Sira 24
24
Ebyo Bumanyi alikwegambaho
1Bumanyi nayesingiza,
Nayesiima omu Baisiraeli eihangalye.
2Omu nteko y'abamalaika ba Rukirabyona nagamba,
nayeshanda omu maisho g'eihangalye ati:
3“Inye nkaruga omu kanwa ka Rukirabyona,
ensi nagibunda nk'oruho.
4Naturaga omw'iguru,
enketo yange ekaba eli omu nyomyo y'ekichwi.
5Eiguru nkalitonda nyenkai,
kandi omu nyanja engundu okuzimu
niyo narabaga n'amaguru.
6Amayengo g'enyanja, ensi yona,
n'abantu bona n'amahanga,
byona byange nyabwange.
7Omu mahanga gona aga nkahigamu obuturo;
nahiga nture nsi ya ihangaki.
8Aho Omutonzi wa byona yampa omuhango,
ayantonzire yampa obutero bw'eihema lyange.
Akangambira ati, ‘Oture omu baana ba Yakobo,
obutaka bwawe buli omuli Isiraeli.’
9Kwema eirai lyona akantonda ebintu bitakabaireho,
mara eirai lyona tindihwaho.
10Nabaga mukoziwe omw'Ihema litakatifu,
nagumira kimoi omuli Sioni.
11Akampa obuhumuliro omu kigo ekigonzibwa
natwara nyemire Yerusalemu.
12Nasimba omuzi omw'ihanga ly'ekitinwa,
ely'Omukama yaronkire kuba lye nyabwe.
13Nakura naraihya nk'omwelezi gwa Lebanoni,
nashusha Omushemeni aha mabanga ga Lebanoni.
14Nakura naraihya nk'omukindo gwa Engedi,
nashusha eroza ezimera Yeriko.
Naba nk'omuzeituni ogushemeire omu ndimiro,
naraihya nk'omwaramoni.
15Nkarugwamu akoya k'omugaju
nk'omudarasini n'omudwere,
natamirana nka mira enungi muno,
nashusha eudi na onika na sitatiti,
natamirana nk'obubani omu i Rwensinga ntakatifu.
16Nagira amatagi nk'omweloni,
mara amatagi gange ago g'ekitinwa kandi gemirege.
17Nkashusha omuzabibu natutura ebyana birungi,
18nayakya naraba ebiraba birungi mara bingi.
19Mungobe inywe abanyenda,
mulye mwigute ebyo nyeliza.
20Muraijuka okwo nura kukira obwoki,
obwoki obwange okunura nibushaga ekigabo
ky'obwoki bwa buli kiro.
21Abandya bashuba bagira enjara;
n'abanywa bashuba bagira eiliho.
22Wena angilira omuhuliro talishonara,
n'abakora okwo mbagambiire tibafakara.”
Obumanyi n'Amateka
23Ebi byona kitabo ky'endagano ya Rukirabyona,
24Mateka ago Musa yaturagiire
kuta nigakwatwa baijukuru ba Yakobo.
25Amateka nigo gaijuza abantu obumanyi,
bukashesheka nk'Omwiga gwa Pishoni,
kandi nk'Omwiga gwa Tigirisi orwo ebiraba bibanza kwera.
26Amateka gaijuza abantu okushobokerwa,
baijura nk'Omwiga gwa Efurati,
baijura nk'Omwiga gwa Yorudani omu magesha.
27Abegire kabakwata Amateka bashamura nk'omushana,
bashamura nk'Omwiga gwa Gihoni omw'ishoroma ly'ezabibu.
28Nk'okwo omuntu owa mbere atamanyire Bumanyi
kumumarayo,
n'ow'enzindo talimushobokerwa akamwijurwa.
29Ebitekelezo bya Bumanyi
nibishaga obuhango bw'enyanja,
n'emihanulireye negoba okuzimu kushaga owa dondondo.
30Inye nayelengaga kuba omufereji
ogulikwihya amaizi aha mwiga kugatwara omu ndimiro.
31Inye omugendelero gwange gukaba guli
gw'okusheshera endimiro yange amaizi,
ey'ebiraba n'ebusitani y'amaua,
nawe ekyarugire omwo omufereji gwaba mwiga,
kandi omwiga gwaba nyanja.
32Kityo mbwenu kambegese,
mara ebyo ndikubegesa mbikwatire eiguru,
bigobe buli hantu nk'omushana,
okw'obona eizoba lilikushabuka.
33Kambegese bingi nk'omurangi akyanuliirwe,
ebyo ndikubegesa biligasha n'emizarwa elija.
34Mwekomye okwo omulimo gw'amani
ogu tingwekoleire inye nyenkai,
ngukozire kujuna kaishe muntu
alikugonza kwega.
