ISAYA 52
52
Iruva asheawaa Yerusalemu
1Kwipoo, kwipoo, raafinya tafo, Yee Sioni kwaambike soori tafo shisha, Ewe Yerusalemu, muri mweele; mashika uka ulaalu nkushangaa nnang'ani yafo nndu nalakee nrini nta nlyamari-fo. 2Kwaangate kiluulyi; kukwipoo, kukee rembo Yee Yerusalemu. Uta findo efyo fikee fifingye singony yafo. Yee mwana wa kyeny Sioni kukeenfinge.
3Mashika Nndumi Iruva aamba indi, “Mmbo mulekumbwa ushingeny ruu purany; neeni mukakirwa kulaifo uuru. 4Mashika Iruva, we Nndumi Iruva aamba indi vandu vakwa yoo mapookyony valeoloka Misri, naambo vakee-fo sha veny, na Mwashuri kavaisisya kuleefo kimaruma. 5Naasany ulaalu nki nkutana yaa, ni indo Nndumi Iruva aamba, kwakooya vandu vakwa vepowa kya ruu? Yewo wakevashilya wakekapa kyorongye, ni indo Nndumi Iruva aamba, na irina lyakwa lyikeyararwa nkonu piti. 6Kwa yekyo vandu wakwa vashemanyaa irina lyakwa; kwa yekyo vashemanyaa nkonu yeto sheelyi yeny, nshikerera; mmbwe yeny.”
7Shaasa akee mesha marende yoo akeira mafumbuny akeyeende nrumi ya nsia,
Yeto akeyeende urilalyi,
akeyeende mbony shisha,
yeto akeyaamba mbony ta ukiro.
Akeevia Sioni, “Iruva wafo mmbo ashillye!”
8Unyanga lwa varingyi vafo,
wakeimba ando amwi na unyanga uniini;
mashika valollyaa iriso kwi iriso,
shaasa Nndumi Iruva akeesha Sioni.
9Kapeny mindoro ya ifura, imbeny ando amwi,
Yeni va Yerusalemu!
Ando kwekee ukiva,
kimmba Nndumi Iruva ammbiirya
vandu vakwe muu, kakira Yerusalemu.
10Nndumi Iruva, aora paa woko lwakwe weele misony a vandu va masanga moose; na taari toose ulana tilollyaa ukiro lwa Iruva weeru. 11Endeny kyany, endeny kyany, ukeny efo, mulapaani kindo kiravi, ukeny nnang'ani ya vayo; veny vandu vesha yeni murye fisha fya Nndumi Iruva. 12Mashika mmusomukaa mwirishaa-fo, mashika Nndumi Iruva mmbo amusongoyaa naambo namwuringe taari toose.
Nndundi alyilyiswaa
13Lola nndundi wakwa ashevesyoo, asharafumwaa, aroswaa ashekaa uwe-deny. 14Shaasa vandu valeting'wa (kisangu kyakwe kilelyamarwa nnu ngota vandu woose) ni indo amatwa vandu va masanga meengyi, na vamangyi valemwa irera, mashika valollyaa findo kulaore valemmivyo na mbony kulaore valentiita vatimanyi.
15Ni indi a-mattwa masanga meengyi;
vamangyi mmbarayaa kana kyimaruma kyakwe;
mashika kilya kulare vammivywa mmbo valollya
na miso na kilya kulare valemmiita mmbo vakimanyaa na nshushwa.
Currently Selected:
ISAYA 52: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.