemuuta kulya Misri. 37Tireny mavavasyo akwa, na usumanu lwakwa, mutane indo. Yeny ni Nndumi Iruva.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.