YUUKA 39
39
Isongosya Soori ta Vakohani
(Yuu 28:1-14)
1Na n'ruu tilya ta fwana ya buluu na sambarau na tidodorye, vakaoka soori tikee shisongosye kwa waarya nnu ta irundya ando eele, na isongosya masara yoo a Aron, indo shaasa Nndumi Iruva alevavasya Mose.
2Nawe kasongosia naivera, ya n'ruu ta saabu, na ta fwana ya buluu na ta sambarau na tidodorye soori shisha yeyookwa. 3Nawo vakasongosya sahabu yeyo kutani yava sha nkova mwaasha, numa vakairumbwa ive sha nruu, naambo veedimi iifuma ando amwi na n'ruu eto ta fwana ya buluu na sambarau na tidodorye, na soori yeyo shisha, ishora lya waarya nnu. 4Nawo vakasongosya na soori yeenunuta maveny kimaruma kyakwe fikee filunge amwi efo mmba.
5Na nkanda eto wa ishora lya waarya, ukee uwe ya vayo naambo uufingye ando a vayo, wekee wa kindo kimwi na ngata imwi na naivera yeyo, ya saabu, na fwana ya buluu na fwana ya sambarau na fwana idodorye, na soori shisha ya yooka, indo shaasa Nndumi Iruva alevavasya Mose.
6Nawo vakasongosya mafura yoo afwaamaa akee mavike fiiyeny fya saabu fikee fireiye kiringitya kulelatya marina a vana va Israeli. 7Nawe kafivika yoo sooriny ya meeveny fya naivera, naambo five utore lweekumbwa kya vana va Israeli, shaasa Nndumi Iruva alevavasya Mose.
Isongosya Kisibau kya Mbafu
(Yuu 28:15-30)
8Nawe kasongosya mboloko ilya ya mbafuny, ishora lya waarya, sha ishora elyo lya naivera, ya n'ruu ta sahabu, na ta fwana ya buluu, nato sambarau na tidodorye, na soori shisha shyooke. 9Kyeenani koose, vakasongosya mboloko ilya ya mbafuny kwa ikilema, waasha lwa vayo irambo lyimwi na ivari irambo lyimwi, nakyo kyekee kya ilemwa. 10Nawo vakavika ngamba iinya ta mafura afwaamaa, imwi yekee akiki, na yakuti ya fwana ya ikundu, na baharamani, efyo fyekee ngamba imwi. 11Na ngamba ya kavii yekee sumaridi, na yakuti ya buluu, na alumasi. 12Na ngamba ya kararu yekee hiakinto na akiki idodorye na amatisto. 13Na ngumba ya kaana yekee sabarajadi, na shahamu na yaspi, mafura yoo mmbo ekee fiiyeny fya sahabu, wo kimwi ando a vayo. 14Na mafura yoo mmbo ariani na marina a vana va Israeli, ikumi na avii sha marina awo, sha muuri wa ireiya, wo imwi na irina lya vayo, sha ngyufyari eto ikumi na ivii. 15Nawo vakauvika efo kikushuny ekyo kya mbafuny mise ivakye kiwoye, ya ishora llya yoose lya sahabu shisha. 16Nawo vakasongosya fiiya fya sahabu na n'rashi ivii ta sahabu nawo vakativika efo kikushuny ekyo. 17Nawo vakavika mise yeyo ya yoosa efo n'rashiny yeto ivii eto tikee efo kikushuny ekyo. 18Neefo mbai yeeto tingi ya mise yeyo ya yoose, vakativika efo fiiyeny efyo neefivika kulya soori ta meveu teenunuta, fya naivera, taari ya mbee. 19Nawo vakasongosya n'rashi ivii vakativika yoo mbai ya mboloko eyo ya mbafuny, efo mbai, efo kambeny ya naivera.
