YOBU 11
11
Kirouwo kya Sofari
1Naasa Sofari, Mnaamathi karouwa Yobu:
2A, nsemu yeu moose wa marero kure kulaifo nndu akurouwa?
A ndesa nndu wa marero meengyi mmbo aora sheelyi n natiri mbese?
3Ndesa irera ree lyafo mmbo kumalalisaa vandu?
Na kwa kooya kwa inyala, a ndesa kwiifo nndu akusutaa?
4Yewe mmbo kukeamba, “Ekyo sharera nkya dede,
n shitiri mbese mbee ya Iruva-fo.”
5A nkyema Iruva etarammbwaa kana kyakwe
aute unyanga lwakwe akurouwe!
6Mmbo eekuvia kirika kya urango usha,
mashika we atiri urango wiingyi.
Manya sheelyi Iruva mmbo akweekennya siye tafo toose.
7Ndesa kushiidimaa iitumuso kirika kya Iruva
na imanya ufishyony lwakwe we Iruva muni finya?
8Uniini lwakwe lwiiriye iruveeu, yewe kushiidimaa kyi?
9Waasha lwa vayo lwiirye waasha lwa ulana,
lukairya ivari lya yeeve.
10Kwa kooya Iruva aira,
kafinga nndu na imuutya uvingo,
a mmbi ashiidimaa illemya?
11Iruva mmbo eeshi vandu valavaa;
kallolya uravi we mmbo akyeemya.
12Nrung'ani nnashiidimaa iva na urango-fo,
Kyoongo kya ngoroshony n kyoongo da
13Yobu kwaalwa ngoo yafo shorotu,
mmbo kuinwaa maako afo kutereve Iruva!
14Kwa kooya kutiri ukasha kulwerye kwaasha.
Kulairikye ukasha lukae mmba kwafo-fo.
15Yoo llyo kusomukyaa mbee ya vandu kulatiri mbese,
kutiri finya kulakee na weerei.
16Mmbo kurekywaa ngatara tafo shoose;
mmbo kutikumbwa a n-si sha iruruma lileira.
17Muu wafo ushevaa mwaa pyai ngota mwi kyeeri kya nsanyiny,
ireema lya vayo lyishaalashikaa live sha imika lya ngama elyi kukeekya,
18kushevaa na ukaari mashika kutiri kindo kuvikkye nsia,
kuringwaa na kuimuye kippwa.
19Kushelala kulaifo yereswa ni nndu;
vandu vengyi vashekuterevaa weekyi.
20Indi varavi miso awo asherekaa;
shya shoose ta irishya tisherekaa;
ivika nsia lyawo lya mafurumyony ni inutuka.
Currently Selected:
YOBU 11: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
YOBU 11
11
Kirouwo kya Sofari
1Naasa Sofari, Mnaamathi karouwa Yobu:
2A, nsemu yeu moose wa marero kure kulaifo nndu akurouwa?
A ndesa nndu wa marero meengyi mmbo aora sheelyi n natiri mbese?
3Ndesa irera ree lyafo mmbo kumalalisaa vandu?
Na kwa kooya kwa inyala, a ndesa kwiifo nndu akusutaa?
4Yewe mmbo kukeamba, “Ekyo sharera nkya dede,
n shitiri mbese mbee ya Iruva-fo.”
5A nkyema Iruva etarammbwaa kana kyakwe
aute unyanga lwakwe akurouwe!
6Mmbo eekuvia kirika kya urango usha,
mashika we atiri urango wiingyi.
Manya sheelyi Iruva mmbo akweekennya siye tafo toose.
7Ndesa kushiidimaa iitumuso kirika kya Iruva
na imanya ufishyony lwakwe we Iruva muni finya?
8Uniini lwakwe lwiiriye iruveeu, yewe kushiidimaa kyi?
9Waasha lwa vayo lwiirye waasha lwa ulana,
lukairya ivari lya yeeve.
10Kwa kooya Iruva aira,
kafinga nndu na imuutya uvingo,
a mmbi ashiidimaa illemya?
11Iruva mmbo eeshi vandu valavaa;
kallolya uravi we mmbo akyeemya.
12Nrung'ani nnashiidimaa iva na urango-fo,
Kyoongo kya ngoroshony n kyoongo da
13Yobu kwaalwa ngoo yafo shorotu,
mmbo kuinwaa maako afo kutereve Iruva!
14Kwa kooya kutiri ukasha kulwerye kwaasha.
Kulairikye ukasha lukae mmba kwafo-fo.
15Yoo llyo kusomukyaa mbee ya vandu kulatiri mbese,
kutiri finya kulakee na weerei.
16Mmbo kurekywaa ngatara tafo shoose;
mmbo kutikumbwa a n-si sha iruruma lileira.
17Muu wafo ushevaa mwaa pyai ngota mwi kyeeri kya nsanyiny,
ireema lya vayo lyishaalashikaa live sha imika lya ngama elyi kukeekya,
18kushevaa na ukaari mashika kutiri kindo kuvikkye nsia,
kuringwaa na kuimuye kippwa.
19Kushelala kulaifo yereswa ni nndu;
vandu vengyi vashekuterevaa weekyi.
20Indi varavi miso awo asherekaa;
shya shoose ta irishya tisherekaa;
ivika nsia lyawo lya mafurumyony ni inutuka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.