Currently Selected:
Sira 24: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Sira 24
24
Ebyo Bumanyi alikwegambaho
1Bumanyi nayesingiza,
Nayesiima omu Baisiraeli eihangalye.
2Omu nteko y'abamalaika ba Rukirabyona nagamba,
nayeshanda omu maisho g'eihangalye ati:
3“Inye nkaruga omu kanwa ka Rukirabyona,
ensi nagibunda nk'oruho.
4Naturaga omw'iguru,
enketo yange ekaba eli omu nyomyo y'ekichwi.
5Eiguru nkalitonda nyenkai,
kandi omu nyanja engundu okuzimu
niyo narabaga n'amaguru.
6Amayengo g'enyanja, ensi yona,
n'abantu bona n'amahanga,
byona byange nyabwange.
7Omu mahanga gona aga nkahigamu obuturo;
nahiga nture nsi ya ihangaki.
8Aho Omutonzi wa byona yampa omuhango,
ayantonzire yampa obutero bw'eihema lyange.
Akangambira ati, ‘Oture omu baana ba Yakobo,
obutaka bwawe buli omuli Isiraeli.’
9Kwema eirai lyona akantonda ebintu bitakabaireho,
mara eirai lyona tindihwaho.
10Nabaga mukoziwe omw'Ihema litakatifu,
nagumira kimoi omuli Sioni.
11Akampa obuhumuliro omu kigo ekigonzibwa
natwara nyemire Yerusalemu.
12Nasimba omuzi omw'ihanga ly'ekitinwa,
ely'Omukama yaronkire kuba lye nyabwe.
13Nakura naraihya nk'omwelezi gwa Lebanoni,
nashusha Omushemeni aha mabanga ga Lebanoni.
14Nakura naraihya nk'omukindo gwa Engedi,
nashusha eroza ezimera Yeriko.
Naba nk'omuzeituni ogushemeire omu ndimiro,
naraihya nk'omwaramoni.
15Nkarugwamu akoya k'omugaju
nk'omudarasini n'omudwere,
natamirana nka mira enungi muno,
nashusha eudi na onika na sitatiti,
natamirana nk'obubani omu i Rwensinga ntakatifu.
16Nagira amatagi nk'omweloni,
mara amatagi gange ago g'ekitinwa kandi gemirege.
17Nkashusha omuzabibu natutura ebyana birungi,
18nayakya naraba ebiraba birungi mara bingi.
19Mungobe inywe abanyenda,
mulye mwigute ebyo nyeliza.
20Muraijuka okwo nura kukira obwoki,
obwoki obwange okunura nibushaga ekigabo
ky'obwoki bwa buli kiro.
21Abandya bashuba bagira enjara;
n'abanywa bashuba bagira eiliho.
22Wena angilira omuhuliro talishonara,
n'abakora okwo mbagambiire tibafakara.”
Obumanyi n'Amateka
23Ebi byona kitabo ky'endagano ya Rukirabyona,
24Mateka ago Musa yaturagiire
kuta nigakwatwa baijukuru ba Yakobo.
25Amateka nigo gaijuza abantu obumanyi,
bukashesheka nk'Omwiga gwa Pishoni,
kandi nk'Omwiga gwa Tigirisi orwo ebiraba bibanza kwera.
26Amateka gaijuza abantu okushobokerwa,
baijura nk'Omwiga gwa Efurati,
baijura nk'Omwiga gwa Yorudani omu magesha.
27Abegire kabakwata Amateka bashamura nk'omushana,
bashamura nk'Omwiga gwa Gihoni omw'ishoroma ly'ezabibu.
28Nk'okwo omuntu owa mbere atamanyire Bumanyi
kumumarayo,
n'ow'enzindo talimushobokerwa akamwijurwa.
29Ebitekelezo bya Bumanyi
nibishaga obuhango bw'enyanja,
n'emihanulireye negoba okuzimu kushaga owa dondondo.
30Inye nayelengaga kuba omufereji
ogulikwihya amaizi aha mwiga kugatwara omu ndimiro.
31Inye omugendelero gwange gukaba guli
gw'okusheshera endimiro yange amaizi,
ey'ebiraba n'ebusitani y'amaua,
nawe ekyarugire omwo omufereji gwaba mwiga,
kandi omwiga gwaba nyanja.
32Kityo mbwenu kambegese,
mara ebyo ndikubegesa mbikwatire eiguru,
bigobe buli hantu nk'omushana,
okw'obona eizoba lilikushabuka.
33Kambegese bingi nk'omurangi akyanuliirwe,
ebyo ndikubegesa biligasha n'emizarwa elija.
34Mwekomye okwo omulimo gw'amani
ogu tingwekoleire inye nyenkai,
ngukozire kujuna kaishe muntu
alikugonza kwega.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.