YUUKA 6
6
1Nndumi Iruva kavia Mose, “Ra ulaalu kulollyaa kindo nshetannya Farao mashika kyeendwa ni woko lwa finya asheveekeyaa veende, na kyeendwa ni woko elo lwa finya ashemuumbutaa muuke urukeny lwakwe.”
2Kyasia Iruva karera na Mose kammbia, “Yeny ni Nndumi Iruva, 3Neeny mmbo shilekoora na Abrahamu, Isaki na Yakobo, shikee Iruva muni finya shoose, kyeendi wo mmbaleshimanya irina lyakwa ni Nndumi Iruva-fo. 4Neeny mmbo shilevangisa kyaasa kyakwa kwawo, shivaaniinge uruka lwa Kanaani, uruka kundo mulekaa sha veny. 5Na kya mmwasi ya efyo, mmbo shilemmita kiiyo kya vana va Israeli, yewo Vamisri vakeevasisya na mashora, neeny ulaalu shankummbwa kyaasa kyakwa. 6Naasa via vana va Israeli, Yeny ni Nndumi Iruva, Neeny mmbo nshamwauwa muuke efo mariony a Vamisri, shimwaauwe efo ushingeny lwawo, neeny mmbo nshemuwouwaa-fo na woko lukee utarammbwe, vautywa uvingo uniini. 7Neeny mmbo nshemmuta-fo muve vakwa mushirundye, shive Iruva kwany, neeni mmbo mushemanyaa Yeny ni Nndumi Iruva, akee Iruva waany, yeto akeemwaauwa muuke maryony yoo a Vamisri. 8Neeny mmbo nshemufitaa urukeny lulya shileoroya-u woko shiluningye, Abrahamu na Isaki na Yakobo; neeny mmbo nshemuningaa ive ding'u yaany; Yeny mmbwe Nndumi Iruva.” 9Mose kaongoya vana va Israeli marero yoo, kyeendi lyo valaarannyi Mose nyelyi nrima wekeevava nnu, kyeendwa ni mavavywa a ushinga lulya uumu.
10Nndumi Iruva karera na Mose kammbia, 11“Anga, kwanderera na Farao, na Mangyi wa Misri, naambo naniinge vana va Israeli mumu vauke urukeny lwakwe.” 12Mose, karera na Nndumi Iruva kammbia, “Kulollye mbee, ‘Vana yewo va Israeli mbaleshaarannya-fo, a Farao yeto mmbo asheshaarannyaa inda yeny shitiri kitoo?’”
13Nndumi Iruva karera, na Mose na Aron naambo veengye vana va Israeli na Mangyi ya Misri, Farao, naambo noote vana va Israeli efo Misri.
Ngyeeri ya Vana va Mmba ya Mose na Aron Vareiyywa
14Yeva mmbo vandu va mirwe va mmba ta vande ya-awo, vana va Rubeny mwana mmbee wa Israeli, ni Hanoki na Palu, Hesron, na Karmi, yewo ni va mmba ya Ruben. 15Na vana va Simony ni Yemueli na Yamini na Ohadi na Yakini, na Sohari, na Shauli mwana wa nka ulya Nkanaani, yewo ni va mmba ya Simeon. 16Na yaa ng'u marina a vana va Levi, shaasa vawonikkye Gersony ni Kohati, na Merari, na myaaka ya muu wa Levi, ni myaaka iyana makumi araru na mfungare. 17Vana va Gershoni ni Libni na Shimei indo shaasa veewonikkye. 18Na vana va Kohati ni Amramu, na Johari, na Hebron, na Urieli, na myaaka ya muu wa Kohati ni myaaka iyana makumi araru na iraru. 19Na vana va Merari ni Mali na Mushi. Yewo mmbo va mmba ya Valevi, shaasa vewonikkye. 20Amuramu eto koora Yokebedi mwana wa mwanamaye, nawe keerya Mose na Aron, na myaaka ya muu wa Amuramu ni myaaka iyana makumi araru na mfungare. 21Na vana va Ishari ni Kora na Nefegi na Sikri. 22Na vana va Usieli ni Mishaeli, na Elisafani na Shitri. 23Aron kaalyika Elisheba, mfu wa Aminadabu, mfwamaye wa Nashoni, nawe kamwirya Nadabu, na Abihu, na Eliazari, na Ithamari. 24Na vana va Kora; ni Asiri, na Elkana, na Abiasafu, yewo va mmba ya Vakora. 25Eleasari mwana wa Aron koora umwi wa vefu va Valevi shaasa vawonikkye. 26Aron yeu mmbwe eto muni, na Mose ewo Nndumi Iruva alerera nawo kavavia, “Uteny vana va Israeli vauke Misri woose shaasa vafye.” 27Mmbo yewo valerera na mangyi ya Misri we Farao naambo woote vana va Israeli efo Misri; yewo ni Mose, na Aron.
Ivavaso lya Nndumi Iruva kwa Mose na Aron
28Mmbo weeke nkonu yeto Nndumi Iruva erera na Mose kulya Misri. 29Nndumi Iruva kavia Mose, “Yeny ni Nndumi Iruva, via mangyi ya Misri we Farao marero moose nkeekuvia.” 30Mose karera na Nndumi Iruva, “Yeny mmbo shikee nndu shitiri kitoo, Farao mmbo asheshaarannyaa inda?”
