ISAYA 35
35
Shia ya Weele
1Ngorosho na kasa koomu fifure, fisenywa na imya mooro. 2Ishemya fivaro fyiingyi, fiifuraa na iimba na usha, Iruva mmbo ashooraa utore lwa fidooro fya Lebanoni, usha lwa Karmeli na Sharon. Vandu vashelollya usuri lwa Nndumi Iruva weeru. 3Viiryeny finya maako mafwafwa, na isaleesa marende mafiri; 4Vieny yewo vaereiye nta mulairyeefo, kaaryeny. Lola Nndumi Iruva waany ashaa nataiye kiduva nashemwauwa. 5Lyo vafu miso vashelollyaa na vafu maarwi vasheityaa. 6Fitongororo vasheshongaa-shongaa sha ngashe, na nndu mbimbi asheimbaa. Mmbo ngyusoka tisherukaa efo kasa, mira isheekaa koose efo kasa koomu. 7Nsanga muumu usheva irrwa lya mura na uruka luumu lwiishwe ngyusoka, ando alya elele maparwe kushemyaa mare na marere. 8Na yoo kushevaa-u shia shilangari, nayo ishevangwaa ni shia sheele, vatefusu mbaisheraafo-fo. Ni shia ya iira yewo veelye, yewo vakee kyaaro, nakwa vava mmatondo, mmbasherekaa shieny yeyo-fo. 9Yoo nkushelollyoofo miiso nta ifisi lyinyaasi llyishiraa ando yoo-fo. Ni valya veele vashelollyoo efo shieny yeyo. 10Na valya valeauwo ni Nndumi Iruva vawuyaa, vafike Sioni veshiimbaa na ifura lya llung'anu lyishekaa kwawo, vasheishwa seko na ifura ting'wa na ndwari fisherishaa.
Currently Selected:
ISAYA 35: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
