2 VAKORINTO 12
12
Myoorye yasukuwa
1Kyishikooye shikurumishe, indi elyi kilasenyi, Kyaindi nshefikyaa fyama fya Nndumi fikee fisurumi. 2Mmbo shiishi nndu umwi kwi Kristo, uka myaaka ikumi na iina, (kwakooya ekee na mwiili nshiishi-fo ao kwakooya nalekee na mwiili nshiishi-fo, ni Iruva amanyaa). Nndu yeto mmbo etafurwa-u tafuru kakooya ngina ya kararu. 3Neeny shiishi nndu yeto, (kwakooya ekee na mwiili nshiishi-fo, kwakooya nalekee na mwiili nshishi-fo; ni Iruva amanyaa). 4Mmbo etafurwa-u tafuru kafitwa iruveeu, keeta marero alavaa yaamba, marero alava nndu wa vandu aarere. 5Kimaruma kya nndu yeto nsherumanaa, lyo nshi kimaruma kyakwa-fo kuuta lyo kimaruma kya ufwafwa lwakwa. 6Mashika kukooye shekundaa irumana nshevaa nrung'ani-fo, mashika mmbo nshambaa dede. Llyo mmbo nshakwiima, naambo kulave nndu asheekennya mmwasi ya efyo alollye ao iita kwakwa. 7Naambo shilarumani mmwasi, kimaruma kyesukuywa efyo, mmbo shilevikwa mwiinga mwiiliny wakwa, nrumi wa Satana naambo nashikape, naambo shilasheerumana mmwasi. 8Kimaruma kya kindo ekyo mmbo shilefuuya Nndumi kararu sele naambo kishuuke. 9Lyo we kashivia, “Isarya lyakwa lyikufye.” Mashika wiidimi lwakwa mmbo lwalyimba yoo kukee kufwafwa. Nasaany mmbo shirumana kimaruma kya ufwafwa lwakwa shikee na ifura iniini, naambo wiidimi lwa Kristo lushikaye. 10Kimmba niindo mmbo shisennywa ni ufwafwa, na iilwa, na ifiiywa, na fyuure, na ngatara, kimaruma kya Kristo. Mashika alya shikee mfwafwa ng'u shitiri finya.
Nyinyira ya Paulo kwa Vakorinto
11Nnyeni mwashiitikya shive nrung'ani. Mashika mmbo shesumani shirumishwa ni yeni, mashika nshikee n-du shanyiiya varumi yewo vaniini woose nta kinnywa-fo, naakwa shava sheelyi shilakee kindo. 12Ni kindo kya dede ngyende ta nrumi tiletanyinkya kwany na usisiryo deny, kya ngyende na findo filandelollyo lyingyi. 13Mashika nkyokyi kilemwanguya ngota siri tingyi, kulare ni elyi shilera shilamurovya? Shifwaayeny kya uravi elu.
14Llen-te, elyi llya kararu shikudeesya isha kwany, nta nshimurovyaa-fo. Mashika nshikeeruuya findo fisha-fo, nnyeni nkeemuruuya, mashika nshi ishora lya vana ivikkya vamiku vawo kiraambo-fo, lyo vamiku vavikyaa vana. 15Shikee na ifura deny mmbo nshenyanyataa, na yeny sheerwa efo na efo kimaruma kyany. A ndesa shaasa nkeengera imukunda nnu, yeny mmbo nkeyaangwa ikundwa? 16Kikuviiyeny indo, yeny nshilemurovya-fo; elyi shileva na urango mmbo shilemuwonisa na ntambo. 17A-ndesa nndu moose yeto shilenruma kwany alewarya kindo kwany na finya? 18Mmbo shileikimba Tito, sharuma mwanama ulya ando amwi nawe. A-Tito alemusoka kindo ndesa? A-lluleteterwa ni Mumuyo yeto mweni-da lwiilatyaa ngyayo tilya sheni? 19Yeni fika ulaalu mmbo mukusarye mmbo lukeekuuta usutu. Mmbo lukerera mbee ya Iruva lwikee na Kristo. Na yefyo fyoose, vakunde ni kimaruma kyemuvangisa yeni. 20Mashika mmbo sheereiye, shilasheesha shimukooye mukee ngata ingyi ngota yeyo shikusarye, na yeny nshelollywa ngata ingyi ngota yeyo mukundye iilollya; shilashekooya-fo uriingyi, kififi, kisuuya, na myaandu. 21Na yeny elyi nsheshaa lyingyi, Iruva wakwa nalasheshiviira si mbee yaany, nshetinnywa valya varengye uka elyo, vakara valakurya uravi lwawo, na utuusi, na ukasha yelo valelutana.
Currently Selected:
2 VAKORINTO 12: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
