YOBU 7
7
1Nndu wa vandu atiri ngapanu ulaniny,
na mikonu yakwe ivakkye ya nndu wa weesi lwa nkonu!
2We n sha ishinga lyilangye kirishe,
sha nndu wa mashora averaa na sina weesi lwakwe.
3Naasany mmbo shikee mwekennyi miiri na miiri ya kisisa
kyakwa ni misoru kio fika kio.
4Shiilalaa nkeyaamba, “A ni indii shikupoo lyingi?”
Mashika fyeeri fya kio n fyaasha nnu,
shakubirimita-birimita kitareny kufike kwakya.
5Mwiili wakwa wamisshwa matiinga na kirinda,
shonyi yakwa ikauma pony shaukwa ni usia lwa yuure.
6Mikonu yakwa ikaveira veru sha kireto kya mwifuma soori,
nato tikafika ufisshony kulaifo kindo shivikkye nsia.
7Kummbwa, muu wakwa ni mumuyo-nsi;
iriso lwakwa n lilollyaa usha loose lyingi-fo
8Nndu akeeshilola ulaalu n nakishilollyaa-se lyingyi-fo,
veru kwashilla kukooyaa shamberuka.
9Sheelyi ifishi linnyaa na isarummya,
ni indo na vandu vaolokaa kwa vafu valakivuyaa-se.
10Mwi enda n navuyaa lyingyi kwa vandu vakwe-fo,
na alya eekaa kukarekyeka swany.
11Kwa yekyo shishiima kana kakakwa irera fo;
mmbo shireraa kya irovyo nnu nriminy,
shidyaa kya ivavyo nnu ni muu.
12A ndesa yeny ni yeewe ao ifisi lya yeeveny kutani kwashivikkya nringi?
13Shaamba, “A shiimuye ya kitareny,
kyiri kyakwa kishiimurisaa na ishiangurya n diyyo wakwa.
14Yewe kwasha isherese na maorya,
kwashimattwa na myoore;
15kutani shalollya ng'waana shikuvanike,
shilla n kyeni ifwa ngota mavavio yaa.
16Shammisua muu wakwa n shikaa na muu llung'anu fo.
Shireny, mashika mikonu yakwa ni uraa nsi!
17Nndu wa vandu n kyokyi kutani lwansara?
A nkyikyi kunkusaryaa kyakwe?
18Yewe mmbo kushensengeraa wo nkonu ngama,
wo kyeeri kwashemweesa!
19Mmbo kusheengeraa ishilola kufike indii,
nta nkushiraa se shimire nta maare?
20Naakwaa shatana ulyamari,
mmbo kikuvavye fo kyi yewe mwisallwa vandu?
A nkyikyi kwashaallwa kiteve kya ngapo yafo
A ndesa yenyy n shammba irio kwafo?
21A nkyikyi kulashifwaaye ulyamari lwakwa?
Na ishuuta uravi lwakwa?
Llyo yeny mmbo shishaarwaa si kifuny,
kushiruuyaa, indi nshikikoywau lyingi fo!”
Currently Selected:
YOBU 7: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
