AMOSI 6
6
Ngatara ta Israeli
1Oshiny lwa yewo vakeekushangala efo Sioni, na yewe vakwiimuiye sau efo fidoorony fya Samaria, yeni vandu vasaari va Israeli, vandu vakamusheya iruuya ngarami kwany. 2Endeny Kalne-te mundelola, na muriny nniini wa Hamat na muriny yeto wa Vafilisti to Gati, Ndesa yewo mmbo vekee ng'waana ngota ngyumangyi ta Yuda na Israeli? Kweifo uruka lung'anyi elu lwany? 3Mweerikya sheelyi usheshaa nkonu weeresye-fo, lyo kyoose ekyo mwantana mmbo kyamuserisya nkonu eto kufii. 4Oshiny lwany elyi mushekoywaa mwimuyi efo firiny fyany mwilyaa nyama ta suva. 5Mukeemba fiimbo fisongosye, sha filya fya Davidi mukakapa na finanda. 6Mukana mfinyo na bakuri, mukakwaamba mafura a wuuru uniini, lyo mulating'waa kya urumato lwa Israeli. 7Lyo nnyeni musongwaa yeenda ushingeny. Sukukuu tany timande. 8Nndumi Iruva muni matorito mmbo amwiikimba, kaamba, “Mmbo shisukywa ni ikurosa lya vandu va Israeli. Shasukyo ni usimba lwa mmba tawo. Mmbo nsherambikyaa vakiduva vawo muri yeu wawo, na fyoose fiifo.”
9Kwakooya vasaa-fo vandu ikumi kwa nndu mmbo vashefwaa. 10Nndu yeto afiyyo kasalallya ishora lya irika eto afwa, nasomute nnying'a, navese, “Kwiifo nndu ungyi efo mmba?” Navio, “Oode!” Nawe navio, “Syado! Lukwiise nta lulasende irina lya Nndumi Iruva-fo.” 11Kyeeri Nndumi Iruva avavasyaa, mmba toose shidu na shiniini mmbo tishewunduywaa si. 12A frasi tikeerisha efo ngarareny? A vandu varemaa na ng'umbe efo yeeveny mureny? Lyo yeni mulealasha usumanu lukava suumu, na usha lukava ukasha. 13Mmbo mukekushopa mukafura deny elyi muletira muri wa Lodeba. Mukaamba, “Lwammidima ivinga Karnaimu lukee womi.”
14Kyeendi Nndumi Iruva muni matorito mmbo aamba indi, “Yeni vandu va Israeli, mmbo nsherikaa vandu veny vashekaya uruka lwany. Vashemulyisa ukiva pookya shieya Hamat kulya ndoo undekooya nko wa Araba kulya sinde.”
Currently Selected:
AMOSI 6: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