20Nawo vakaasongosya n'rashi ivii ta sahabu, na itivika kulya fyengeny filya fivii fya navera efo kwasi, taari ya mbee kufii na kifungo kya vayo, uwe ya nkanda wa naivera ukee mooke nisha. 21Nawo vakoomuya mboloko na nrashi ta vayo yoo naivereny na uruu lwa fwana ya buluu naambo kikae yoo uwe ya nkanda wa naivera ukeemooke waarya, naambo na mboloko eyo ya mbafuny kukulunge na naivera, indo shaasa Nndumi Iruva alevavasya Mose.
Soori Tingyi ta Kikohani
(Yuu 28:31-43)
22Nawe kasongosya ikoti elyo lya naivera lya ishora lya yooka, fwana buluu lyoose; 23na singo yeyo yekee yoo nnang'ani, sha singo yeyo yekee yoo kansuny numa, na utore elo luringitye singo yeyo naambo ilaranduke.
24Nawo vakavika efo ikeduny lya ikoti nruu ta fwana ya buluu na sambarau na fwana idodorye na soori ikee shyooke. 25Nawo vakasongosya njolo shisha ta saabu nawo vakavikaa njolo eto. 26Fishengele na findo efyo fyeekee fifummyi efo sooriny yakwe filelengetya ikendu lya soori yakwe mmbo kyetannyika ndesa Nndumi Iruva evavasya Mose. 27Nawo vakasongosya kansu eto ta soori shisha yeefumwa, ya Aron na ta vana vakwe, 28na kikofia ekyo kya soori shisha, na kofia tilya ta soori shisha ikee shooke, 29na nkanda eto wa soori shisha ikeeshooke na fwana ya buluu na ya sambarau na idodorye, ishora lya waarya lya mwilonga longa, indo shaasa Nndumi Iruva alevavasya Mose.
30Vakasongosya ibala elyo lya ureto weele lwa saabu shisha, neereiya uwe ya vayo, shaasa muuri ureiyaa “Mweele kwa Nndumi”. 31Nawo vakavika uruu lwa fwana ya buluu naambo lufinngye yoo kofieny yeyo taari ya uwe, indo-da shaasa Nndumi Iruva alevavasya Mose.
Imarisya Mashora
(Yuu 35:10-19)
32Naasa niindo ishora lya ideesya ando a yeema yeele ilemarisyo, na vana va Israeli mmbo valetana shaasa Nndumi Iruva alevavasya Mose, nawo niindo valetana.
33Naasa vakeengye Mose yeema elyo, nkyo ni yeema, na fiiya fya vayo fyoose, fifungo, maboo, mbindi, ngo ta vayo, na firembo fya vayo, 34na kifiniko kya vayo kya isara lya suva tikee shishope na fwana idodorye, na kifiniko kya isara lya iklunga, na isullya, 35na isanduku lya ukureeki, na firi fya vayo, na kitima kyesaryo, 36na mesa, na fiiya fya vayo, na mikate ya myoorye, 37na nri wa taa, na taa ta vayo, na taa tevika ando a vayo, na fiiya fya vayo fyoose, na mafura a taa. 38na kitara kya sahabu, na mafura a yaamba, na findo fya nrungo nsha na isullya lya mwango wa Yeema. 39Na kitara kya arera, na shesheke ya vayo ya arera, na firi fya vayo, na fiiya fya vayo fyoose, na birika na kirembo kya vayo, 40na isullya lya mwango wa kari, na fiwoye fya vayo na mbambo ta vayo, na fiiya fyerundya urundi elo lwa ando yoo, llyo yeema yelyo yeele, 41na masara a mashora mesha a urundi lwa ando eele, na masara meele a Nkohani Aron, na masara a vana vakwe eerunda ishora lya ukohani. 42Kiinani na shaasa Nndumi Iruva alevavasya Mose niindo valerunda mashora yoo moose a vana va Israeli. 43Na Mose kalla ishora elyo, kalollya ate vameimaa, indo shaasa Nndumi Iruva alevavasya, vakaitana indo, naasa Mose kavavikya mbora.
