2 SAMUELI 5
5
Davidi Avikwa Mangyi ya Israeli na Yuda
(1 Fye 11:1-9; 14:1-7)
1Naasa ngyufyari toose ta Israeli tikasora Davidi kulya Hebron tikammbia, “Lola-te, yese mmbo lukee samu imwi neewe. 2Kasha elyo Sauli ekee mangyi yeeru, ni yewe kuletetera Israeli fireny vakaanga neesomuka. Nawe Nndumi Iruva kakuvia, ‘Ni yewe kusheisaa vandu vakwa Israeli kuvashillye.’” 3Niindo vamiku woose va Israeli vakasora mangyi kulya Hebron, nawe karera nawo nisha mbee ya Nndumi Iruva, vakamwambafo mafura nave mangyi ya Israeli. 4Davidi nnyetiri myaaka makumi araru llya alepooka ishillya, naasa kashillyan ando a myaaka makumi aana. 5Ekee Hebron mmbo aleshillya ando a myaaka mfungare na miiri irindaru, nafo kulya Yerusalemu myaaka makumi araru na iraru kashillya Israeli woose na Yuda. 6Nalyo mangyi na vandu vakwe vakarwa na Yerusalemu indekapa Vayebusi va kulya, nawo vakavia Davidi, “Kulammuuta-fo vafu miso na fitongororo nkuvingaafo, veekusarye vai nkuti nalemwa.” 7Lyo Davidi kakaba turuve ya Sayuni, nto muri uleva wa Davidi. 8Nkonu yeto llyo Davidi aleamba, “Yeto ashekabaa Vayebusi nasore shia yeyo ya mura nandekaba na vafu miso na fitongororo, mashika shivasuuye.” Nkyo vengyi valeamba, “Nnyashidimaa yaangafo-fo mashika a vafu miso na fitongororo.” 9Nalyo Davidi kakaa efo turuven yeyo, kaivaanga, “Muri wa Davidi.” Katana muri yeto nisha kuuka millo. 10Davidi keengera itira nnduma mashika llya Nndumi Iruva, Iruva muni matorito alekaa nawe.
11Naasa Hiramu ekee mangyi ya Tiro karuma vandu vakwe kwa Davidi, kanrikya firi na veetana mmba na veepasha firi, vakeekya Davidi itana mmba. 12Davidi kamanya dede sheelyi Nndumi Iruva mmbo anta nye nave mangyi ya Israeli, na umangyi lwakwe kalunangisa tapu kimaruma kya Israeli.
13Naasa Davidi llya aleenda kulya Yerusalemu keengera yoora vaka vengyi, na vana vakwe vakeengereka vakyumi na va kyika. 14Na marina a vana yewo valeonikya kulya Yerusalemu, ambuka kulya Hebron: Shamua, Shobabu na Natan na Sulemani, 15Ibuhari, na Elishua, na Nefegi na Yafia, 16na Elishama, Eliada na Elifeleti.
Vafilisti Vavingwa
(1 Fye 14:8-17)
17Na kyeeri Vafilisti valeeta Davidi ammbwa mafura nave mangyi ya Israeli, woose vakarwa vanderuuya Davidi. Nawe Davidi ekimanya indo kasoka na kulya turuveny. 18Vafilisti nawo vakasoka naambo vandekaa kwaasha kwaasha kulya imungony lya Varefai. 19Llyo Davidi alevesa Nndumi Iruva, “Ale Nndumi Iruva, shandekabana nawo? Kukundye ivavika maakony akwa?” Nawe Nndumi Iruva kammbia, “Yee saama vasore, mashika yeny nshevavikaa maakony afo.” 20Davidi kandefika Baal-perasimu kakapanya-fo na Vafilisti, kaamba, “Nndumi Iruva mmbo asheengye vakiduva vakwa veengi sha mura washa.” Nkyo kimaruma alya kavaangau Baal-perasimu. 21Naasa Vafilisti vakaretya-u mafwanu awo na Davidi na vandu vakwe vakaafwafwala. 22Vafilisti vakarwa lya kavii imungony yelyo lya Varefai. 23Na llya Davidi alevesa Nndumi Iruva lyingi, kammbia, “Kulavasore-fo, lengetya efo numa yaawo kundevakapa kuuka alya miriny ilya ya madala. 24Na kyeeri kusheetaa kiiyo kyawo kirwaa neefo miriny ya madala, llyo kushekaaryaa mmwasi, mashika nkyo kyeeri Nndumi Iruva akundye ikaba Vafilisti.” 25Nawe Davidi katana indo shaasa Nndumi Iruva alembavasya, kakaba Vafilisti apookya Geba kandefika Gezeri.
