2 Vakorinto 13
13
Wiikyimbi lwefurumya na fiidikiro
1Elyi lya kararu nkeesha kwany. Kya kana ka vakureekyi vavii ao vararu wo irero lyishemanyikaa paa. 2Mmbo shilesongwa imuvia; na shaasa llya shekee kwany lya kavii, ni indo naakwa ni ulaalu shilaiyo, valya valetana ulyamari uka elyo mbee mmbo shavavia paa, na yewo vengyi woose, sheelyi, elyi nshaa nkwiifo kyesarya-fo. 3Mashika mmbo mukeeruuya ngata ya Kristo yeyo ishikaaye nalakee mfwafwa kwany, avetiri wiidimi nnang'ani yaany. 4Mashika we mmbo alekapywa nsalabeny akee na ufwafwa, kyaindi ulaalu mmbo akee na muu akee na finya ya Iruva. Neese kiwo mmbo lukee vafwafwa efo kwakwe, lyo mmbo lushekaa na muu nawe lukee na wiidimi lwa Iruva lukee kwany. 5Kweeseny muveni mulole kwakooya muselelyi iirikyony, kuvangiseny muveni. Ao ndesa mmbo mulakwiishi sheelyi Kristo akee nnang'ani yaany? Kulakooye llyo mulellemika. 6Shivikye nsia lyo mwiishi sheelyi llulemikye-fo. 7Neese mmbo lukeetereva Iruva naambo mulatani nta kindo kiravi, nshi naambo lulolywa mmbo lwiirikyo-fo lyo naambo yeni mukooye itana ekyo kyisha, na kikava yese luvakye yewo valeminkye. 8Mashika llushidimaa itana kindo kyoose kikapanaa na dede-fo. Mmbo lutanaa fyoose kimaruma kya dede. 9Mmbo lufurye kyeeri lukee vafwafwa, lyo yeni mmbo mukee vakaari. Na yekyi nkyo lwatereva kiinutywa kwany. 10Kikeeny indo, mmbo shareiya efi mulaiyo yoo mukai, naambo kyeeri shiiyo, shire shilanyaasya kiilanyi wiidimi elo Nndumi ashiniingye, kya irosa kilakee kya isammbwa.
11Na kya ifurummya, vanavama vakwa, nakwany, woniny ivanga na ivirywa muu, mukee na nrwe umwi, mukae iirikyony. Na Iruva yeto muni ukundi ashekaa ando amwi na yeni. 12Kwiidikireny na kimimindo kyeele. 13Veele woose vamwiidikira.
14Isarya lya Nndumi Yesu Kristo, na ikunda lya Iruva, na yaakaniswa Mmumuyo Mweele lyimukaye yeni moose.
Currently Selected:
2 Vakorinto 13: MASNT00
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.
