Sira 18
18
Obukuru bwa Ruhanga
1Wenene Nyakumeleera n'iwe yatonzire ensi yona.
2Omukama wenkai aragambwaga
3okwo aba murungi.
4Taliho n'omoi ow'arahaire bushobora
bw'okushoborora ebyo yakozire.
Isi ebikorwabye eby'amani n'ohai ow'okubitaburura?
5N'ohai ow'okulenga obushoborabwe obw'ekitinwa?
Isi ow'okubarura obuganyizibwe akabumarayo?
6Ichwe titwakushobora kubikanyisa anga kubikeyesa,
kandi titwakushobora kumanya bitangazobye byona.
7Orwo omuntu aba yamara nirwo aba nabanza;
kandi orwo alekera abumbulikwa.
Omuntu aba bushai
8Omuntu kintuki? Aba wa mugashoki?
Akora karungiki? Akora kabiki?
9Oburora bw'omuntu buba bungi
k'agobya emyaka kikumi.
10Emyakaye mike k'olikugilebeshanyia n'eirai lyona,
neshusha eitonya ly'amaizi
lirugire omu nyanja anga akashenye.
11Niyo nshonga Omukama abegumisiliza,
akabagilira obuganyizi bungi muno.
12Aleba kandi amanya okwo amaheleruka gabo galiba gabi;
nikyo abagililira obuganyizi bungi.
13Omuntu, mutahiwe ow'alikumanya n'iwe agilira embabazi,
kyonkai Omukama agilira embabazi abantu bona.
Abahana, abanigisa, kandi abegesa;
ashuba abagarura okwo omushumba
atahya obuhyobwe bw'entaama.
14Abaikiliza k'abahana abagilira embabazi,
mara embabazi ezo azigilira
n'abagonza kumanya mbali bamushobya.
Obufura n'ekisha
15Mwana wange, orwo oligira owo wajuna otalimujumirana.
K'oliha omuntu ekintu otaligamba kya kumushasa.
16Orume tirumara ilimbe mani?
Kityo ekigambo kirungi kishaga egabo.
17Omu mazima ekigambo tikikira gabo nungi?
Omuntu ow'ekisha aragiirwe abigire byombi.
18Omufera tagira kisha mara ajumirana,
n'ekyo omuntu yakuha nayefuhya tikikushemelera.
Okweleba
19Otakagambire banza omanye eky'olikwija kugamba;
kandi olebelerege oburora bwawe otaija okarwara.
20Otakaramwire muntu banza oyelebe,
nirwo olija okaganyirwa aha kiro ky'okuramurwa.
21Oyetohye otakaboine kibonabonyio kya ndwara;
kandi k'oli haihi kufakara kebuka.
22Hatalibaho kya kutanga kuhikya kiragano kyawe,
kandi otaliikara na ibanja lya kukihikya
kulemwa kuhika aha kufa.
23Otalikora kiragano otakyetekatekeire;
otalishusha muntu alikulengesa Omukama.
24Ijuka okwo omu kufa kwawe yakukubonabonyia,
ataligya kukuramura akaleba aha rubaju.
25Orwo oliba oyelize bingi olijuka okwo hakubayo eifa;
orwo oliba otungire olijukayo obunaku n'obworo.
26Kwema bwankya kuturuka bwaigoro ebihinduka bibaho;
mara Omukama abyanguhya byona.
27Omumanyi ayegendeleza buli kantu,
orwo abantu bafakara muno wenene ayelinda okushobya.
28Buli mugezi amanyage Bumanyi,
mara asiima omuntu abona Bumanyi ogwo.
29Abashobokerwa enfumo bagira Bumanyi,
mara bachwa emigani eyolekeire.
Okwetanga
30Otaligira rwoyoyo rubi okaruhondera,
kandi ebikunulira obyetange.
31K'olikara nogonza okushemelerwa eby'orwoyoyo rubi,
ababisha bawe barakushekeleraga
32Otaligonza mashemelerwa okashagulirana,
kuba eminywere eyab'egyo yakukunakwaza.
33Otalyemanyiza kushabiliza mpiya
ez'okutwara omu malili,
kandi iwe otaina kantu mu nshaho.
