1 VAKORINTO 1
1
1Ni yeny Paulo, shilevaangwa iva nrumi wa Yesu Kristo kwi ikunda lya Iruva, na Sostene mwanamayeru. 2Yeni va siri ya Iruva ikee Korinto, valya vakee vailyise kyeendwa ni Yesu Kristo, vakavaangwa naambo vave veele, ando amwi na woose valya vakeesenda irina lya Yesu Kristo wo ando, Nndumi waawo na weeru. 3Isarya lyikae neeni na ufoo, yelo luukye efo kwa Iruva Nde weeru, na kwa Nndumi Yesu Kristo.
Mbora nnang'ani ya Kristo
4Mmbo shava mwaana Iruva mikonu myoose kimaruma kyany, kimaruma kya isarya lya Iruva mulelyimywa kwi Kristo Yesu. 5Mashika mmbo mulelyimywa mbora shiingyi kyeendwa mmbwe, efo mireryeny yaany na waarya loose; 6shaasa ukureekyi lwa Kristo lulekoora paa kwany. 7Nta mmulaanguyo nsimbo nta imwi-fo, mukavekaa-fo mwiivikaa nsia kya ishekoora paa lya Nndumi weeru Yesu Kristo. 8Mmbwe yeto ashemuvangisaa fika mafurumyony, naambo mulashekapwa mong'wa nkonu ulya wa Nndumi weeru Yesu Kristo. 9Iruva yeto alemuvaanga ni nsaari, nambo mukooye isandwa na Mwana wakwe Yesu Kristo Nndumi weeru.
Itarakana Siriny
10Naasany vanavama, shamutereva na irina lya, Nndumi weeru Yesu Kristo, murere kimwi; nta mulatarakani, kyaindi mufikkye iva va nrwe umwi na makusaro amwi nsi. 11Mashika-le vanavama, valya va mmba ya Kloe mmbo valeshifitya mbony tany kyeyaamba kwiifo uriingyi kwany. 12Naasany, kirye yaamba indi, wo umwi waany mmbo akee yaamba indi, yeny mmbo shikee wa Paulo, na ungyi kaamba ni wa Apolo, na ungyi ni wa Kefa, na yeny ni wa Kristo. 13A-Kristo mmbo akwaavye ndesa? A-Paulo yeto mmbo alekapyo nsalabeny kimaruma kyany? Ale ndesa, mmbo mulebatisyo irina lya Paulo? 14Mmbo nkeyaana nnu Iruva mashika efo kwany nshilebatisafo nndu-fo, kuuta Krispo na Gayo; 15naambo kulasheva-fo nndu aamba mmbo alebatiswa na irina lyakwa. 16Na lyingyise shilebatisa vandu va mmba ya Stefana, na mmwasi ya yewo nshiishi kwakooya shilebatisa nndu ungyi nta umwi-fo. 17Mashika Kristo nnyaleshiruma naambo shindebatisa-fo, kuuta ni ivambisa Nrumi Shisha, na nta nshi na urango lwa marero-fo, naambo nsalaba wa Kristo ulasheeva ruu.
Kristo mmbwe finya yeeru
18Mashika irero lya nsalaba kwa yewo vakeereka ni kindo kyeeseta, indi kweru yese lukeekirwa ni finya ya Iruva. 19Mashika kyikee kyireiye kyeyaamba,
“Nshelyamaraa urango lwa yewo vatiri urango,
na imanya lya yewo vaamba veeshi, nshelyilema.”
20Yeto atiri urango nkwi akai? Mwilosha mavavaso akee kwi? A-yeto mwisuma mbony wa inu akee kwi? A-Iruva nnyaleallwa urango lwa ulana yelu luve urung'ani? 21Mashika efo waaryeny lwa Iruva kukooyaa kulaore ulana lwamannya-u Iruva na urango lwa vayo, Iruva mmbo alekunda ikira valya vakusiryeu na ufwafwa lwa irero llya lyikeeyambawa. 22Mashika wo Vayuda vakeeruya ngyende, na Vagriki ni urango; 23lyo yese mmbo lukeevambisa Kristo ulya alekapyo nsalebeny, na kwa Vayuda ni nsindara na kwa Vagriki ni kindo kyeseta. 24Kyaindi kwawo vakee vavaange, kwa Vayuda ao Vagriki, ni Kristo, finya ya Iruva, na waarya lwa Iruva. 25Mashika urung'ani lwa Iruva mmbo lutiri urango ngota vandu, na ufwafwa lwa Iruva lukatira finya ngota vandu.
26Mashika-le vandu vakwa, loleny kya uvaango lwany, sheelyi nshi veengyi vatiri urango lwa kivandu, nta nshi veengyi vatiri finya, nshi veengyi vatiri uniini vakee vavaange-fo. 27Mashika Iruva mmbo alesauwa findo firung'ani fya ulana yelu naambo nasute valya vakee varango. Lyingyi Iruva mmbo alesauwa findo fifwafwa fya ulana elu naambo nasute filya fitiri finya. 28Na lyingyi-se Iruva mmbo alesauwa findo finana fya ulana na fikee fiile, yee, filya filaiyo. 29Yeto atiri mwiili moose nalasheekurosa mbee ya Iruva-fo. 30Mashika nkimaruma kyakwe mukakusirya na Kristo Yesu yeto alealuwa waarya lwa Iruva kweru, na usumanu, na weele, na ukiro; 31naambo shaasa kyikee kyireiye, yeto mwikushopa nakushope na Nndumi.
