ISAYA 9
9
Mangyi ashewonikaa
1Indi uruka elo mmbo lwenkaa ukyiveny na mavavywa ando a kyeeri kyaasha; lyo nlushekaa indo fyeeri fyoose-fo. Kyeeri kya Sabulon na kyeeri kya Naftali uruka elo mmbo lweeke lwiipale, indi numa kashewoora itumbe lyakwe taari ya ngama kwakulya ya Yordan naakwa ni kulya Galilaya urukeny lwa vandu va masanga moose.
2Vandu valya veeke yeenda yefo ireeminy lying'ani,
vallollya sa ing'ani;
valya veeke yefo urukeny lwa ireema lya makimima
vamikywa ni sa.
3Vandu vawo vammengereka,
na ifura lyawo lyikaengereka;
vakafura mbee ya usangu lwafo,
sha kyeeri kya maulullyony a fimu,
sha ifura lya vandu vashaava mifungwa.
4Mashika kwanvaporomwa yooka ilya yeevarovye
na ngova tilya veekekapwa nato meeveny awo.
Valya veekevawonnya kwavatuula sha valya va kyeeri kya Vaamedi.
5Fyaaru fya veekapana,
na soori tawo tifwani samu mmbo tishemamitwa
sha ngwi tayaata muro.
6Mashika kweru mwana ammbonika,
ammbonika mwana wa vomi,
na umangyi mmbo llukee meeveny akwe
na irina lyakwe ashevaangwa,
“Mangyi wa marikiso Iruva Atiri Finya!
Nnde wa llung'anu! Mangyi ya Urilalyi!”
7Kya umangyi na ushilyi lwakwe ni fya llung'anu
filatiri umando,
mmbwe asheshillya ando a mangyi Davidi
mmbwe asheuvambisaa na iusaleesa fika llung'anu.
Efyo mmbo fitanwaa ni Nndumi Iruva wa matorito.
Ngapo ya Vaisraeli
8Nndumi anruma irero lya wiikyimbi kwa Yakobo, nalyo mmbo lyishewoyaa umangyi lwa mmba ya Israeli. 9Vandu woose llyo vamanyaa ufyari loose lwa Efraim na valya vakee Samaria koose kya umbafu elo lwawo na ikurosa vaambe: 10“Masimamba a matofali ammbunduka, indi yese mmbo lusaaleesa kwa mawe akee mapashe! Mmba ta myaamba ya mikuu tammbwa indi ando kwa-va-yo mmbo lushesaleesa kwa mbau ta mieresi.” 11Akyo Nndumi Iruva ammbaattya mwaandu na vakiduva vakeengereka. 12Vaashuru va taari ya ngama na Vafilisti va taari ya nkwaany vamiipoiyo fisha kya Israeli. Naakwa nnyendo, nyashi ya Nndumi Iruva mmbo ikeengera isaama na ngapo tikeengereka. 13Lla neefo vandu varikkywa ngapo, mmbakeekurya nta ikunda yaalukya Nndumi Iruva wa matorito-fo.
14Nndumi Iruva mmbo asherummbwa-fo nrrwe na nkya, maramba a maangashi na makongye kwa nkonu umwi-nsi. 15Vasongoru na vandu vasuri mmbo nrrwe na vakisuku yewo veelosha wongo mmbo nkya! 16Veetetera vandu yeva, mmbo vakeevalemba, neewo veeteterwa vakeereka shia. 17Kweekyo Nndumi Iruva nnyatiri isarya lya vakoo-fo nta ilyillya ngwera na vaka va ding'u-fo, mashika woose mmbo vakee kilasha na Iruva; woose mmbo vakeeyaamba wongo. Naakwa nnyendo nyashi ya Nndumi Iruva mmbo ikeengera isaama na ngapo tikeengereka.
18Ukasha mmbo lukeyaaka sha muro ukeekora misuusuu na miinga, ukasha sha muro ukeekora nsito na ituuru lyavayo lyikeesaama uwe nginii-u. 19Kyimaruma kya nyashi ya Nndumi Iruva wa matorito, uruka mmbo lukeeyaaka muro na vandu mmbo ngwi ta muro yeto, kuleefo nndu akeelyillya mwanamaaye. 20Wo nndu akeetefura kunu na kunu, nta nkyikeemaa-fo vakalya na taari eyo ya kavii lyo mmbakeewuura-fo, wo nndu kalya nndu ungyi. 21Manase na vandu vakwe vakasakya na vandu va Efraim, Efraim na vandu vakwe, vakasakya na vandu va Manase. Vandu va Manase vkasanga amwi na vandu va Efraim vakakapa Yuda. Nta ekyo nkyilemaa ifweerisa nyashi ya Nndumi Iruva-fo. Mmbo vakeengerwa ikapwa. Nyashi ya Nndumi Iruva mmbo ikeengera isaama na ngapo tikeengereka.
