YOBU 10
10
Marero aifurumya a Yobu
1Mmbo shisuuye muu wakwa!
Mavavio akwa mmbo shishoongwaa kulefo kyindo kyishiimaa.
Shiambaa kya ivawo n ngoo yakwa.
2Mmbo shivia Iruva: kulashiutye uvingo.
Shimanyisya kimaruma kya iwakyana.
3A, ni usumanu yewe ishiwonnya,
iinyala mashora a maako afo
na ikundya miallye ya varavi?
4Ndesa mmbo kutiri miso a vakkye a nndu wa vandu?
Mmbo kulolaa shaasa nndu wa vandu allaa?
5A mikonu yafo ivakkye ya nndu wa vandu,
ao myaaka yafo ivakkye ya nndu wa vandu?
6Kutani kwa sununda irekwa lyakwa
na iruuya ulyamari lwakwa?
7Yewe kwiishi sheelyi n kwiifo kindo shilyamarye fo,
na nkwiifo wa ishiauwa maakony afo-fo.
8Maako afo mmbo eshiombomba na ishiumba,
indi ulaalu mmbo kukeinnduka kushimamite.
9Kummbwa sheelyi mmbo kweshiumba na uteri.
A ndesa mmbo kushiviirase kilulyiny?
10Ndesa nshi yewe kweshileta sha malela,
na ishivirisa sha mafura a malela?
11Mmbo kweumba mwiili wakwa na maffwa na mirarii,
kwasikkya mmaffwa akwa na nyama na shonyi.
12Kwashilyimya muu na ulyilyi,
waarya lwafo lukakira muu wakwa.
13Naakwa n indo mbony yeto kwatisuruma ngoony.
Indi shiishi ni indo kwelangye.
14Mmbo kwekeevereya shilyamare,
naambo kulemi ishisarya ulyamari lwakwa.
15Kwakooya shikee nravi, oshiny lwakwa!
Kwa kooya shikee nsaari nta nshishiidimaa irumanafo;
mashika mmbo shiishywe uravi, shalola mavavio akwa.
16Shaipoo nrwe nsi mmbo kukeeshiisa sha miiso
na ishikoninda lyingyi na ngyende tafo.
17Wo kyeeri mmbo kutiri nkureekyi uwe yakwa;
kwaengera unyafi lwafo uwe yakwa;
kwashiengye vakiduva vaiya vashiwoye.
18“Woi Iruva a n kyikyi kweshiuta nsangen wa ma?
Nkyeni shefwaa kulaore vandu vanshilollya.
19Mmbo nsheerawaa na kifuny lyimwi,
shive sha nndu kulaore alenkaa na muu.
20A mikonu ya muu wakwa n shi myaangu?
Shira shivoni iviiryo muu kinnyo,
21kulaore shammeenda efo kulaore shiwuyaa,
efo kutiri uruka lwa tingwa na ireema iroo;
22Uruka lwa ngusana,
efo sa ya vayo ivakkye ireema.”
Currently Selected:
YOBU 10: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
YOBU 10
10
Marero aifurumya a Yobu
1Mmbo shisuuye muu wakwa!
Mavavio akwa mmbo shishoongwaa kulefo kyindo kyishiimaa.
Shiambaa kya ivawo n ngoo yakwa.
2Mmbo shivia Iruva: kulashiutye uvingo.
Shimanyisya kimaruma kya iwakyana.
3A, ni usumanu yewe ishiwonnya,
iinyala mashora a maako afo
na ikundya miallye ya varavi?
4Ndesa mmbo kutiri miso a vakkye a nndu wa vandu?
Mmbo kulolaa shaasa nndu wa vandu allaa?
5A mikonu yafo ivakkye ya nndu wa vandu,
ao myaaka yafo ivakkye ya nndu wa vandu?
6Kutani kwa sununda irekwa lyakwa
na iruuya ulyamari lwakwa?
7Yewe kwiishi sheelyi n kwiifo kindo shilyamarye fo,
na nkwiifo wa ishiauwa maakony afo-fo.
8Maako afo mmbo eshiombomba na ishiumba,
indi ulaalu mmbo kukeinnduka kushimamite.
9Kummbwa sheelyi mmbo kweshiumba na uteri.
A ndesa mmbo kushiviirase kilulyiny?
10Ndesa nshi yewe kweshileta sha malela,
na ishivirisa sha mafura a malela?
11Mmbo kweumba mwiili wakwa na maffwa na mirarii,
kwasikkya mmaffwa akwa na nyama na shonyi.
12Kwashilyimya muu na ulyilyi,
waarya lwafo lukakira muu wakwa.
13Naakwa n indo mbony yeto kwatisuruma ngoony.
Indi shiishi ni indo kwelangye.
14Mmbo kwekeevereya shilyamare,
naambo kulemi ishisarya ulyamari lwakwa.
15Kwakooya shikee nravi, oshiny lwakwa!
Kwa kooya shikee nsaari nta nshishiidimaa irumanafo;
mashika mmbo shiishywe uravi, shalola mavavio akwa.
16Shaipoo nrwe nsi mmbo kukeeshiisa sha miiso
na ishikoninda lyingyi na ngyende tafo.
17Wo kyeeri mmbo kutiri nkureekyi uwe yakwa;
kwaengera unyafi lwafo uwe yakwa;
kwashiengye vakiduva vaiya vashiwoye.
18“Woi Iruva a n kyikyi kweshiuta nsangen wa ma?
Nkyeni shefwaa kulaore vandu vanshilollya.
19Mmbo nsheerawaa na kifuny lyimwi,
shive sha nndu kulaore alenkaa na muu.
20A mikonu ya muu wakwa n shi myaangu?
Shira shivoni iviiryo muu kinnyo,
21kulaore shammeenda efo kulaore shiwuyaa,
efo kutiri uruka lwa tingwa na ireema iroo;
22Uruka lwa ngusana,
efo sa ya vayo ivakkye ireema.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.