Obumanyi 18
18
Abaisiraeli Nibabona Omushana
1Abatakatifu bawe bakabona omushana gungi muno.
Ababisha babo babahulira amaraka,
kyonkai tibababoine aha maisho.
Nikyo babeteire baberwa aha rw'okuba
tibaboine naku nka bonene.
2Kandi bakasiima abatakatifu bawe
kubona batalikubehoroza mara okwo bakabakora kubi;
babatagiliza kababagarulira ahakuba bakaba
batalikushobokerwangana nabo.
3Abantu bawe kababaire nibagya
mbali babaire batalikumanya,
omu rugendo rwabo orwo ow'okutangaza,
okabateraho enyomyo elikwaka omuliro yabebembera,
wabajwisiza n'omushana ogutali gwa kubashasa.
4Kikaba kisaine ababisha babo kubaima omushana,
kubakomera omu mwilima,
bakaba bangire kutaishura abaana bawe
kuruga omu naku.
Abaana bawe abo nibo wabaire noija kujwisizamu omushana
ogumanya Amateka,
ogw'okujwera ensi yona gutalikurara.
Okufa kw'Emizigaijo y'Abamisiri
5Orwo Abamisiri babaire bamalize kwita enkelemeke
z'abatakatifu bawe,
kandi omwana omoi bamutaire omu rufunjo
bashubire bamwihireyo#18:5 Bamwihireyo Omwana ogu ni Musa.
iwe okabonabonyia abamisiri abo
waita abaana babo bangi muno,
kandi ahanyuma wabasilikya bona,
wabaisa omutunga gw'amani.
6Kyonkai batatenkurw'ichwe bakaba bagambiirwe karai
ebilibaho omu kiro ekyo,
okukimanya kwabaletera okushemelerwa
n'okwikiliza ebyo wabaraganisize;
7eihanga lyawe lyaikara litegeleize okurokoka
kw'abarungi n'okusilika kw'ababisha babo.
8Omuhanda ogwo warabiremu
kutuhera ababisha baitu ekibonabonyio,
nigwo omuhanda ogwo warabiremu kuturonka
tukaba bawe wamara watuha n'eibara.
9Manya abantu bawe abarungi ab'eihanga elitakatifu
batambaga ebitambo batamanyirwe muntu,
kandi Amateka ga Ruhanga bagaikiliza n'omutima gumoi,
babone hamoi emigisha elikushushangana
n'enaku ezitalikwahukana,
omu kanya konene ako nibahoya empoya
ezo baishenkurubo bahoyaga.
10Kyonkai bakahulira ababisha babo
nibakungira oku n'oku,
bachulira muno abaana babo bahulirwa buli hantu.
11Ekibonabonyio eky'omwiru yaboine
nikyo kyonene kyonene ekyo mukamawe yaboine.
Omuntu owa buli kiro n'omukama
bona baferwa mifelerwe emoi.
12Bona hamoi emitumbi y'ababo abaisirwe orufu rumoi,
ekabalema kugibona.
Nangu abatafire bakalemwa kuziika emirambwe egyo
aha rw'obungi bwayo,
kuba abaana babo abagonzibwa
bakasilika omu kanya kake.
13N'orwo bataikilizaga kantu kona kona
aha rw'okwesiga emichwo yabo y'oburogi,
orwo emizigaijo yabo yasilikire,
bakamanya okwo Abaisiraeli baba bana bawe.
14Omu kiro omwo omw'itumbi,
hachuleire hataliho kalikuteza,
15nirwo wayemire omw'iguru aha nketo yawe
okagamba n'obushobora bwawe bwona,
okagambira ensi eyabaire yaramwirwe kusilika.
Omwisherukare ogwo atalikugarura kigere nyuma,
16akaija akwete embanda y'obwogi,
kugobesheleza omuku gwawe ogutahinduka,
yayemelera ahansi yakwata aha iguru,
ensi yona yagiteza enduru.