Currently Selected:
YUUKA 39: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
YUUKA 39
39
Isongosya Soori ta Vakohani
(Yuu 28:1-14)
1Na n'ruu tilya ta fwana ya buluu na sambarau na tidodorye, vakaoka soori tikee shisongosye kwa waarya nnu ta irundya ando eele, na isongosya masara yoo a Aron, indo shaasa Nndumi Iruva alevavasya Mose.
2Nawe kasongosia naivera, ya n'ruu ta saabu, na ta fwana ya buluu na ta sambarau na tidodorye soori shisha yeyookwa. 3Nawo vakasongosya sahabu yeyo kutani yava sha nkova mwaasha, numa vakairumbwa ive sha nruu, naambo veedimi iifuma ando amwi na n'ruu eto ta fwana ya buluu na sambarau na tidodorye, na soori yeyo shisha, ishora lya waarya nnu. 4Nawo vakasongosya na soori yeenunuta maveny kimaruma kyakwe fikee filunge amwi efo mmba.
5Na nkanda eto wa ishora lya waarya, ukee uwe ya vayo naambo uufingye ando a vayo, wekee wa kindo kimwi na ngata imwi na naivera yeyo, ya saabu, na fwana ya buluu na fwana ya sambarau na fwana idodorye, na soori shisha ya yooka, indo shaasa Nndumi Iruva alevavasya Mose.
6Nawo vakasongosya mafura yoo afwaamaa akee mavike fiiyeny fya saabu fikee fireiye kiringitya kulelatya marina a vana va Israeli. 7Nawe kafivika yoo sooriny ya meeveny fya naivera, naambo five utore lweekumbwa kya vana va Israeli, shaasa Nndumi Iruva alevavasya Mose.
Isongosya Kisibau kya Mbafu
(Yuu 28:15-30)
8Nawe kasongosya mboloko ilya ya mbafuny, ishora lya waarya, sha ishora elyo lya naivera, ya n'ruu ta sahabu, na ta fwana ya buluu, nato sambarau na tidodorye, na soori shisha shyooke. 9Kyeenani koose, vakasongosya mboloko ilya ya mbafuny kwa ikilema, waasha lwa vayo irambo lyimwi na ivari irambo lyimwi, nakyo kyekee kya ilemwa. 10Nawo vakavika ngamba iinya ta mafura afwaamaa, imwi yekee akiki, na yakuti ya fwana ya ikundu, na baharamani, efyo fyekee ngamba imwi. 11Na ngamba ya kavii yekee sumaridi, na yakuti ya buluu, na alumasi. 12Na ngamba ya kararu yekee hiakinto na akiki idodorye na amatisto. 13Na ngumba ya kaana yekee sabarajadi, na shahamu na yaspi, mafura yoo mmbo ekee fiiyeny fya sahabu, wo kimwi ando a vayo. 14Na mafura yoo mmbo ariani na marina a vana va Israeli, ikumi na avii sha marina awo, sha muuri wa ireiya, wo imwi na irina lya vayo, sha ngyufyari eto ikumi na ivii. 15Nawo vakauvika efo kikushuny ekyo kya mbafuny mise ivakye kiwoye, ya ishora llya yoose lya sahabu shisha. 16Nawo vakasongosya fiiya fya sahabu na n'rashi ivii ta sahabu nawo vakativika efo kikushuny ekyo. 17Nawo vakavika mise yeyo ya yoosa efo n'rashiny yeto ivii eto tikee efo kikushuny ekyo. 18Neefo mbai yeeto tingi ya mise yeyo ya yoose, vakativika efo fiiyeny efyo neefivika kulya soori ta meveu teenunuta, fya naivera, taari ya mbee. 19Nawo vakasongosya n'rashi ivii vakativika yoo mbai ya mboloko eyo ya mbafuny, efo mbai, efo kambeny ya naivera.
