ISAYA 8
8
Mwana wa Isaya ava Kiringisyo kya vandu
1Nndumi Iruva kashivia, “saleesa ipoo iniini; kureiye-u indi: Angusya uviny tira kwashillya. 2Kureiye vandu vavii va tokyi, nkohani Uria na Sakaria mwana wa Yeberekia nave nkureekyi wakwa.”
3Numa kyaangu nka wakwa kakufinga; kyeeri mwana yeto ewonika, Nndumi Iruva kashivia shimmbaange, “Angusya uviny tira kwashillya! 4Kulaore mwana ang'ana amanya ivaanga, ‘Ndeye’ ao ‘Maaye’ masaa na umasi loose lwa Damesko na mifungwa venkamara yefo Samaria mmbo tishekamarwa kwa mangyi ya Ashuru.”
Mangyi ya Ashuru ikeesha
5Mangyi karera neeny lyingyi, 6kashivia, “Kimmba vandu yeva vanlema mura yeto nsha wa Shilo usheeka kisha, vakafura kya mangyi Resini na mangyi Peka mwana wa Remalia, 7naasany yeny Nndumi mmbo shisheende nsongoru wa Ashuru na finya takwe shoose, sha iwala lya mura wa Efrate usheiwala-wala uwe koose kwa vandu va uruka lwa Yuda. 8Mmbo ashaa eerye finya ing'ani, ashekwaana urukeny lwa Yuda koose wiishwe fika meeveny na kundo koose kulyikywa sumbai.” 9Ereyeny mukulunge amwi, yeni masanga! Arannyiny yeni munyanyakye yefo urukeny koose, kudeesyeny ikapa fira. Yee kudeesyeny yeni marosho. 10Kudeesny nnu, iindi lyo mmushiidimaa ivinga-fo. Rereny ngata mushiidimaa lyo mmushiidimaa-fo mashika Nndumi mmbo akee kyaalu kyeru.
Nndumi Iruva ekyimba vakisuku
11Mashika Nndumi Iruva mmbo alerera neeny kashiikyimba, kashivia shilakani shieny ta vandu yewo. 12Kulashekulunga na meengye ya vandu yewo-fo, kulasheyeereya findo yefyo fivaeresye-fo. 13Arannya yeny mmbwe Nndumi Iruva muni finya, nshikee mweele, yeny mmbwe kusheereyaa. 14Yeny mmbwe kirishony kyany mmbo shivakye iwe lya ituula vandu, mmbo shivakye nreiyo ushiidimaa itira vandu va uruka lwa Yuda na Israeli na vandu va Yerusalemu. 15Iwe yelyi mmbo lyituula veengyi neevafisha-fisha neetirwa ni nreiyo yeto.
Ishingo lya irera na vafu
16Inndyeny na ilosha irero lyakwa, yeni va kiloshony vakwa. 17Nndumi Iruva wa Israeli ankusuruma, indi yeny mmbo shimmbereyaa mashika mmbwe shimmbikye nsia. 18Yeny na vana Nndumi Iruva ashiiniinngye kunu Israeli ni kiringisyo kyiing'ani kyuuka kwa Nndumi Iruva wa matorito ooka ifumbuu lya Sioni. 19Kyeeri vashekuvyaa, “enda kwa vasavi na veelafya kwandevesa-fo mbony tawo, nkyeeshyia mmwasi vandu indevesa mbony tawo kwa Iruva waawo?”
20Ni kya dede kya miloshye yei kulayaarannyi-fo, mashika nnyitiri shia-fo mmbo ikeekureta.
Kyeeri kya maariso
21Elyi vasherwa-rwa efo urukeny, mmbo vashetirwaa nshaa na yaaraa nnu, na kyeeri vasherovywaa mmwasi mmbo vashefuuya mangyi yaawo na Iruva waawo veipoiyo miso awo na uwe veedengaa. 22Navo mmbo vashefiikya n-dudu ilola sumbai veesokywa mfyoova mmbo vasheumbutwaa na yeerwa ireeminy iroo lya makyimima.
