1 MBONY TA FYEERI 4

Vana va Yuda

1Vana va Yuda vekee Peresi, Hesroni, Karmi, Huri na Shobali. 2Reaya mwana wa Shobali kaira Yahathi ndeye wa Ahumai na Lahadi yeto nto mmba ta Vasorathi. 3Vana va Etamu vekee Yesreeli, Ishma na Idbashi, vetiri mfwamae waawo umwi evangwaa Haselelponi. 4Penueli kaira Gedori na Eseri na Eseri kaira Husha. Yewo mmbo vana va Huri mwana mmbe wa Efratha, ndeye wa Betlehemu.

5Ashuru yeto apookye muri wa Tekoa, etiri vaka vavii: Hela na Naara. 6Naara kammbonnya vana vaana: Ahusamu, Heferi, Temeni na Haahashtari. 7Hela kaira vana vararu: Sereti, Ishari, na Ethnani. 8Hakosi kaira Anubi na Sobeba, yeu mmbwe ndeye wa mmba ya Ahariheli mwana wa Harumi.

9Kweifo nndu umwi evangwa Yebesi, nndu atiri wiindi kailannya vana va maye woose. Maaye mmbwe emfishya irina yelyo mashika emmbavisa nnu nkonu yeto ewonika. 10Nawe Yebesi katereva Iruva wa Israeli eshambaa, “Woi Iruva, Shakutereva mbora na isheengerya minyanu yakwa ing'ani mmwasi. Woko lwafo lushiringe findo fivishwa fyoose,” Nawe Iruva kamwirikya kiterewo kyakwe.

Vandu Vengi va Kishari

11Kalebi mwana wa maye wa Shuha kaira Mehiri na Mehiri kaira Eshtoni. 12Eshtoni etiri vana vararu: Beth-rafa, Pesea, na Tehina. Tehina mmbwe apookye muri wa Ir-nahashi. Vandu va mmba yei mmbo vasamya Reka.

13Vana va Kenasi ni: Othnieli na Seraya; na vana va Othnieli ni Hathathi na Meonathai. 14Meonathai kaira Ofra. Seraya kaira Yoabu yeto apookye imungo lya mafundi, mmbo lyefishwaa irina yelyo mashika vandu veifo woose mmbo vekee mafundi.

15Kalebi mwana wa Yefune, etiri vana vararu: Iru, Ela na Naamu. Na mwana wa Ela ni Kenasi. 16Vana va Yehaleli ni, Sifu, Sifa, Tiria na Asareli. 17Vana va Esra ni, Yetheri, Meredi, Eferi na Yaloni. Meredi kaora Bithia mfu wa Farao yeva mmbo vewonnya Meredi: Miriamu, Shamai na Ishiba, yeto apookye muri wa Eshtemoa. 18Meredi etiri nka ungyi Myudaya. Yeu kammbonnya Yeredi yeto apookye muri wa Gedori, Heberi mmbwe yeto apookye muri wa Soko na Yekuthieli yeto apookye muri wa Sanoa.

19Hodia kaora mfwamaye wa Nathamu ulya vandeye vapookye vandu va Isanga lya Garmi, valya vesamya muri wa Eshtemoa. 20Vana va Shimoni ni: Amnoni, Rina, Ben-hanani na Tiloni. Ishi etiri vana vavii: Sohethi na Ben-sohethi

Vana va Shela

21Vana va Shela, mwana wa Yuda ni Eri, yeto apookye muri wa Leka, Laada yeto mwiipooka muri wa Meresha ufyari lwa veefuma soori ta kitami mmbekaa muriny wa Beth-ashbea, 22Yokimu na vandu valya vekaa muriny wa Koseba, na Yoashi na Sarafi mmbo veshillya kulya Moabu kutani vafika Lehemu. (Yeti ni mbony ta myaaka miingi nnu ya kasha). 23Yeva mmbo vandu veyuumba fia fya uteri valya vekaa mirin ya Netaimu na Gedari vakava veefurukannya mangyi.

Vana va Simeoni

24Simeoni etiri vana varaanu: Nemueli, Yamiri, Yaribu, Sera na Shauli. 25Mwana wa Shauli ni Shalumu, Shalumu kaira Mibsamu na Mibsamu kaira Mishma. 26Mishma kaira Hamueli yeto awonye Sakuri na Sakuri kaira Shimei. 27Shimei etiri vana ikumi na varindaru na vefu varindaru. Indi vana va maye mmbetiri vana veengyi-fo, na mmba yakwe nnyefumbuka sha vandu va isanga lya Yuda-fo.

28Na yeva mmbo vekaa mirin ya Beersheba, Molada, Hasar-shuali, 29Bilha, Esemu, Toladi; 30Bethueli, Horma, Siklagi, 31Bethmakaboth, Hasar-susimu, Beth-biri na Shaaraimu. Yeyo nnyo miri yaawo kutani kwafika ushilyi lwa mangyi Davidi. 32Na lyingyi vekaa miriny ingyi iraanu: Etamu, Aini, Rimoni, Tokeni na Ashani, 33ni amwi na fyuungo yefyo findu mbai ya miri ya kulya Baali. Yefo mfo kwekee ukuuny lwawo vakavika-fo na findo fya ivakumbura kishari kyaawo, Na kundo waparikye nafo. 34Yeva mmbo vandu vasongoru yefo ngyufyari ta Meshobabu, Yamleki, Yosha mwana wa Amasia, 35Yoeli, Yehu (mwana wa Yoshibia mwana wa Seraya, mwana wa Asieli). 36Eliehonai, Yaakoba, Yeshohaya, Asaya, Adieli, Yesimieli, Benaya, 37Sisa (mwana wa Shifi, mwana wa Aloni, mwana wa Yedaya, mwana Shimri na mwana wa Shemaya). 38Ufyari lwawo lukeengera ifumbuka nnu. Yeva lwasenda marina awo mmbo yewo vekee vasongoru va muri wawo. 39Vakakwaana fika minyanun ya murin wa Gedori imungon lya taari ya ngama, naambo vedimi irunya kundo kweeisa mashonri awo. 40Nafo vakakooya kundo kuniini kusha kutiri mare, kundo kulaifo vandu kutiri unambwe, yelyo kasha ni Vaahamu veifo. 41Kyeeri kya ushilyi lwa Esekia mangyi ya Yudaya, vandu yewo lwavasenda marina awo mmbo veenda kulya Kedori vakalyamara miri na mmba tawo vakawunndwa vakavasamisa deny fika inu. Vakaallwa kundo kwawo kwekaa na yiisa mashonri awo. 42Vandu vengyi mayana araanu va ufyari lwa Simeoni vakeenda fika ifumbuu lya Seiri, vasongoru vawo ni: Pelatia, Nearia, Refaya, na Usieli vana va Ishi. 43Nafo vakamamita deny Vaameleki valya vekkya nawo vakasamya-fo fika inu.

Currently Selected:

1 MBONY TA FYEERI 4: MAS2

Highlight

Copy

Compare