Sira 30
30
Okulera abaana
1Agonza omwanawe aikara namutera,
aije abe mwana murungi amwebuge.
2Atera kurungi omwanawe amubonaho amagoba,
amwebuga n'omuli batahibe.
3Ayegesa omwanawe achubisa abatamwendera,
kandi amwebuga omu maisho ga batahibe.
4Ishemuntu mwana afa atafire,
aha rw'okuba naba asigire alikumushusha.
5Orwo akyarora k'amubona ashemelerwa,
kandi k'afa, afa ataina bushasi.
6Enshonga aba asigire ow'okumweholera ababishabe,
n'okukolera kurungi banywanyibe abamukoleirege.
7Agiza omwanawe elyana n'iwe amushemba amahuta,
orwo arahuliraga ayalira omutima gumwemelere.
8Efarasi etayoroirwege eita kubi,
n'omwana atalezirwege aba kitwekiguma.
9Giza omwana elyana oije omubone;
ozane nawe aije akushase.
10Otalishekasheka nawe akaija akakujunaza,
ahanyuma okanena amaino.
11Otalimutera ishaija akyali muto,
kandi atalishobya okamuleka.
12Omwinike ebikya akyali muto,
omutere embaju atakakuzire,
ataligira ijegu akaburwa kukuhulira,
akakujunaza omwoyo.
13Omwana wawe omulerege omwekomere,
ataliba omuhwanshoni akakutamisa.
Endekwe
14Omunaku agumire mara aina endekwe,
nakira omuntungi omurwaire muno.
15Amani n'okuguma nibishaga ezahabu yona,
n'omuntu aina amani agumire
nakira eitunga litaina rubara.
16Tabaho itunga likira muntu aina ndekwe,
tabaho mashemelerwa gashaga byera bya mutima.
17Hakili kufa kukira okuba mujune,
n'okuhumulira kimoi eirai lyona
nikukira okurwara orubelera.
18Ebyakulya bishaire kubiha omurwaire ataina galya,
nibishusha ebyakulya ebyo bahonga aha kituro ky'omuntu.
19Ebiraba ebyo bahongera ekihuuku,
bigira mugashoki?
Ekihuuku tikilya kandi tikinukirwa.
N'omuntu ow'Omukama abonabonyia nikwo ali atyo.
20Aleba ekyakulya kyobamuha,
asinda kushai,
ashusha omukobe afumbata omwisiki
akaikya omwoyo gungi gwa bushai.
Amashemelerwa n'obujune
21K'oligira ekyakushasa otalikunda kujunara,
mara otalyeshasiza bushai.
22Amashemelerwa g'aha mutima
nibwo buba burora bw'omuntu,
kandi ow'ebyera n'iwe arama.
23Oikarege aha mwoyo,
mara otachuramirwa aha mutima.
Otakunda n'akati kujunara,
enshonga obujune buraisire abantu bangi;
mara tibugira mugasho.
24Ekisho n'ekiniga bigufaliza omuntu oburora,
kandi akahangahango kaletera omuntu okwanguha kugurusha.
25Omuntu ow'ebyera n'omutima gukeire,
agira ebyera mara alyage.
Currently Selected:
Sira 30: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Sira 30
30
Okulera abaana
1Agonza omwanawe aikara namutera,
aije abe mwana murungi amwebuge.
2Atera kurungi omwanawe amubonaho amagoba,
amwebuga n'omuli batahibe.
3Ayegesa omwanawe achubisa abatamwendera,
kandi amwebuga omu maisho ga batahibe.
4Ishemuntu mwana afa atafire,
aha rw'okuba naba asigire alikumushusha.
5Orwo akyarora k'amubona ashemelerwa,
kandi k'afa, afa ataina bushasi.
6Enshonga aba asigire ow'okumweholera ababishabe,
n'okukolera kurungi banywanyibe abamukoleirege.
7Agiza omwanawe elyana n'iwe amushemba amahuta,
orwo arahuliraga ayalira omutima gumwemelere.
8Efarasi etayoroirwege eita kubi,
n'omwana atalezirwege aba kitwekiguma.
9Giza omwana elyana oije omubone;
ozane nawe aije akushase.
10Otalishekasheka nawe akaija akakujunaza,
ahanyuma okanena amaino.
11Otalimutera ishaija akyali muto,
kandi atalishobya okamuleka.
12Omwinike ebikya akyali muto,
omutere embaju atakakuzire,
ataligira ijegu akaburwa kukuhulira,
akakujunaza omwoyo.
13Omwana wawe omulerege omwekomere,
ataliba omuhwanshoni akakutamisa.
Endekwe
14Omunaku agumire mara aina endekwe,
nakira omuntungi omurwaire muno.
15Amani n'okuguma nibishaga ezahabu yona,
n'omuntu aina amani agumire
nakira eitunga litaina rubara.
16Tabaho itunga likira muntu aina ndekwe,
tabaho mashemelerwa gashaga byera bya mutima.
17Hakili kufa kukira okuba mujune,
n'okuhumulira kimoi eirai lyona
nikukira okurwara orubelera.
18Ebyakulya bishaire kubiha omurwaire ataina galya,
nibishusha ebyakulya ebyo bahonga aha kituro ky'omuntu.
19Ebiraba ebyo bahongera ekihuuku,
bigira mugashoki?
Ekihuuku tikilya kandi tikinukirwa.
N'omuntu ow'Omukama abonabonyia nikwo ali atyo.
20Aleba ekyakulya kyobamuha,
asinda kushai,
ashusha omukobe afumbata omwisiki
akaikya omwoyo gungi gwa bushai.
Amashemelerwa n'obujune
21K'oligira ekyakushasa otalikunda kujunara,
mara otalyeshasiza bushai.
22Amashemelerwa g'aha mutima
nibwo buba burora bw'omuntu,
kandi ow'ebyera n'iwe arama.
23Oikarege aha mwoyo,
mara otachuramirwa aha mutima.
Otakunda n'akati kujunara,
enshonga obujune buraisire abantu bangi;
mara tibugira mugasho.
24Ekisho n'ekiniga bigufaliza omuntu oburora,
kandi akahangahango kaletera omuntu okwanguha kugurusha.
25Omuntu ow'ebyera n'omutima gukeire,
agira ebyera mara alyage.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.