Currently Selected:
ISAYA 8: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
ISAYA 8
8
Mwana wa Isaya ava Kiringisyo kya vandu
1Nndumi Iruva kashivia, “saleesa ipoo iniini; kureiye-u indi: Angusya uviny tira kwashillya. 2Kureiye vandu vavii va tokyi, nkohani Uria na Sakaria mwana wa Yeberekia nave nkureekyi wakwa.”
3Numa kyaangu nka wakwa kakufinga; kyeeri mwana yeto ewonika, Nndumi Iruva kashivia shimmbaange, “Angusya uviny tira kwashillya! 4Kulaore mwana ang'ana amanya ivaanga, ‘Ndeye’ ao ‘Maaye’ masaa na umasi loose lwa Damesko na mifungwa venkamara yefo Samaria mmbo tishekamarwa kwa mangyi ya Ashuru.”
Mangyi ya Ashuru ikeesha
5Mangyi karera neeny lyingyi, 6kashivia, “Kimmba vandu yeva vanlema mura yeto nsha wa Shilo usheeka kisha, vakafura kya mangyi Resini na mangyi Peka mwana wa Remalia, 7naasany yeny Nndumi mmbo shisheende nsongoru wa Ashuru na finya takwe shoose, sha iwala lya mura wa Efrate usheiwala-wala uwe koose kwa vandu va uruka lwa Yuda. 8Mmbo ashaa eerye finya ing'ani, ashekwaana urukeny lwa Yuda koose wiishwe fika meeveny na kundo koose kulyikywa sumbai.” 9Ereyeny mukulunge amwi, yeni masanga! Arannyiny yeni munyanyakye yefo urukeny koose, kudeesyeny ikapa fira. Yee kudeesyeny yeni marosho. 10Kudeesny nnu, iindi lyo mmushiidimaa ivinga-fo. Rereny ngata mushiidimaa lyo mmushiidimaa-fo mashika Nndumi mmbo akee kyaalu kyeru.
Nndumi Iruva ekyimba vakisuku
11Mashika Nndumi Iruva mmbo alerera neeny kashiikyimba, kashivia shilakani shieny ta vandu yewo. 12Kulashekulunga na meengye ya vandu yewo-fo, kulasheyeereya findo yefyo fivaeresye-fo. 13Arannya yeny mmbwe Nndumi Iruva muni finya, nshikee mweele, yeny mmbwe kusheereyaa. 14Yeny mmbwe kirishony kyany mmbo shivakye iwe lya ituula vandu, mmbo shivakye nreiyo ushiidimaa itira vandu va uruka lwa Yuda na Israeli na vandu va Yerusalemu. 15Iwe yelyi mmbo lyituula veengyi neevafisha-fisha neetirwa ni nreiyo yeto.
Ishingo lya irera na vafu
16Inndyeny na ilosha irero lyakwa, yeni va kiloshony vakwa. 17Nndumi Iruva wa Israeli ankusuruma, indi yeny mmbo shimmbereyaa mashika mmbwe shimmbikye nsia. 18Yeny na vana Nndumi Iruva ashiiniinngye kunu Israeli ni kiringisyo kyiing'ani kyuuka kwa Nndumi Iruva wa matorito ooka ifumbuu lya Sioni. 19Kyeeri vashekuvyaa, “enda kwa vasavi na veelafya kwandevesa-fo mbony tawo, nkyeeshyia mmwasi vandu indevesa mbony tawo kwa Iruva waawo?”
20Ni kya dede kya miloshye yei kulayaarannyi-fo, mashika nnyitiri shia-fo mmbo ikeekureta.
Kyeeri kya maariso
21Elyi vasherwa-rwa efo urukeny, mmbo vashetirwaa nshaa na yaaraa nnu, na kyeeri vasherovywaa mmwasi mmbo vashefuuya mangyi yaawo na Iruva waawo veipoiyo miso awo na uwe veedengaa. 22Navo mmbo vashefiikya n-dudu ilola sumbai veesokywa mfyoova mmbo vasheumbutwaa na yeerwa ireeminy iroo lya makyimima.
The Holy Bible in Kimashami © Bible Society of Tanzania, 2016.