ISAYA 34
34
Nndumi Iruva ashekapaa vakiduva vakwe
1Oshony, eni vandu va masanga mukooye iitya,
aranyiny eni ngyufyari ta vandu,
ulana lwiitye na fyoose fiifo na fyuukyefo.
2Mashika Nndumi Iruva atiri unyafi kya vandu va masanga woose,
na unyafi uniini kya nsemu wawo moose,
ammbamamita deny,
kavauta vakandeshishwa.
3Vandu vawo valewaawa mbasherwaa efo na efo,
kyuuna kya minying'a yaawo kisaama na uwe na mafumbuu
asheserembukaa kyeendo ni samu yaawo.
4Na nsemu moose va iruveeu ushenyanyatwaa
na ngina tishekushwa na findo fyoose fishewaa
sheelyi ire lya nsabibu na ntini lyinaa na iwa.
5Mashika usu lwa Nndumi Iruva lwanna na iishwa iruveeu;
lola lusholokyaa Edomu;
na uwe ya vandu shilevadenga naambo shivautye uvingo.
6Usu lwa Nndumi Iruva lwammbura samu
ya mburu na ya ngurana ta moonri,
na mafura a syo ta ngurana ta suva,
mashika Nndumi Iruva atiri kiraso efo Basra,
ni ishishwa kyuumu efo urukeny lwa Edomu.
7Ng'umbe tishesangaa na shau ta ngoroshony,
na uruka lwao lushenangwa ni samu
na kiluulyi kisheeremutwa ni mafura
8Mashika ni nkonu wa Nndumi Iruva wa itaiya kiduva,
ni mwaaka wa iniingwa weesi kya iwaanya Sioni.
9Mira ya vayo ishealuwaa laami,
na kyiluulyi kive kibiriti,
na uteri lushevaa laami ishakaa muro.
10Mmbusherumatwaa nsanyiny nta kio-fo
nsu wa vayo usheroo na uwe llung'anu.
Kive ukiva nta kuleefo nndu asheiraa nnang'ani ya vayo llung'anu.
11Uviri na sasa, vashekaafo
mafururu na makukuru vashekaafo,
nawe asheoraa wende lwa ukiva na ngwera.
12Vashevangaa vamangyi vawo lyo mmbashelollyoo-fo.
Vasongoru woose vashevaa nshi kindo-fo.
13Miinga na rafi tishemyaa efo kyeny kwawo,
kusheva ni kundo nyaa na maparwe ashekaa.
14Na mafisi a ngoroshony vashekwaananya na maparwe, varumu na mafisi engyi,
ashekukayaa-fo na ifura.
15Na ifururu lyishekaa kyifuriny,
lyivikye na ilaaya na ipara fivana na ifisanyirya maaruny,
makukuru ashekwaanannya-fo.
16Ruuyeny efo mareiyony a Nndumi Iruva mundelola fyoose atannyi na mulole mmbo aambaye-kyi,
nkwiifo umwi wa ewo ashewikaafo-fo,
nta umwi ashekaafo muni-fo.
Kimmba ni Nndumi Iruva arera
na mumuyo wakwe ukavasanyirya.
17Ambasauwa kavaavya na woko lwakwe,
vasheshillya llung'anu,
vakeefo marika moose llung'anu.
Currently Selected:
ISAYA 34: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
