YOBU 12
12
1Llyo Yobu karouwa:
2Yee! Yeni ni vandu va urango usha.
Urango usha lushefwaa kyeeri mushefwaa.
3Na yeny da shivekee nndu shiishi sheeni.
N shikee nndu mfwafwa ngota yeni-fo
Fyoose mwarera wo nndu eeshi.
4Shammba kindo kya iseta kwa mbuya takwa:
Yeny sheterevaa Iruva kashirouwa;
Yeny shikee nndu nsaari shilatiri mbese,
shammba kindo kya iseta vandu.
5Nndu atiri ifura mmbo ainyala kiiyo;
kwakwe kiiyo mmbo kisheyaa valya verendeya.
6Ando a vasoki atiri ufoo;
vesia Iruva mwaandu vakee na ufoo
finya yawo ni iruva lyawo.
7Indi vesa mafisi a ngoroshony nawo vakuloshaa;
vesa ndeye nato tikuviaa.
8Ao vesa myooro nayo ikuloshaa;
rera na makunga nangu akuongoyaa.
9Mmbi nnang'ani ya fyuumbe efyo,
alaishi sheelyi Nndumi Iruva mmbwe atanyi efyo?
10Muu wa kyuumbe kyoose kikee na muu mmbo ukee maakony akwe;
ando amwi na muu wa nndu wa vandu.
11A kuri n kaesaa marero
sheelyi ulumi lushoshaa shoonga?
12Urango usha llukee kwa vamiku,
na muu mwaasha
13Indi urango usha na wiidimi ni fya Iruva,
we mmbwe atiri urango na umanyo.
14Kawuundwa nkwiifo nndu ashiidimaa itana wiiya-fo,
kafinga nndu,
nkwiifo nndu ashiidimaa imporommwa-fo.
15Kaima mmbwa, lukawoywa ni mwi,
kairuya uruka lukaishwa mura.
16We mmbwe atiri finya na urango usha;
weelembwa na veelemba mmbakwe.
17Kaveera ngyama vakaenda mbereto,
na yaallwa verummbwa myaandu iva varung'ani.
18Mmbo auta vamangyi fitiminy fyao fya umangyi,
na ivafinga kyoove kya ushinga;
19Kaveera vakohani vaende mbereto,
na ituula vaafinya.
20Mmbo asokaa vasongoru wiidimi lwao lwa irera,
kavesoka na vamiku urango lawo usha.
21Kapusuya vanini sony,
kavauta vatiri finya wiidimi lwao.
22Mmbo asukkwa ireema yuu piti
na yeende seny fikee ireeminy.
23Ang'anisa masanga, kaveamamita
mmbo avafumbutaa numa kaararata.
24Mmbo autaa fisongoru wiidimi lwao,
mmbo avatevetaa vararaa kasa koomu kulatiri shia,
25Vakawowora ireeminy kundo kulatiri sa;
naa ivaallwa vasingesinge sha vanangwa.
Currently Selected:
YOBU 12: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