17Aho banagiire nikwo kurota ebilikutinisa muno,
bakwatwa obutini batabwetegeire.
18Bagwa ekisharaazi: Ogu aha, ondijo halinya,
bagamba ekyabaisa.
19Aha rw'okuba ebiroto ebyabashasize
bikaba byamanyisize ekyo barafera,
batasilika batamanyire ekyo baturwa.
Enshara ya Aroni Nekiza Abaisiraeli ahali Rufu
20Abarungi nabo bakafa,
embaga yagwerwa ekibundo omw'irungu,
kyonkai iwe tiwaikaire onigaire.
21Enshonga omuntu ayabaire ali nyakatetere
akanguha yabatelera omushango.
Akakoza obushobora bw'obukuhanibwe,
yakwoteza obunuma: Yakushaba, yakutonganaho.
Yaba nikwo ashobora kukutahamu onigaire,
akakugwisiliza n'ekibundo yakyemeleza.
Omu kukora atyo akolekya okwo yabaire ali mwiru wawe.
22Ekiniga ekyo tiyakisingisize mani ga bubili,
anga bushobora bwa bikwato bya ndashana.
Ebigambobye nibyo byakugwisilize
nobonabonyia Abaisiraeli,
nakwijukya ebyo waraganisize batatenkurw'ichwe norahira.
23Orwo abantu babaire bafire enkumbititi,
akatera omushango yakugwisiliza, walekera kunigara,
waganyira ababaire bakyarora.
24Ekanzuye elikukweya aha itaka,
ekaba etairweho eramani y'ensi yona,
n'amabara ga batatenkurw'ichwe ag'ekitinwa
gatemirwe aha mbengo inai z'amabare,
kandi aha mutwe akaba ajwete orukinga
orw'okuranga obukama bwawe.
25Ebyo nibyo omubisha ayabaire nasilikya abantu bawe,
yatinire akaimukya emikono.
Ekiniga kyawe ekyo okukirozaho kushai kukaba nikumara.
Currently Selected:
Obumanyi 18: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Obumanyi 18
18
Abaisiraeli Nibabona Omushana
1Abatakatifu bawe bakabona omushana gungi muno.
Ababisha babo babahulira amaraka,
kyonkai tibababoine aha maisho.
Nikyo babeteire baberwa aha rw'okuba
tibaboine naku nka bonene.
2Kandi bakasiima abatakatifu bawe
kubona batalikubehoroza mara okwo bakabakora kubi;
babatagiliza kababagarulira ahakuba bakaba
batalikushobokerwangana nabo.
3Abantu bawe kababaire nibagya
mbali babaire batalikumanya,
omu rugendo rwabo orwo ow'okutangaza,
okabateraho enyomyo elikwaka omuliro yabebembera,
wabajwisiza n'omushana ogutali gwa kubashasa.
4Kikaba kisaine ababisha babo kubaima omushana,
kubakomera omu mwilima,
bakaba bangire kutaishura abaana bawe
kuruga omu naku.
Abaana bawe abo nibo wabaire noija kujwisizamu omushana
ogumanya Amateka,
ogw'okujwera ensi yona gutalikurara.
Okufa kw'Emizigaijo y'Abamisiri
5Orwo Abamisiri babaire bamalize kwita enkelemeke
z'abatakatifu bawe,
kandi omwana omoi bamutaire omu rufunjo
bashubire bamwihireyo#18:5 Bamwihireyo Omwana ogu ni Musa.
iwe okabonabonyia abamisiri abo
waita abaana babo bangi muno,
kandi ahanyuma wabasilikya bona,
wabaisa omutunga gw'amani.
6Kyonkai batatenkurw'ichwe bakaba bagambiirwe karai
ebilibaho omu kiro ekyo,
okukimanya kwabaletera okushemelerwa
n'okwikiliza ebyo wabaraganisize;
7eihanga lyawe lyaikara litegeleize okurokoka
kw'abarungi n'okusilika kw'ababisha babo.