Currently Selected:
YUUKA 6: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
YUUKA 6
6
1Nndumi Iruva kavia Mose, “Ra ulaalu kulollyaa kindo nshetannya Farao mashika kyeendwa ni woko lwa finya asheveekeyaa veende, na kyeendwa ni woko elo lwa finya ashemuumbutaa muuke urukeny lwakwe.”
2Kyasia Iruva karera na Mose kammbia, “Yeny ni Nndumi Iruva, 3Neeny mmbo shilekoora na Abrahamu, Isaki na Yakobo, shikee Iruva muni finya shoose, kyeendi wo mmbaleshimanya irina lyakwa ni Nndumi Iruva-fo. 4Neeny mmbo shilevangisa kyaasa kyakwa kwawo, shivaaniinge uruka lwa Kanaani, uruka kundo mulekaa sha veny. 5Na kya mmwasi ya efyo, mmbo shilemmita kiiyo kya vana va Israeli, yewo Vamisri vakeevasisya na mashora, neeny ulaalu shankummbwa kyaasa kyakwa. 6Naasa via vana va Israeli, Yeny ni Nndumi Iruva, Neeny mmbo nshamwauwa muuke efo mariony a Vamisri, shimwaauwe efo ushingeny lwawo, neeny mmbo nshemuwouwaa-fo na woko lukee utarammbwe, vautywa uvingo uniini. 7Neeny mmbo nshemmuta-fo muve vakwa mushirundye, shive Iruva kwany, neeni mmbo mushemanyaa Yeny ni Nndumi Iruva, akee Iruva waany, yeto akeemwaauwa muuke maryony yoo a Vamisri. 8Neeny mmbo nshemufitaa urukeny lulya shileoroya-u woko shiluningye, Abrahamu na Isaki na Yakobo; neeny mmbo nshemuningaa ive ding'u yaany; Yeny mmbwe Nndumi Iruva.” 9Mose kaongoya vana va Israeli marero yoo, kyeendi lyo valaarannyi Mose nyelyi nrima wekeevava nnu, kyeendwa ni mavavywa a ushinga lulya uumu.
10Nndumi Iruva karera na Mose kammbia, 11“Anga, kwanderera na Farao, na Mangyi wa Misri, naambo naniinge vana va Israeli mumu vauke urukeny lwakwe.” 12Mose, karera na Nndumi Iruva kammbia, “Kulollye mbee, ‘Vana yewo va Israeli mbaleshaarannya-fo, a Farao yeto mmbo asheshaarannyaa inda yeny shitiri kitoo?’”
13Nndumi Iruva karera, na Mose na Aron naambo veengye vana va Israeli na Mangyi ya Misri, Farao, naambo noote vana va Israeli efo Misri.
Ngyeeri ya Vana va Mmba ya Mose na Aron Vareiyywa
14Yeva mmbo vandu va mirwe va mmba ta vande ya-awo, vana va Rubeny mwana mmbee wa Israeli, ni Hanoki na Palu, Hesron, na Karmi, yewo ni va mmba ya Ruben. 15Na vana va Simony ni Yemueli na Yamini na Ohadi na Yakini, na Sohari, na Shauli mwana wa nka ulya Nkanaani, yewo ni va mmba ya Simeon. 16Na yaa ng'u marina a vana va Levi, shaasa vawonikkye Gersony ni Kohati, na Merari, na myaaka ya muu wa Levi, ni myaaka iyana makumi araru na mfungare. 17Vana va Gershoni ni Libni na Shimei indo shaasa veewonikkye. 18Na vana va Kohati ni Amramu, na Johari, na Hebron, na Urieli, na myaaka ya muu wa Kohati ni myaaka iyana makumi araru na iraru. 19Na vana va Merari ni Mali na Mushi. Yewo mmbo va mmba ya Valevi, shaasa vewonikkye. 20Amuramu eto koora Yokebedi mwana wa mwanamaye, nawe keerya Mose na Aron, na myaaka ya muu wa Amuramu ni myaaka iyana makumi araru na mfungare. 21Na vana va Ishari ni Kora na Nefegi na Sikri. 22Na vana va Usieli ni Mishaeli, na Elisafani na Shitri. 23Aron kaalyika Elisheba, mfu wa Aminadabu, mfwamaye wa Nashoni, nawe kamwirya Nadabu, na Abihu, na Eliazari, na Ithamari. 24Na vana va Kora; ni Asiri, na Elkana, na Abiasafu, yewo va mmba ya Vakora. 25Eleasari mwana wa Aron koora umwi wa vefu va Valevi shaasa vawonikkye. 26Aron yeu mmbwe eto muni, na Mose ewo Nndumi Iruva alerera nawo kavavia, “Uteny vana va Israeli vauke Misri woose shaasa vafye.” 27Mmbo yewo valerera na mangyi ya Misri we Farao naambo woote vana va Israeli efo Misri; yewo ni Mose, na Aron.
Ivavaso lya Nndumi Iruva kwa Mose na Aron
28Mmbo weeke nkonu yeto Nndumi Iruva erera na Mose kulya Misri. 29Nndumi Iruva kavia Mose, “Yeny ni Nndumi Iruva, via mangyi ya Misri we Farao marero moose nkeekuvia.” 30Mose karera na Nndumi Iruva, “Yeny mmbo shikee nndu shitiri kitoo, Farao mmbo asheshaarannyaa inda?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.