YUUKA 40
40
Yeesa Yeema lya Nndumi na ilyivika Yeele
1Nndumi Iruva karera na Mose kammbia, 2nkonu wa mbee wa mwiiri wa mbee mmbo kushesaleesaa yeema yelyo lyekwanannya. 3Neewe kuvikefo isanduku llya lya ukureeki neewe mmbo kulyiringitya nisha na ipasia. 4Neewe kweende mesa kuyaate-u neeka nisha findo filya yoo uwe kuveende na nri wa taa, kwaate taa ta vayo. 5Neewe kusaleese kitara kilya kya saabu yeevika nrungo wa nsu yoo mbee ya isanduku lya ukureeki neevika isullya yoo mwaangony wa ando yoo eele. 6Numa kuvike kitara kyerasya firaso yoo mbee ya mwango wa ando yoo a yeema lyekwarannya. 7Numa kuvike birika yoo nnang'ani ya yeema yelyo na kitara kyerasya, kuvikefo mura. 8Numa kuringitye kari koose, na inunuta-u utore lwa mwango wa kari. 9Numa kwipoo mafura yoo a yaamba, neerika mafura yoo ando eele, na wo kindo kikee efo mmba, na iivika sheele, na fiiya fya vayo fyoose, nayo ishevaa sheele. 10Numa kushevika mafura yoo kitareny kyerasya, na fiiyaa fya vayo fyoose, na yeeremuta kitara ekyo, na kitara ekyo mmbo kishevaa kyeele nnu. 11Numa kwaambe birika mafura na kirembo kya vayo, na ifivika fyeele. 12Numa kweende Aron na vana vakwe yoo mwangony wa yeema elyo lyekwanannya, neewe kuvasangye na mura. 13Naasa kuvike Aron masara yoo meele, kumwaambe mafura, neemmbika mweele, naambo nashirunndye ishoreny lya ukohani. 14Numa kweende vana vakwe neevavika kansu tawo; 15nawo kuvaambe mafura indo shaasa kwaamba nde yaawo naambo vashirunndye efo ishoreny, lya ukohani; na yaambwa mafura elyo mmbo kushevaa ni ukohani lwa llung'anu efo marikeny awo moose. 16Mose katana efyo fyoose, shaasa Nndumi Iruva alembavavasya niindo alevetana.
17Kwikifika mwiiri wa mbee wa mwaka wa kavii, nkonu wa mbee wa mwiiri yeema elyo lyikasaleeso, 18Mose kasaleesa yeema, kavika firembo fya vayo, kasaleesa maboo a vayo na mbambo ta vayo, kasaleesa ngo ta vayo. 19Kalambara yeema uwe ya ando yoo, kavika kifiniko kya yeema uwe ya vayo shaasa Nndumi Iruva alevavasya Mose. 20Kaiboo maboo alya avii kavika efo isandukuny, keepo firi filya fya yiipoyo isanduku kavika kitima kyesarya yoo uwe ya isanduku; 21Naasa kaiboo isanduku lya numa kalyivika efo Yeeminy, kalyiringitya na ipasia; shaasa Nndumi Iruva alevavasya Mose. 22Kavika mesa yoo yeemeny lyeekwanannya, taari ya yeema yeelollye ndoo, efo poo ya isullya. 23Kavikau mikate ilya yoo uwe mbee ya Nndumi Iruva; shaasa Nndumi Iruva alevavasya Mose. 24Numa kavika nri ulya na taa efo mmba ya yeema lyekwanannya, kufii na mesa taari ya sinde ya ando yoo. 25Numa kaata taa eto mbee ya Nndumi Iruva, shaasa Nndumi Iruva alevavasya Mose. 26Kavika mesa yeyo ya sahabu efo yeemeny lyekwanannya yoo mbee ya isullya. 27Kakora miri ya nrungo nsha, shaasa Nndumi Iruva alevavasya Mose.
28Kavika ipasia lya mwango wa Yeema yeele, 29kavika kitara kyerasya kya firaso fyekora na muro, kavika-u kyekora yoo uwe ya vayo, na kiraso kya nswa; shaasa Nndumi Iruva alevavasa Mose. 30Kavika ipenselyi yoo nnang'ani ya yeema na kitara kyerasya, kavika-fo mura wekusangya. 31Mose na Aron, na vana vakwe vakasangya-fo maako awo na marende awo; 32kyeeri valeanga yeemeny yeele, na llya valefika kufii na kitara ekyo kyerasya, mmbo valekusanngya shaasa Nndumi Iruva alevavasya Mose. 33Kasaleesa isimamba wa kari iringitya ando yoo na kitara kyerasya kaekyerya isullya llya mwango wa kari eko. Naasa Mose kamarisya ishora lyakwe.
Ifishi Uwe ya Yeema Yeele lya Nndumi
(Mee 9:15-23)
34Nalyo ifishi lya lyisikya Yeema lyekwanannya, kukalollywa na yiishurwa-fo itumbe lya Nndumi Iruva. 35Na kimaruma kya vayo Mose nnyeedima yaanga efo Yeeminy-fo. 36Nalyo ifishi lyimuuka-u yoo Yeeminy llyo Vaisraeli vekeyiidima yiipo kyaaro. 37Kyeeri kyoose mmbo vekeereya kutani ifishi lyeepowa-u veedimi yeenda na mbee kyeeri kya nsanyuny na 38Kyeeri kilya kyeraa-raa kulya kasa kyuumu mmbeshiidimaa ilellya itumbe lya Iruva kulya Yeemany kyeeri kya nsanyiny na muro ukeenuka kyeeri kya kio.