8Omuhanda ogwo warabiremu
kutuhera ababisha baitu ekibonabonyio,
nigwo omuhanda ogwo warabiremu kuturonka
tukaba bawe wamara watuha n'eibara.
9Manya abantu bawe abarungi ab'eihanga elitakatifu
batambaga ebitambo batamanyirwe muntu,
kandi Amateka ga Ruhanga bagaikiliza n'omutima gumoi,
babone hamoi emigisha elikushushangana
n'enaku ezitalikwahukana,
omu kanya konene ako nibahoya empoya
ezo baishenkurubo bahoyaga.
10Kyonkai bakahulira ababisha babo
nibakungira oku n'oku,
bachulira muno abaana babo bahulirwa buli hantu.
11Ekibonabonyio eky'omwiru yaboine
nikyo kyonene kyonene ekyo mukamawe yaboine.
Omuntu owa buli kiro n'omukama
bona baferwa mifelerwe emoi.
12Bona hamoi emitumbi y'ababo abaisirwe orufu rumoi,
ekabalema kugibona.
Nangu abatafire bakalemwa kuziika emirambwe egyo
aha rw'obungi bwayo,
kuba abaana babo abagonzibwa
bakasilika omu kanya kake.
13N'orwo bataikilizaga kantu kona kona
aha rw'okwesiga emichwo yabo y'oburogi,
orwo emizigaijo yabo yasilikire,
bakamanya okwo Abaisiraeli baba bana bawe.
14Omu kiro omwo omw'itumbi,
hachuleire hataliho kalikuteza,
15nirwo wayemire omw'iguru aha nketo yawe
okagamba n'obushobora bwawe bwona,
okagambira ensi eyabaire yaramwirwe kusilika.
Omwisherukare ogwo atalikugarura kigere nyuma,
16akaija akwete embanda y'obwogi,
kugobesheleza omuku gwawe ogutahinduka,
yayemelera ahansi yakwata aha iguru,
ensi yona yagiteza enduru.
17Aho banagiire nikwo kurota ebilikutinisa muno,
bakwatwa obutini batabwetegeire.
18Bagwa ekisharaazi: Ogu aha, ondijo halinya,
bagamba ekyabaisa.
19Aha rw'okuba ebiroto ebyabashasize
bikaba byamanyisize ekyo barafera,
batasilika batamanyire ekyo baturwa.
Enshara ya Aroni Nekiza Abaisiraeli ahali Rufu
20Abarungi nabo bakafa,
embaga yagwerwa ekibundo omw'irungu,
kyonkai iwe tiwaikaire onigaire.
21Enshonga omuntu ayabaire ali nyakatetere
akanguha yabatelera omushango.
Akakoza obushobora bw'obukuhanibwe,
yakwoteza obunuma: Yakushaba, yakutonganaho.
Yaba nikwo ashobora kukutahamu onigaire,
akakugwisiliza n'ekibundo yakyemeleza.
Omu kukora atyo akolekya okwo yabaire ali mwiru wawe.
22Ekiniga ekyo tiyakisingisize mani ga bubili,
anga bushobora bwa bikwato bya ndashana.
Ebigambobye nibyo byakugwisilize
nobonabonyia Abaisiraeli,
nakwijukya ebyo waraganisize batatenkurw'ichwe norahira.
23Orwo abantu babaire bafire enkumbititi,
akatera omushango yakugwisiliza, walekera kunigara,
waganyira ababaire bakyarora.
24Ekanzuye elikukweya aha itaka,
ekaba etairweho eramani y'ensi yona,
n'amabara ga batatenkurw'ichwe ag'ekitinwa
gatemirwe aha mbengo inai z'amabare,
kandi aha mutwe akaba ajwete orukinga
orw'okuranga obukama bwawe.
25Ebyo nibyo omubisha ayabaire nasilikya abantu bawe,
yatinire akaimukya emikono.
Ekiniga kyawe ekyo okukirozaho kushai kukaba nikumara.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.