1 MBONY TA FYEERI 2

Vana va Israeli na veni uruka lwa Yuda

1Yeva mmbo vana va Israeli, Rubeni, Simeoni, na Lawi, Yuda, Isakari, Sapuloni, 2Dani, Yusufu, Benyaminy, Naftali, Kati, Asheri. 3Vana va Yuda Eri, Onani, na Shela, yewo vararu maaye waao ni mfu wa Shua Mkanaani. Nawe mwana mmbee wa Yuda eke nndu nkasha nnu usanguny lwa Nndumi Iruva, nawe kammbwaa. 4Na Tamari maye wa nka wakwe, kamwiirya vana vavii. Peresi, na Sora. Vana va Yuda woose vekee varaanu. 5Vana va Peresi Hesroni na Hamuli, 6Na vana va Sera, Sabdi, Ethani, Hemani, Kalkoli na Darda, yewo woose ni varaanu. 7Na vana va Karmi, Akani ulya mwiifwolangya Israeli, keepoo findo fyammbikwa fyeele. 8Na Asaria mmwana wa Ethani.

Ufyari lwa Mangyi Davidi

9Vana vewonika kwa Hesroni ni; Yerameeli, Ramu na Kalebi. 10Ramu kaira Aminadabu na Aminadabu kaira Nashoni mmbe mwinshillya nniini, nsongoru wa vana va Yuda. 11Nashoni kaira Salmoni na Salmoni kaira Boasi. 12Boasi kaira Obedi. Obedi kaira Yese. 13Yese kaira Eliabu mwana wakwe wa mbee na Abinadabu mwana wakwe wa kavii na Shama mwana wakwe wa kararu. 14Nethanaeli ni mwana wa kaana, Radai ni mwana wa karaanu, 15mwana wa karindaru ni Osemu na mwana wa mfungare ni Daudi. 16Vamfwamaye vawo vekee Seruya na Abikaili. Na vana va Seruya vekee Abishai, Yoabu, na Asaheli ewo mmbararu. 17Abikaili keera Amasa ndeye ekee ni Yetheri mwiisremaili;

Vana va Hesroni

18Kalebi mwana wa Hesroni etiri vana na nka wakwe Asubu na Yerioti na yeva mmbo vana vakwe va vomi Yesheri, Shobabu na Adoni. 19Asubu kafwa, na Kalebi kaora Efrathi, kaira Huri. 20Nawe Huri kaira Uri na Uri kaira Besaleli,

21Mikonu myaangu Hesroni karwaa mfu wa Makiri, ndeye wa Giliadi yeu mmbo enrwaa etiri myaaka makumi arindaru nawe kamwiirya Sekubu. 22Na Sekubu kaira Yairi ulya etiri miri makumi avii na iraru kulya urukeny lwa Gileadi. 23Naasa Geshuri na Aramu vakavasoka miri ya Yairi, amwi na Kenathi na miri yakwe, myoose makumi arindaru. Evo woose ni vana va Makiri, ndeye wa Gileadi. 24Hesroni ekifwa, kulya Kalebu-Efrata, llyo Abiya ewona mwana na Hesroni, kaira Ashuru, ndeye wa Tekoa.

Vana wa Yerameeli

25Yerameeli, mwana mmbe wa Hesroni etiri vana varaanu, Ramu, mwana wakwe mbee, Buna, Oreni, Osemu, na Ahiya. 26Yerameeli etiri nka ungyi na irina lyakwe evangwaa Atara. Nka yeu kawonnya Yerameeli mwana nawe irina lyakwe ni Onamu. 27Vana va mbee, va Ramu, kwa Yerameeli ni Maasi, Yamini na Ekeri. 28Vana va Onamu vekee Shamai na Shada. Nawo vana va Shamai vekee Nadabu na Abishuri.

29Ashuru kaora nnka na irina lyakwe ni Abihaili, nawe kammbonnya vana vavii, Aban na Molidi. 30Vana va Nasabu vekee Seledi na Apaimu; Indi Seledi kafwa nalatiri vana.