20Nawo vakaasongosya n'rashi ivii ta sahabu, na itivika kulya fyengeny filya fivii fya navera efo kwasi, taari ya mbee kufii na kifungo kya vayo, uwe ya nkanda wa naivera ukee mooke nisha. 21Nawo vakoomuya mboloko na nrashi ta vayo yoo naivereny na uruu lwa fwana ya buluu naambo kikae yoo uwe ya nkanda wa naivera ukeemooke waarya, naambo na mboloko eyo ya mbafuny kukulunge na naivera, indo shaasa Nndumi Iruva alevavasya Mose.
Soori Tingyi ta Kikohani
(Yuu 28:31-43)
22Nawe kasongosya ikoti elyo lya naivera lya ishora lya yooka, fwana buluu lyoose; 23na singo yeyo yekee yoo nnang'ani, sha singo yeyo yekee yoo kansuny numa, na utore elo luringitye singo yeyo naambo ilaranduke.
24Nawo vakavika efo ikeduny lya ikoti nruu ta fwana ya buluu na sambarau na fwana idodorye na soori ikee shyooke. 25Nawo vakasongosya njolo shisha ta saabu nawo vakavikaa njolo eto. 26Fishengele na findo efyo fyeekee fifummyi efo sooriny yakwe filelengetya ikendu lya soori yakwe mmbo kyetannyika ndesa Nndumi Iruva evavasya Mose. 27Nawo vakasongosya kansu eto ta soori shisha yeefumwa, ya Aron na ta vana vakwe, 28na kikofia ekyo kya soori shisha, na kofia tilya ta soori shisha ikee shooke, 29na nkanda eto wa soori shisha ikeeshooke na fwana ya buluu na ya sambarau na idodorye, ishora lya waarya lya mwilonga longa, indo shaasa Nndumi Iruva alevavasya Mose.
30Vakasongosya ibala elyo lya ureto weele lwa saabu shisha, neereiya uwe ya vayo, shaasa muuri ureiyaa “Mweele kwa Nndumi”. 31Nawo vakavika uruu lwa fwana ya buluu naambo lufinngye yoo kofieny yeyo taari ya uwe, indo-da shaasa Nndumi Iruva alevavasya Mose.
Imarisya Mashora
(Yuu 35:10-19)
32Naasa niindo ishora lya ideesya ando a yeema yeele ilemarisyo, na vana va Israeli mmbo valetana shaasa Nndumi Iruva alevavasya Mose, nawo niindo valetana.
33Naasa vakeengye Mose yeema elyo, nkyo ni yeema, na fiiya fya vayo fyoose, fifungo, maboo, mbindi, ngo ta vayo, na firembo fya vayo, 34na kifiniko kya vayo kya isara lya suva tikee shishope na fwana idodorye, na kifiniko kya isara lya iklunga, na isullya, 35na isanduku lya ukureeki, na firi fya vayo, na kitima kyesaryo, 36na mesa, na fiiya fya vayo, na mikate ya myoorye, 37na nri wa taa, na taa ta vayo, na taa tevika ando a vayo, na fiiya fya vayo fyoose, na mafura a taa. 38na kitara kya sahabu, na mafura a yaamba, na findo fya nrungo nsha na isullya lya mwango wa Yeema. 39Na kitara kya arera, na shesheke ya vayo ya arera, na firi fya vayo, na fiiya fya vayo fyoose, na birika na kirembo kya vayo, 40na isullya lya mwango wa kari, na fiwoye fya vayo na mbambo ta vayo, na fiiya fyerundya urundi elo lwa ando yoo, llyo yeema yelyo yeele, 41na masara a mashora mesha a urundi lwa ando eele, na masara meele a Nkohani Aron, na masara a vana vakwe eerunda ishora lya ukohani. 42Kiinani na shaasa Nndumi Iruva alevavasya Mose niindo valerunda mashora yoo moose a vana va Israeli. 43Na Mose kalla ishora elyo, kalollya ate vameimaa, indo shaasa Nndumi Iruva alevavasya, vakaitana indo, naasa Mose kavavikya mbora.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.