Currently Selected:
2 SAMUELI 5: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
2 SAMUELI 5
5
Davidi Avikwa Mangyi ya Israeli na Yuda
(1 Fye 11:1-9; 14:1-7)
1Naasa ngyufyari toose ta Israeli tikasora Davidi kulya Hebron tikammbia, “Lola-te, yese mmbo lukee samu imwi neewe. 2Kasha elyo Sauli ekee mangyi yeeru, ni yewe kuletetera Israeli fireny vakaanga neesomuka. Nawe Nndumi Iruva kakuvia, ‘Ni yewe kusheisaa vandu vakwa Israeli kuvashillye.’” 3Niindo vamiku woose va Israeli vakasora mangyi kulya Hebron, nawe karera nawo nisha mbee ya Nndumi Iruva, vakamwambafo mafura nave mangyi ya Israeli. 4Davidi nnyetiri myaaka makumi araru llya alepooka ishillya, naasa kashillyan ando a myaaka makumi aana. 5Ekee Hebron mmbo aleshillya ando a myaaka mfungare na miiri irindaru, nafo kulya Yerusalemu myaaka makumi araru na iraru kashillya Israeli woose na Yuda. 6Nalyo mangyi na vandu vakwe vakarwa na Yerusalemu indekapa Vayebusi va kulya, nawo vakavia Davidi, “Kulammuuta-fo vafu miso na fitongororo nkuvingaafo, veekusarye vai nkuti nalemwa.” 7Lyo Davidi kakaba turuve ya Sayuni, nto muri uleva wa Davidi. 8Nkonu yeto llyo Davidi aleamba, “Yeto ashekabaa Vayebusi nasore shia yeyo ya mura nandekaba na vafu miso na fitongororo, mashika shivasuuye.” Nkyo vengyi valeamba, “Nnyashidimaa yaangafo-fo mashika a vafu miso na fitongororo.” 9Nalyo Davidi kakaa efo turuven yeyo, kaivaanga, “Muri wa Davidi.” Katana muri yeto nisha kuuka millo. 10Davidi keengera itira nnduma mashika llya Nndumi Iruva, Iruva muni matorito alekaa nawe.
11Naasa Hiramu ekee mangyi ya Tiro karuma vandu vakwe kwa Davidi, kanrikya firi na veetana mmba na veepasha firi, vakeekya Davidi itana mmba. 12Davidi kamanya dede sheelyi Nndumi Iruva mmbo anta nye nave mangyi ya Israeli, na umangyi lwakwe kalunangisa tapu kimaruma kya Israeli.
13Naasa Davidi llya aleenda kulya Yerusalemu keengera yoora vaka vengyi, na vana vakwe vakeengereka vakyumi na va kyika. 14Na marina a vana yewo valeonikya kulya Yerusalemu, ambuka kulya Hebron: Shamua, Shobabu na Natan na Sulemani, 15Ibuhari, na Elishua, na Nefegi na Yafia, 16na Elishama, Eliada na Elifeleti.
Vafilisti Vavingwa
(1 Fye 14:8-17)
17Na kyeeri Vafilisti valeeta Davidi ammbwa mafura nave mangyi ya Israeli, woose vakarwa vanderuuya Davidi. Nawe Davidi ekimanya indo kasoka na kulya turuveny. 18Vafilisti nawo vakasoka naambo vandekaa kwaasha kwaasha kulya imungony lya Varefai. 19Llyo Davidi alevesa Nndumi Iruva, “Ale Nndumi Iruva, shandekabana nawo? Kukundye ivavika maakony akwa?” Nawe Nndumi Iruva kammbia, “Yee saama vasore, mashika yeny nshevavikaa maakony afo.” 20Davidi kandefika Baal-perasimu kakapanya-fo na Vafilisti, kaamba, “Nndumi Iruva mmbo asheengye vakiduva vakwa veengi sha mura washa.” Nkyo kimaruma alya kavaangau Baal-perasimu. 21Naasa Vafilisti vakaretya-u mafwanu awo na Davidi na vandu vakwe vakaafwafwala. 22Vafilisti vakarwa lya kavii imungony yelyo lya Varefai. 23Na llya Davidi alevesa Nndumi Iruva lyingi, kammbia, “Kulavasore-fo, lengetya efo numa yaawo kundevakapa kuuka alya miriny ilya ya madala. 24Na kyeeri kusheetaa kiiyo kyawo kirwaa neefo miriny ya madala, llyo kushekaaryaa mmwasi, mashika nkyo kyeeri Nndumi Iruva akundye ikaba Vafilisti.” 25Nawe Davidi katana indo shaasa Nndumi Iruva alembavasya, kakaba Vafilisti apookya Geba kandefika Gezeri.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.