Currently Selected:
Sira 18: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Sira 18
18
Obukuru bwa Ruhanga
1Wenene Nyakumeleera n'iwe yatonzire ensi yona.
2Omukama wenkai aragambwaga
3okwo aba murungi.
4Taliho n'omoi ow'arahaire bushobora
bw'okushoborora ebyo yakozire.
Isi ebikorwabye eby'amani n'ohai ow'okubitaburura?
5N'ohai ow'okulenga obushoborabwe obw'ekitinwa?
Isi ow'okubarura obuganyizibwe akabumarayo?
6Ichwe titwakushobora kubikanyisa anga kubikeyesa,
kandi titwakushobora kumanya bitangazobye byona.
7Orwo omuntu aba yamara nirwo aba nabanza;
kandi orwo alekera abumbulikwa.
Omuntu aba bushai
8Omuntu kintuki? Aba wa mugashoki?
Akora karungiki? Akora kabiki?
9Oburora bw'omuntu buba bungi
k'agobya emyaka kikumi.
10Emyakaye mike k'olikugilebeshanyia n'eirai lyona,
neshusha eitonya ly'amaizi
lirugire omu nyanja anga akashenye.
11Niyo nshonga Omukama abegumisiliza,
akabagilira obuganyizi bungi muno.
12Aleba kandi amanya okwo amaheleruka gabo galiba gabi;
nikyo abagililira obuganyizi bungi.
13Omuntu, mutahiwe ow'alikumanya n'iwe agilira embabazi,
kyonkai Omukama agilira embabazi abantu bona.
Abahana, abanigisa, kandi abegesa;
ashuba abagarura okwo omushumba
atahya obuhyobwe bw'entaama.
14Abaikiliza k'abahana abagilira embabazi,
mara embabazi ezo azigilira
n'abagonza kumanya mbali bamushobya.
Obufura n'ekisha
15Mwana wange, orwo oligira owo wajuna otalimujumirana.
K'oliha omuntu ekintu otaligamba kya kumushasa.
16Orume tirumara ilimbe mani?
Kityo ekigambo kirungi kishaga egabo.
17Omu mazima ekigambo tikikira gabo nungi?
Omuntu ow'ekisha aragiirwe abigire byombi.
18Omufera tagira kisha mara ajumirana,
n'ekyo omuntu yakuha nayefuhya tikikushemelera.
Okweleba
19Otakagambire banza omanye eky'olikwija kugamba;
kandi olebelerege oburora bwawe otaija okarwara.
20Otakaramwire muntu banza oyelebe,
nirwo olija okaganyirwa aha kiro ky'okuramurwa.
21Oyetohye otakaboine kibonabonyio kya ndwara;
kandi k'oli haihi kufakara kebuka.
22Hatalibaho kya kutanga kuhikya kiragano kyawe,
kandi otaliikara na ibanja lya kukihikya
kulemwa kuhika aha kufa.
23Otalikora kiragano otakyetekatekeire;
otalishusha muntu alikulengesa Omukama.
24Ijuka okwo omu kufa kwawe yakukubonabonyia,
ataligya kukuramura akaleba aha rubaju.
25Orwo oliba oyelize bingi olijuka okwo hakubayo eifa;
orwo oliba otungire olijukayo obunaku n'obworo.
26Kwema bwankya kuturuka bwaigoro ebihinduka bibaho;
mara Omukama abyanguhya byona.
27Omumanyi ayegendeleza buli kantu,
orwo abantu bafakara muno wenene ayelinda okushobya.
28Buli mugezi amanyage Bumanyi,
mara asiima omuntu abona Bumanyi ogwo.
29Abashobokerwa enfumo bagira Bumanyi,
mara bachwa emigani eyolekeire.
Okwetanga
30Otaligira rwoyoyo rubi okaruhondera,
kandi ebikunulira obyetange.
31K'olikara nogonza okushemelerwa eby'orwoyoyo rubi,
ababisha bawe barakushekeleraga
32Otaligonza mashemelerwa okashagulirana,
kuba eminywere eyab'egyo yakukunakwaza.
33Otalyemanyiza kushabiliza mpiya
ez'okutwara omu malili,
kandi iwe otaina kantu mu nshaho.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.