YUUKA 7
7
1Nndumi Iruva kavia Mose, “Lola mmbo shakuvika kuve sha Iruva kwa Farao, na mwanamau Aron nave nkisuku wafo. 2Mmbo kureraa fyoose nshekuvavasyaa, na mwanamau Aron mmbo areraa na Farao, naambo naniinge vana va Israeli mumu vauke urukeny lwakwe. 3Neeny mmbo nsheumisaa nrima wa Farao, neeny mmbo nshefumbutaa ngyende takwa teeresye urukeny lwa Misri. 4Kyeendi Farao nta nnyashemwarannyaa-fo, neeny mmbo nsheorrwaa woko lwakwa uwe ya Misri kyeendwa ni uvingo uniini. 5Na Vamisri vashemanyaa yeny mmbwe Nndumi Iruva, kyeeri ekyo nsheorrwaa woko lwakwa shikape Misri na yuuta-fo vana va Israeli vauke nnang'ani yaawo.” 6Mose na Aron vakatana indo, shaasa Nndumi Iruva alevavia, niindo valevetana? 7Kyeeri vekeerera na Farao, Mose mmbo etiri myaaka makumi nyanya, na Aron etiri myaaka makumi nyaya na iraru.
Mbiiri ya Aron
8Nndumi Iruva karera na Mose na Aron kavavia, 9“Kyeeri Farao ashereraa neeni, namuvie, nkyeoreny wende; llyo kushevia Aron, tira mbiiri yafo kwituule-si mbee ya Farao, naambo yaaluke shoka.” 10Naasa Mose na Aron vakaanga kwa Farao, vakatana indo shaasa Nndumi Iruva alevavasya, “Aron katuula mbiiri ilya yakwe yoo si, varundi vakwe velollye, ikaaluka shoka.” 11Farao nawe kavaanga vandu varango na vasavi; na vaanga yewo va Misri vakatana indo da kya waanga lwawo. 12Vakatuula mbiiri tawo si wo umwi, nato tikava shoka, kyeendi mbiiri ilya ya Aron ikatimira. 13Nrima wa Farao ukava muumu nta nalavaarannyi, kyikava indo shaasa Nndumi Iruva emmbavia.
Ngapo Tawoya Misri
14Nndumi Iruva kavia Mose, “Nrima wa Farao mmbo ukee nroo, mmbo akeelema iniinga vandu mumu veende. 15Enngya Farao ngama, kushenkooyaa esheendaa mureny, neewe mmbo kushesala-laa yoo waambe-u lwa mura naambo kukwaanannyi nawe, na mbiiri ilya ilealuka shoka kweende nayo wokony. 16Neewe mmbo kushemmbia, ‘Nndumi Iruva, Iruva wa Vaebrania mmbo ashiruma kwafo,’ shikuvie, ‘Lekeya vandu vakwa, naambo vandeshirunndya efo kasa, neewe llate nta nkwalesharannya fika ulaalu-fo.’” 17Nndumi Iruva kaamba, kimaruma kya mbony yei kusheshimanyaa yeny ni Nndumi Iruva; neeni loleny, mmbo nshekapaa mura wa Naili na mbiiri yei shiitiri wokony lwakwa, nato mura ushealukaa samu. 18Na makunga yoo akee mureny mmbo ashefwaa, na mura yeto usheraa, na Vamisri mmbo vashelemwaa ina mura wa vayo. 19Nndumi Iruva kavia Mose, “Via Aron, Tira mbiiri yafo, koorrwe woko lwafo uwe ya mura wa Misri, na mifongo na ngyusoka na maruva na firori fyoose fya mura, naambo mira yaaluke samu, neefo Misri koose mmbo kushealukaa samu, neefo fiiyeny fyoose fya miri na fya mawe.” 20Mose na Aron vakatana indo, shaasa Nndumi Iruva alevavia, nawe kaipoo mbiiri yakwe kakapa mura wa efo mireny, Farao eelollye, na vandu vakwe veelollye, na mura moose efo mureny ukava samu; 21Makunga yoo ekee efo mureny nang'u akafwa, na mura ukaraa, Vamisri vakalemwa ina mura; na samu yeyo mmbo ilekwaana Misri koose. 22Naasa llyo na vasavi va Misri vakaesa itana shawo kwa waanga lwawo nato nrima wa Farao ukeengera iva muumu nalavaarannyi, kyikava indo shaasa Nndumi Iruva aleamba. 23Farao kaanga efo mmba kwakwe, lyo nta kilamwaange nriminy. 24Vamisri woose vakasuma-suma efo mbaambaa ya mura wa Naili naambo vawonise mura weena, mashika mmbaleidima ina mura wa Naili-fo. 25Kukasia mikonu mfungare, uka Nndumi Iruva ankapa mura ulya wa Naili.