Currently Selected:
1 VAKORINTO 1: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
1 VAKORINTO 1
1
1Ni yeny Paulo, shilevaangwa iva nrumi wa Yesu Kristo kwi ikunda lya Iruva, na Sostene mwanamayeru. 2Yeni va siri ya Iruva ikee Korinto, valya vakee vailyise kyeendwa ni Yesu Kristo, vakavaangwa naambo vave veele, ando amwi na woose valya vakeesenda irina lya Yesu Kristo wo ando, Nndumi waawo na weeru. 3Isarya lyikae neeni na ufoo, yelo luukye efo kwa Iruva Nde weeru, na kwa Nndumi Yesu Kristo.
Mbora nnang'ani ya Kristo
4Mmbo shava mwaana Iruva mikonu myoose kimaruma kyany, kimaruma kya isarya lya Iruva mulelyimywa kwi Kristo Yesu. 5Mashika mmbo mulelyimywa mbora shiingyi kyeendwa mmbwe, efo mireryeny yaany na waarya loose; 6shaasa ukureekyi lwa Kristo lulekoora paa kwany. 7Nta mmulaanguyo nsimbo nta imwi-fo, mukavekaa-fo mwiivikaa nsia kya ishekoora paa lya Nndumi weeru Yesu Kristo. 8Mmbwe yeto ashemuvangisaa fika mafurumyony, naambo mulashekapwa mong'wa nkonu ulya wa Nndumi weeru Yesu Kristo. 9Iruva yeto alemuvaanga ni nsaari, nambo mukooye isandwa na Mwana wakwe Yesu Kristo Nndumi weeru.
Itarakana Siriny
10Naasany vanavama, shamutereva na irina lya, Nndumi weeru Yesu Kristo, murere kimwi; nta mulatarakani, kyaindi mufikkye iva va nrwe umwi na makusaro amwi nsi. 11Mashika-le vanavama, valya va mmba ya Kloe mmbo valeshifitya mbony tany kyeyaamba kwiifo uriingyi kwany. 12Naasany, kirye yaamba indi, wo umwi waany mmbo akee yaamba indi, yeny mmbo shikee wa Paulo, na ungyi kaamba ni wa Apolo, na ungyi ni wa Kefa, na yeny ni wa Kristo. 13A-Kristo mmbo akwaavye ndesa? A-Paulo yeto mmbo alekapyo nsalabeny kimaruma kyany? Ale ndesa, mmbo mulebatisyo irina lya Paulo? 14Mmbo nkeyaana nnu Iruva mashika efo kwany nshilebatisafo nndu-fo, kuuta Krispo na Gayo; 15naambo kulasheva-fo nndu aamba mmbo alebatiswa na irina lyakwa. 16Na lyingyise shilebatisa vandu va mmba ya Stefana, na mmwasi ya yewo nshiishi kwakooya shilebatisa nndu ungyi nta umwi-fo. 17Mashika Kristo nnyaleshiruma naambo shindebatisa-fo, kuuta ni ivambisa Nrumi Shisha, na nta nshi na urango lwa marero-fo, naambo nsalaba wa Kristo ulasheeva ruu.
Kristo mmbwe finya yeeru
18Mashika irero lya nsalaba kwa yewo vakeereka ni kindo kyeeseta, indi kweru yese lukeekirwa ni finya ya Iruva. 19Mashika kyikee kyireiye kyeyaamba,
“Nshelyamaraa urango lwa yewo vatiri urango,
na imanya lya yewo vaamba veeshi, nshelyilema.”
20Yeto atiri urango nkwi akai? Mwilosha mavavaso akee kwi? A-yeto mwisuma mbony wa inu akee kwi? A-Iruva nnyaleallwa urango lwa ulana yelu luve urung'ani? 21Mashika efo waaryeny lwa Iruva kukooyaa kulaore ulana lwamannya-u Iruva na urango lwa vayo, Iruva mmbo alekunda ikira valya vakusiryeu na ufwafwa lwa irero llya lyikeeyambawa. 22Mashika wo Vayuda vakeeruya ngyende, na Vagriki ni urango; 23lyo yese mmbo lukeevambisa Kristo ulya alekapyo nsalebeny, na kwa Vayuda ni nsindara na kwa Vagriki ni kindo kyeseta. 24Kyaindi kwawo vakee vavaange, kwa Vayuda ao Vagriki, ni Kristo, finya ya Iruva, na waarya lwa Iruva. 25Mashika urung'ani lwa Iruva mmbo lutiri urango ngota vandu, na ufwafwa lwa Iruva lukatira finya ngota vandu.
26Mashika-le vandu vakwa, loleny kya uvaango lwany, sheelyi nshi veengyi vatiri urango lwa kivandu, nta nshi veengyi vatiri finya, nshi veengyi vatiri uniini vakee vavaange-fo. 27Mashika Iruva mmbo alesauwa findo firung'ani fya ulana yelu naambo nasute valya vakee varango. Lyingyi Iruva mmbo alesauwa findo fifwafwa fya ulana elu naambo nasute filya fitiri finya. 28Na lyingyi-se Iruva mmbo alesauwa findo finana fya ulana na fikee fiile, yee, filya filaiyo. 29Yeto atiri mwiili moose nalasheekurosa mbee ya Iruva-fo. 30Mashika nkimaruma kyakwe mukakusirya na Kristo Yesu yeto alealuwa waarya lwa Iruva kweru, na usumanu, na weele, na ukiro; 31naambo shaasa kyikee kyireiye, yeto mwikushopa nakushope na Nndumi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.