Currently Selected:
ISAYA 9: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
ISAYA 9
9
Mangyi ashewonikaa
1Indi uruka elo mmbo lwenkaa ukyiveny na mavavywa ando a kyeeri kyaasha; lyo nlushekaa indo fyeeri fyoose-fo. Kyeeri kya Sabulon na kyeeri kya Naftali uruka elo mmbo lweeke lwiipale, indi numa kashewoora itumbe lyakwe taari ya ngama kwakulya ya Yordan naakwa ni kulya Galilaya urukeny lwa vandu va masanga moose.
2Vandu valya veeke yeenda yefo ireeminy lying'ani,
vallollya sa ing'ani;
valya veeke yefo urukeny lwa ireema lya makimima
vamikywa ni sa.
3Vandu vawo vammengereka,
na ifura lyawo lyikaengereka;
vakafura mbee ya usangu lwafo,
sha kyeeri kya maulullyony a fimu,
sha ifura lya vandu vashaava mifungwa.
4Mashika kwanvaporomwa yooka ilya yeevarovye
na ngova tilya veekekapwa nato meeveny awo.
Valya veekevawonnya kwavatuula sha valya va kyeeri kya Vaamedi.
5Fyaaru fya veekapana,
na soori tawo tifwani samu mmbo tishemamitwa
sha ngwi tayaata muro.
6Mashika kweru mwana ammbonika,
ammbonika mwana wa vomi,
na umangyi mmbo llukee meeveny akwe
na irina lyakwe ashevaangwa,
“Mangyi wa marikiso Iruva Atiri Finya!
Nnde wa llung'anu! Mangyi ya Urilalyi!”
7Kya umangyi na ushilyi lwakwe ni fya llung'anu
filatiri umando,
mmbwe asheshillya ando a mangyi Davidi
mmbwe asheuvambisaa na iusaleesa fika llung'anu.
Efyo mmbo fitanwaa ni Nndumi Iruva wa matorito.
Ngapo ya Vaisraeli
8Nndumi anruma irero lya wiikyimbi kwa Yakobo, nalyo mmbo lyishewoyaa umangyi lwa mmba ya Israeli. 9Vandu woose llyo vamanyaa ufyari loose lwa Efraim na valya vakee Samaria koose kya umbafu elo lwawo na ikurosa vaambe: 10“Masimamba a matofali ammbunduka, indi yese mmbo lusaaleesa kwa mawe akee mapashe! Mmba ta myaamba ya mikuu tammbwa indi ando kwa-va-yo mmbo lushesaleesa kwa mbau ta mieresi.” 11Akyo Nndumi Iruva ammbaattya mwaandu na vakiduva vakeengereka. 12Vaashuru va taari ya ngama na Vafilisti va taari ya nkwaany vamiipoiyo fisha kya Israeli. Naakwa nnyendo, nyashi ya Nndumi Iruva mmbo ikeengera isaama na ngapo tikeengereka. 13Lla neefo vandu varikkywa ngapo, mmbakeekurya nta ikunda yaalukya Nndumi Iruva wa matorito-fo.
14Nndumi Iruva mmbo asherummbwa-fo nrrwe na nkya, maramba a maangashi na makongye kwa nkonu umwi-nsi. 15Vasongoru na vandu vasuri mmbo nrrwe na vakisuku yewo veelosha wongo mmbo nkya! 16Veetetera vandu yeva, mmbo vakeevalemba, neewo veeteterwa vakeereka shia. 17Kweekyo Nndumi Iruva nnyatiri isarya lya vakoo-fo nta ilyillya ngwera na vaka va ding'u-fo, mashika woose mmbo vakee kilasha na Iruva; woose mmbo vakeeyaamba wongo. Naakwa nnyendo nyashi ya Nndumi Iruva mmbo ikeengera isaama na ngapo tikeengereka.
18Ukasha mmbo lukeyaaka sha muro ukeekora misuusuu na miinga, ukasha sha muro ukeekora nsito na ituuru lyavayo lyikeesaama uwe nginii-u. 19Kyimaruma kya nyashi ya Nndumi Iruva wa matorito, uruka mmbo lukeeyaaka muro na vandu mmbo ngwi ta muro yeto, kuleefo nndu akeelyillya mwanamaaye. 20Wo nndu akeetefura kunu na kunu, nta nkyikeemaa-fo vakalya na taari eyo ya kavii lyo mmbakeewuura-fo, wo nndu kalya nndu ungyi. 21Manase na vandu vakwe vakasakya na vandu va Efraim, Efraim na vandu vakwe, vakasakya na vandu va Manase. Vandu va Manase vkasanga amwi na vandu va Efraim vakakapa Yuda. Nta ekyo nkyilemaa ifweerisa nyashi ya Nndumi Iruva-fo. Mmbo vakeengerwa ikapwa. Nyashi ya Nndumi Iruva mmbo ikeengera isaama na ngapo tikeengereka.
The Holy Bible in Kimashami © Bible Society of Tanzania, 2016.