31Apaimu etiri mwana umwi evangwaa Ishi. Ishi kaira Sheshani, na Sheshani kaira Alai. 32Yada mwana maye wa Shamai, etiri vana vavii, Yetheri na Yonathani. Indi Yetheri kafwa alatiri vana. 33Yonathani etiri vana vavii Pelethi na Sasa. Yewo woose mmbo vammba ya Yerameeli. 34Sheshani nnyetiri vana va kyuumi-fo; mmbo etiri va kyen-nsi. Indi-lyo etiri lyimwi lya Kimisri lyevangwaa Yarha. 35Naasa Sheshani kaorisa Yarha ishinga mfu wakwe, nawe kammbonnya mwana, nawe kavangwaa Atai. 36Atai kaira Nathani, Nathani kaira Sabadi; 37Sabadi kaira Eflali, Eflali kaira Obedi, 38Obedi kaira Yehu, Yehu kaira Asariya, 39Asariya kaira Helesi, Helesi kaira Eleasa, 40Eleasa kaira Sismai, Sismai kaira Shalumu, 41Shalumu kaira Yekamia, na Yekamia kaira Elishama.

Ngyeeri Ingi ya Kalebi

42Mwana mmbe wa Kalebi, mwanamaye wa Yerameeli, evangwaa Mesha. Mesha kaira Zifu, Zifu kaira Maresha. Maresha kaira Hebron, 43Hebron etiri vana vaana; Kora, Tapua, Rekemu na Shema. 44Shema eke ndeye wa Rahamu, na saawoye wa Rekemu. Rekemu mwana maye wa Shema kaira Shamai; 45Shamai kaira Maoni, na Maoni kaira Beth-suri 46Kalebi etiri isonga lyakwe irina lyakwe evangwaa Efa. Yeu kammbonnya vana vengyi varanu; Haran, Mosa na Gazeai, na Haran mmbwe ndeye wa Gezazi. 47Yadai etiri vana varindaru; Regemu, Yotamu Geshani, Peleeti, Efa na Saafu. 48Kalebi etiri isonga lyingyi, lyevaangwaa Maaka. Yeu kammbonnya vana vavii; Sheberi na Tirhana. 49Maaka ewonnya Kalebi vana; Shaafu yeto apookye muri wa Madmana, na Sheva, yeto apookye muri wa Makbena. Gibea. Kalebi etiri mwana wa kyen irina lyakwe ni Aksa. 50Kalebi etiri vana vengyi kwa nka wakwe Efrata; Huri mwana wakwe mmbe etiri vana vararu Shobali, yeto apookye muri wa Kiriath-yearimu, 51Salina mwana wa kavii mmbwe yeto apookye muri wa Betlehemu, na Sterefu mwana wa kararu, mmbwe yeto apookye muri wa Beti-gaderi; 52Shobali yeto apookye muri wa Kiriath-yearimu mmbwe eke saawoye wa vandu va Horoe, na kyenga kya vandu va muri wa Memuhoti 53ni amwi na ngyufyari tingyi valya vekee kulya Kiriath-yearimu tikee ni; Vaithiri, Vaputh, Vashumath, na Vanushrai [Vasorath na Vaeshteoli mmbo vaparikye yefo vandu yewo] 54Salma yeto apookye muri wa Yerusalemu mmbwe eke saaawoye ya Vanetofathi, Vaatroth-beth-yoabu na kyenga kya Vamenahathi mmbo Vasori. 55Ngyufyari tireikye mbony yeti mmbo vekaa muriny wa Yabesi Vatirathi, Vashimeath na Vasukathi. Yewo mmbo ngyeeri iparikye yefo ufyari lwa Hamati, yeto eke saawoye ya valya vammba ya Varekabu.

Currently Selected:

1 MBONY TA FYEERI 2: MAS2

Highlight

Copy

Compare