Currently Selected:
YUUKA 40: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
YUUKA 40
40
Yeesa Yeema lya Nndumi na ilyivika Yeele
1Nndumi Iruva karera na Mose kammbia, 2nkonu wa mbee wa mwiiri wa mbee mmbo kushesaleesaa yeema yelyo lyekwanannya. 3Neewe kuvikefo isanduku llya lya ukureeki neewe mmbo kulyiringitya nisha na ipasia. 4Neewe kweende mesa kuyaate-u neeka nisha findo filya yoo uwe kuveende na nri wa taa, kwaate taa ta vayo. 5Neewe kusaleese kitara kilya kya saabu yeevika nrungo wa nsu yoo mbee ya isanduku lya ukureeki neevika isullya yoo mwaangony wa ando yoo eele. 6Numa kuvike kitara kyerasya firaso yoo mbee ya mwango wa ando yoo a yeema lyekwarannya. 7Numa kuvike birika yoo nnang'ani ya yeema yelyo na kitara kyerasya, kuvikefo mura. 8Numa kuringitye kari koose, na inunuta-u utore lwa mwango wa kari. 9Numa kwipoo mafura yoo a yaamba, neerika mafura yoo ando eele, na wo kindo kikee efo mmba, na iivika sheele, na fiiya fya vayo fyoose, nayo ishevaa sheele. 10Numa kushevika mafura yoo kitareny kyerasya, na fiiyaa fya vayo fyoose, na yeeremuta kitara ekyo, na kitara ekyo mmbo kishevaa kyeele nnu. 11Numa kwaambe birika mafura na kirembo kya vayo, na ifivika fyeele. 12Numa kweende Aron na vana vakwe yoo mwangony wa yeema elyo lyekwanannya, neewe kuvasangye na mura. 13Naasa kuvike Aron masara yoo meele, kumwaambe mafura, neemmbika mweele, naambo nashirunndye ishoreny lya ukohani. 14Numa kweende vana vakwe neevavika kansu tawo; 15nawo kuvaambe mafura indo shaasa kwaamba nde yaawo naambo vashirunndye efo ishoreny, lya ukohani; na yaambwa mafura elyo mmbo kushevaa ni ukohani lwa llung'anu efo marikeny awo moose. 16Mose katana efyo fyoose, shaasa Nndumi Iruva alembavavasya niindo alevetana.
17Kwikifika mwiiri wa mbee wa mwaka wa kavii, nkonu wa mbee wa mwiiri yeema elyo lyikasaleeso, 18Mose kasaleesa yeema, kavika firembo fya vayo, kasaleesa maboo a vayo na mbambo ta vayo, kasaleesa ngo ta vayo. 19Kalambara yeema uwe ya ando yoo, kavika kifiniko kya yeema uwe ya vayo shaasa Nndumi Iruva alevavasya Mose. 20Kaiboo maboo alya avii kavika efo isandukuny, keepo firi filya fya yiipoyo isanduku kavika kitima kyesarya yoo uwe ya isanduku; 21Naasa kaiboo isanduku lya numa kalyivika efo Yeeminy, kalyiringitya na ipasia; shaasa Nndumi Iruva alevavasya Mose. 22Kavika mesa yoo yeemeny lyeekwanannya, taari ya yeema yeelollye ndoo, efo poo ya isullya. 23Kavikau mikate ilya yoo uwe mbee ya Nndumi Iruva; shaasa Nndumi Iruva alevavasya Mose. 24Numa kavika nri ulya na taa efo mmba ya yeema lyekwanannya, kufii na mesa taari ya sinde ya ando yoo. 25Numa kaata taa eto mbee ya Nndumi Iruva, shaasa Nndumi Iruva alevavasya Mose. 26Kavika mesa yeyo ya sahabu efo yeemeny lyekwanannya yoo mbee ya isullya. 27Kakora miri ya nrungo nsha, shaasa Nndumi Iruva alevavasya Mose.
28Kavika ipasia lya mwango wa Yeema yeele, 29kavika kitara kyerasya kya firaso fyekora na muro, kavika-u kyekora yoo uwe ya vayo, na kiraso kya nswa; shaasa Nndumi Iruva alevavasa Mose. 30Kavika ipenselyi yoo nnang'ani ya yeema na kitara kyerasya, kavika-fo mura wekusangya. 31Mose na Aron, na vana vakwe vakasangya-fo maako awo na marende awo; 32kyeeri valeanga yeemeny yeele, na llya valefika kufii na kitara ekyo kyerasya, mmbo valekusanngya shaasa Nndumi Iruva alevavasya Mose. 33Kasaleesa isimamba wa kari iringitya ando yoo na kitara kyerasya kaekyerya isullya llya mwango wa kari eko. Naasa Mose kamarisya ishora lyakwe.
Ifishi Uwe ya Yeema Yeele lya Nndumi
(Mee 9:15-23)
34Nalyo ifishi lya lyisikya Yeema lyekwanannya, kukalollywa na yiishurwa-fo itumbe lya Nndumi Iruva. 35Na kimaruma kya vayo Mose nnyeedima yaanga efo Yeeminy-fo. 36Nalyo ifishi lyimuuka-u yoo Yeeminy llyo Vaisraeli vekeyiidima yiipo kyaaro. 37Kyeeri kyoose mmbo vekeereya kutani ifishi lyeepowa-u veedimi yeenda na mbee kyeeri kya nsanyuny na 38Kyeeri kilya kyeraa-raa kulya kasa kyuumu mmbeshiidimaa ilellya itumbe lya Iruva kulya Yeemany kyeeri kya nsanyiny na muro ukeenuka kyeeri kya kio.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.