Sira 25
25
Abantu abaragiirwe kusimwa
1Haliho ebintu bishatu ebinshemelera,
mara bishemelera Omukama n'abantu;
abarumuna kuhulilijanyia,
abatani kugira obutahi;
kandi omushaija na mukaziwe kugira
omuturanwa gw'emilembe.
2Ntamwa engeli ishatu z'abantu,
n'emirolere yabo entama kubi,
omwanje kugira eikuru;
omutungi kubeiya ebishuba;
Kandi obusiyani kugobya omuntu omu bugurusi
bukamubuza amagezi.
3K'ebintu otabyehigiire oli muto,
aho omu bugurusi bwawe oligira kintuki?
4Kirungi kitai ow'enjwi kuramura kurungi,
n'omugurusi kuhanurage!
5Kirungi kitai abagurusi kugira obumanyi,
n'ab'ekitinwa kushobokerwa n'okuhanurage!
6Okumanya bingi omu burora nirwo rukinga rw'abagurusi,
kandi okutina Omukama nikyo kiba kyebugo kyabo.
7Haliho ebintu mwenda ebinshemelera,
n'ekya ikumi nkigambe bugamba,
omuntu ayebuga abaanabe;
n'omuntu aikaraho akarora
akabona ensi nehinduka ababishabe.
8Muberwa ashwera omukazi omugezi,
n'ow'orulimi rutahena aba muberwa.
Muberwa atakolera muntu owo alikukira eiranga,
9n'aina amagezi garungi aba muberwa,
nawe muberwa agambira banu bakamutega amatwi.
10Muhango atai aina obumanyi!
Kyonkai atina Omukama takirwa muntu.
11Okutina Omukama kushaga byona;
12wakumushushanisa ohai ogwo aikara atiniire kimoi Omukama?
Abakazi
13Hakili kugira obuhuta,
kyonkai butabaire buhuta bw'aha mutima.
Hakili kugira omutima gubi,
kyonkai omutima gubi ogwo gutagizirwe muk'omushaija!
14Hakili omuntu kukutabalira,
kyonkai otatabaliirwe muntu alikukunoba!
Hakili omuntu wena wena kukwehoroza,
kyonkai ababisha bawe batakwehoroize!
15Tabaho sumu eba mbi kukira mashagwa ga njoka,
kandi tabaho kiniga kibi kushaga ekiniga ky'omubisha.
16Hakili nture n'entare n'ekinyamugenge,
kukira okushwera omukazi aina omutima gubi.
17Muk'omushaija kugira omutima gubi
gumuhindura n'aha maisho,
obusobwe bushusha obw'edubu.
18Mushaijawe aragiirwe kulya omuli batahibe,
kandi n'obujune agira bungi.
19Tabaho ntambara mbi ey'okwiganisa n'entambara
eya muk'omushaija.
Omukazi nk'ogu w'okubona ekibonabonyio
eky'abafakare babona.
20Nk'okwo akatemba k'omushenye
kagumira omugurusi kukatemba,
nikwo n'omukazi ow'orugambo
agumira omushaija ayesiza.
21Otalilembwa burungi bwa mukazi,
kandi otalimwegomba aha rw'eitungalye.
22Omukazi k'aba n'iwe ayemamu iba,
ahanyuma amutamisa, amushonaza,
mara amuhemura muno.
23Omukazi mubi ashasa,
ajunaza mara ahutaza iba omutima.
Omukazi ataikaza iba kurungi,
amuletera okulebera emikono n'okutemwa entege.
24Obufu bukabandiza aha mukazi,
ichwena twafa twazira wenene.
25Omw'iziba lyawe amaizi otaligaha nyenyo,
kandi omukazi mubi otalimuleka kugambisa iraigi.
26K'atatweze kw'olikumuragira,
otaane nawe omutambye.
Currently Selected:
Sira 25: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Sira 25
25
Abantu abaragiirwe kusimwa
1Haliho ebintu bishatu ebinshemelera,
mara bishemelera Omukama n'abantu;
abarumuna kuhulilijanyia,
abatani kugira obutahi;
kandi omushaija na mukaziwe kugira
omuturanwa gw'emilembe.
2Ntamwa engeli ishatu z'abantu,
n'emirolere yabo entama kubi,
omwanje kugira eikuru;
omutungi kubeiya ebishuba;
Kandi obusiyani kugobya omuntu omu bugurusi
bukamubuza amagezi.
3K'ebintu otabyehigiire oli muto,
aho omu bugurusi bwawe oligira kintuki?
4Kirungi kitai ow'enjwi kuramura kurungi,
n'omugurusi kuhanurage!
5Kirungi kitai abagurusi kugira obumanyi,
n'ab'ekitinwa kushobokerwa n'okuhanurage!
6Okumanya bingi omu burora nirwo rukinga rw'abagurusi,
kandi okutina Omukama nikyo kiba kyebugo kyabo.
7Haliho ebintu mwenda ebinshemelera,
n'ekya ikumi nkigambe bugamba,
omuntu ayebuga abaanabe;
n'omuntu aikaraho akarora
akabona ensi nehinduka ababishabe.
8Muberwa ashwera omukazi omugezi,
n'ow'orulimi rutahena aba muberwa.
Muberwa atakolera muntu owo alikukira eiranga,
9n'aina amagezi garungi aba muberwa,
nawe muberwa agambira banu bakamutega amatwi.
10Muhango atai aina obumanyi!
Kyonkai atina Omukama takirwa muntu.
11Okutina Omukama kushaga byona;
12wakumushushanisa ohai ogwo aikara atiniire kimoi Omukama?
Abakazi
13Hakili kugira obuhuta,
kyonkai butabaire buhuta bw'aha mutima.
Hakili kugira omutima gubi,
kyonkai omutima gubi ogwo gutagizirwe muk'omushaija!
14Hakili omuntu kukutabalira,
kyonkai otatabaliirwe muntu alikukunoba!
Hakili omuntu wena wena kukwehoroza,
kyonkai ababisha bawe batakwehoroize!
15Tabaho sumu eba mbi kukira mashagwa ga njoka,
kandi tabaho kiniga kibi kushaga ekiniga ky'omubisha.
16Hakili nture n'entare n'ekinyamugenge,
kukira okushwera omukazi aina omutima gubi.
17Muk'omushaija kugira omutima gubi
gumuhindura n'aha maisho,
obusobwe bushusha obw'edubu.
18Mushaijawe aragiirwe kulya omuli batahibe,
kandi n'obujune agira bungi.
19Tabaho ntambara mbi ey'okwiganisa n'entambara
eya muk'omushaija.
Omukazi nk'ogu w'okubona ekibonabonyio
eky'abafakare babona.
20Nk'okwo akatemba k'omushenye
kagumira omugurusi kukatemba,
nikwo n'omukazi ow'orugambo
agumira omushaija ayesiza.
21Otalilembwa burungi bwa mukazi,
kandi otalimwegomba aha rw'eitungalye.
22Omukazi k'aba n'iwe ayemamu iba,
ahanyuma amutamisa, amushonaza,
mara amuhemura muno.
23Omukazi mubi ashasa,
ajunaza mara ahutaza iba omutima.
Omukazi ataikaza iba kurungi,
amuletera okulebera emikono n'okutemwa entege.
24Obufu bukabandiza aha mukazi,
ichwena twafa twazira wenene.
25Omw'iziba lyawe amaizi otaligaha nyenyo,
kandi omukazi mubi otalimuleka kugambisa iraigi.
26K'atatweze kw'olikumuragira,
otaane nawe omutambye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.