Currently Selected:
YUUKA 7: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
YUUKA 7
7
1Nndumi Iruva kavia Mose, “Lola mmbo shakuvika kuve sha Iruva kwa Farao, na mwanamau Aron nave nkisuku wafo. 2Mmbo kureraa fyoose nshekuvavasyaa, na mwanamau Aron mmbo areraa na Farao, naambo naniinge vana va Israeli mumu vauke urukeny lwakwe. 3Neeny mmbo nsheumisaa nrima wa Farao, neeny mmbo nshefumbutaa ngyende takwa teeresye urukeny lwa Misri. 4Kyeendi Farao nta nnyashemwarannyaa-fo, neeny mmbo nsheorrwaa woko lwakwa uwe ya Misri kyeendwa ni uvingo uniini. 5Na Vamisri vashemanyaa yeny mmbwe Nndumi Iruva, kyeeri ekyo nsheorrwaa woko lwakwa shikape Misri na yuuta-fo vana va Israeli vauke nnang'ani yaawo.” 6Mose na Aron vakatana indo, shaasa Nndumi Iruva alevavia, niindo valevetana? 7Kyeeri vekeerera na Farao, Mose mmbo etiri myaaka makumi nyanya, na Aron etiri myaaka makumi nyaya na iraru.
Mbiiri ya Aron
8Nndumi Iruva karera na Mose na Aron kavavia, 9“Kyeeri Farao ashereraa neeni, namuvie, nkyeoreny wende; llyo kushevia Aron, tira mbiiri yafo kwituule-si mbee ya Farao, naambo yaaluke shoka.” 10Naasa Mose na Aron vakaanga kwa Farao, vakatana indo shaasa Nndumi Iruva alevavasya, “Aron katuula mbiiri ilya yakwe yoo si, varundi vakwe velollye, ikaaluka shoka.” 11Farao nawe kavaanga vandu varango na vasavi; na vaanga yewo va Misri vakatana indo da kya waanga lwawo. 12Vakatuula mbiiri tawo si wo umwi, nato tikava shoka, kyeendi mbiiri ilya ya Aron ikatimira. 13Nrima wa Farao ukava muumu nta nalavaarannyi, kyikava indo shaasa Nndumi Iruva emmbavia.
Ngapo Tawoya Misri
14Nndumi Iruva kavia Mose, “Nrima wa Farao mmbo ukee nroo, mmbo akeelema iniinga vandu mumu veende. 15Enngya Farao ngama, kushenkooyaa esheendaa mureny, neewe mmbo kushesala-laa yoo waambe-u lwa mura naambo kukwaanannyi nawe, na mbiiri ilya ilealuka shoka kweende nayo wokony. 16Neewe mmbo kushemmbia, ‘Nndumi Iruva, Iruva wa Vaebrania mmbo ashiruma kwafo,’ shikuvie, ‘Lekeya vandu vakwa, naambo vandeshirunndya efo kasa, neewe llate nta nkwalesharannya fika ulaalu-fo.’” 17Nndumi Iruva kaamba, kimaruma kya mbony yei kusheshimanyaa yeny ni Nndumi Iruva; neeni loleny, mmbo nshekapaa mura wa Naili na mbiiri yei shiitiri wokony lwakwa, nato mura ushealukaa samu. 18Na makunga yoo akee mureny mmbo ashefwaa, na mura yeto usheraa, na Vamisri mmbo vashelemwaa ina mura wa vayo. 19Nndumi Iruva kavia Mose, “Via Aron, Tira mbiiri yafo, koorrwe woko lwafo uwe ya mura wa Misri, na mifongo na ngyusoka na maruva na firori fyoose fya mura, naambo mira yaaluke samu, neefo Misri koose mmbo kushealukaa samu, neefo fiiyeny fyoose fya miri na fya mawe.” 20Mose na Aron vakatana indo, shaasa Nndumi Iruva alevavia, nawe kaipoo mbiiri yakwe kakapa mura wa efo mireny, Farao eelollye, na vandu vakwe veelollye, na mura moose efo mureny ukava samu; 21Makunga yoo ekee efo mureny nang'u akafwa, na mura ukaraa, Vamisri vakalemwa ina mura; na samu yeyo mmbo ilekwaana Misri koose. 22Naasa llyo na vasavi va Misri vakaesa itana shawo kwa waanga lwawo nato nrima wa Farao ukeengera iva muumu nalavaarannyi, kyikava indo shaasa Nndumi Iruva aleamba. 23Farao kaanga efo mmba kwakwe, lyo nta kilamwaange nriminy. 24Vamisri woose vakasuma-suma efo mbaambaa ya mura wa Naili naambo vawonise mura weena, mashika mmbaleidima ina mura wa Naili-fo. 25Kukasia mikonu mfungare, uka Nndumi Iruva ankapa mura ulya wa Naili.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.