ISAYA 15
15
Iruva alyamara Moabu
1Yei nnyo nrumi yesheya Moabu:
Muri wa Ari urukeny lwa Moabu mmbo ulelyamarwa kio ekyi amwi na muri wa Kiri. Moabu ni kiiyo na ifiira. 2Vandu va Diboni mmbo vammalukya mmbeeu wa mmba ya iterevya indekapa kyiiyo; vandu va Moabu mmbo vakeiya kimaruma kya Nebo na Medaba vakoota fii tawo na nguyo shoose veekapa kiiyo. 3Vandu mmbakeeyiira shia veere ngosha ta makunnya, vengyi vakee uwe ya mmba na mbateny ta muri vefiiraa neekapa kiiyo. 4Vandu va Heshboni na Eleale mmbo vakeefiira kutani unyanga lwafika kwa vandu va Yahasi. Naakwa ni vasikari va Moabu mmbo vakeefiira nnu na isiiywa ni finya.
5Nrima wakwa mmbo wansokywa mfyoova kya muri wa Moabu. Veerishiswa vanrishya muriny wa Soar na Eklat-shelishiya. Vengyi vakalatya shia ya Luhiti veefiira valelatya shia isheenda Horonaimu veekapa kiiyo kya urumato. 6Usoka lwa Nimrimu lwammumya, mare moomu na mavisi moose akooma kulakaa kummye-u kindo. 7Vandu mmbo vakeekillya usoka lwa Mierebi veerye milaa yaawo myoose eyo vemmiiluula na kindo veevikye kiraambu kyawo. 8Kiiyo kyikakwaana urukeny koose Moabu, fiiyo fyawo fikakwaana Eklaimu na Beer-elimu. 9Mura wa Diboni wammiishwa samu nta nkyilleva kyindo-fo. Iruva mmbo akeengera kiiyo Diboni. Ewo vasaaye-fo na muu mmbo akeevarikya miiso tishevakomba kombi.
Currently Selected:
ISAYA 15: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
